متلازمة الـ يو اكس بروسس – UX Process

- في مشاكل كتير بتواجه الناس اللي بتتعلم في المجال ونظريات وكلام علمي مجعلص كده كبير، عشان نسمع الكلمه كده او نشوفها ونقراها بالانجلش نحس ان الكلام ده صعب جدا وهنتعلم الحاجات دي ازاي وهنشتغلها ازاي؟.

ولكن الحقيقه بتاعه الموضوع ده ان هي على ارض الواقع الموضوع مختلف تماما، اختلاف تطبيق اي حاجه علميه في سوق معين ده بيبقى تابع او جاي عشان ال behavior بتاع المستخدمين، الـ cultural اللي موجوده في كل مكان او كل دوله او كل كومينتي معين بيبقى له حاجات معينة مختلفة..

القواعد في الكتب موحدة بس تطبيقها على السوق العملي هو الشيء الاصعب وهو الشيء اللي بيخلي الناس تتفاجئ ما بين التحول من الكورسات عشان تنزل أرض الواقع او تنزل سوق العمل.
وده اللي احنا هنناقشه النهارده مع رداف او زي ما نقول محمد.

- محمد.
- اهلا وسهلا بيك، محمد ولا اقول لك رداف؟

- رداف.

- ماشي انت شغال في فينتك طبعا مجال مليان فلوس.

- مش أوي، بيقولوا يعني بس الحمد لله.

- الحمد لله مجيش اشتغل معاكو.

- انت تنور.

- هنجيب الفيلا؟

- مش قوي برده.

- طيب بص خلينا في الأول كده نعرف بس مين محمد او مين رداف؟

- طيب انا محمد الرداف انا اتخرجت في 2009 حقوق عين شمس، ملهاش علاقه بالمجال خالص.
بس في فتره دراستي في الجامعه انا كنت حابب مجال الart ومحابب حته الجرافيك ديزاين والرسم بشكل عام، فابتديت اخد كورسات كتير واخدت دبلومات كتير في حته الجرافيكس..
وكان حلمي ان انا اشتغل advertising بقى واخش سوق ال multi media والكلام ده كله، خلصت جامعه ابتديت اخد الموضوع بقى من الاول خالص اشتغلت في مطابع ديجيتال، مطبعة ديجيتال كنت واقف على printer وفخور ان انا بقول الموضوع ده لانه علمني حاجات كتير.. اتعلمت بقى من الزيرو حاجات يعني قدام بترفلكت في الشغل بتاعنا.

اشتغلت شويه في مطبعه ديجيتال بعد كده دخلت السوفت وير هاوس ابتديت بقى افهم بقى موضوع ال web design مكنش فيه لسه ال Ux وال UI والكلام ده.. فابتديت اشتغل في الويب ديزاين وجنب برضو الجرافيك ديزان اللي كان الجرافيك ده كان هو في الفتره دي ده كان ال approach ده التارجت بتاعي انا عايز اشتغل جرافيك ديزاينر.

اشتغلت شويه كده بعدين ابتديت جات لي ابورتيونتي ان انا اشتغل في شركه سويديه كانت فاتحه ال developing kitchen هنا في مصر ادتني بقى الفرصه ان انا اتعامل مع اجانب الاونر كان من السويد مفيش عربي خالص انجلش على طول.
واداني اوبرتيونيتي ان انا اروح استوك هولد اشتغل هناك فتره واشوف بقى الايدل زي ما بيقولوا بقى ال best case scenario شفت الناس بقى انضباط، شغل بال..

- ـ environment مختلفه خالص.
preasure
- تماما عننا وكان بالنسبالي حاجه انا مندهش اتعلمت كتير قوي في الفتره دي ما كانتش فترة كبيرة وقعدت شهر تقريبا هناك بس غيرت في حياتي 180 درجه.
ورجعت بقى من الموضوع ده دخلت بعد كده السوق السعودي اشتغلت في شركه بت operate من مصر وليها سوق في السعوديه في الفتره دي ابتديت بقى اتحط في حته ان انا مسؤول على عن اي حاجه لها علاقه بال art سواء بقى web design, graphic design كان يعتبر art direction بشكل عام وابتديت استغل هوايه التصوير بتاعتي ان انا ابدا اصور فيديوهات وكنا مسؤولين على youtube channel بندي فيها كورسات تصوير وحاجات كده، فكنت مسؤول عن الموضوع ده عن موضوع ال content والكلام ده كله..

- ماسك الميديا بشكل عام بالضبط الحاجات دي كلها كانت بطريقه indirect بتبني عندي في ال subconscious كميه داتا رهيبه جدا ابتدت تبان بقى وقت ما عوزتها.
الفتره دي بعد ما خلصتها رحت بقى ابتديت بقى فعليا بقى ان انا اشتغل كبرودكت ديزاينر في شركه سوفت وير هاوس كنا بنعمل products للشركه وبنعمل projects للكلاينتس.
تمام في الفتره دي بقى جاتلي opportunity ان احنا اني اشتغل على الابلكيشن بتاع فاليو في 2017 لما كانت فاليو لسه بتبدا فكانوا كلاينت عندنا..
المرحله دي تحديدا دي اللي ابتدا بقى فيها ان انا اعرف بقى التكنيكالتيس بقى مظبوط اشوف فعلا بقى ال day to day work الريليتد بالبرودكت ديزاين فعليا.
بعد الفتره دي اشتغلت في شركه اماراتي ودي كانت advertising agency وكانت عندها 63 departments بت serve كل حاجة من advertising ل out door ل digital كله..
انا كنت ماسك الحته بتاعه الديجيتال في اليو اكس اي بقى ويب سايت اي موبايل ابليكيشن ده كان في ال department عندي. برضو سوق الاماراتي شبيه جدا بالسعودي يمكن يكون الذ شويه من الماركت السعودي انا بتكلم في الوقت ده دلوقتي تقريبا الاتنين بقو زي بعض في الفتره اللي احنا فيها دي بس..
الايجنسي لايف غير تماما الشركات او السوفت وير اه خالص ده برده حاطني في سيتيويشنز بتاعه عارف لما يقول لك work under pressure ده فعليا انت بتبقى قاعد بتشتغل وارد جدا لسه بتقفل الكمبيوتر وقايم تروح يجي ينزل عليك البريف زي البارشوت وعايزينه دلوقتي كلمه دلوقتي دي بقى دي لبانه في ال agency على طول، ويجي مثلا يقول لك يعني حته انا عايزها دلوقتي دي ده الطبيعي بس هو اللي عادي بقى ان ممكن وانت ماشي احنا ده الكلاينت كان عايزها امبارح.

- احنا متاخرين.

- وتلاقي بقى طب اعمل ايه انا لازم اعملها دلوقتي فالواحد بيتحط في الاسترس ده انه يعملها دلوقتي ويخلصها بسرعه وبأعلى كواليتي علشان هما بيهمهم الكواليتي والشكل الجمالي اكتر من اي حاجه ثانيه اللي هو ال UI..
يهمهم ال UI اكثر من الفانكشنال واكثر من ال UX الشكل يبقى حلو وجميل خلاص احنا كده بعنا البيعة اي حاجه تيجي بعد كده مش مشكله.

بعد الفتره دي ابتديت بقى خلاص اتجه ناحيه بقى البرودكت انا كنت خلاص يعني كان بالنسبه لي الشركه دي خلاص انا دخلت الحته بتاعه ال advertising وشوفت المطبخ بتاع ال advertising عامل ازاي وخلاص وصلت للحاجة اللي انا بحلم بيها من زمان وعملتها.

طيب انا عايز اعمل ايه بقى فانا كنت حابب الحته بتاعه ال product كنت شايف نفسي فيها اكتر، من ساعه ما انا كنت في الشركه السويدي وهي كانت اساسها برودكت وكنت بتعلم فيها بقى بدايه تعليمي بقى ان انا اتعلم ux, ui كل حاجه دي يعني الراجل كان سايبنا نتعلم في البرودكت بتاعه.

خلاص ابتديت اقول انا عايز ابقى product oriented فلما ابتديت اموف ابتديت اموف على شركات برودكت لحد ما دخلت فاليو.

- دلوقتي انت team lead في فاليو دلوقت، طيب يعني بص هي ال cycle بتاعت انت بتتكلم وتعرف نفسك فيها هي بالنسبالي يعني مش فكرة ان انا بقول اسمي او حاجه يعني انا في حاجات في النص كده بتطلع للناس وهنرفليكت عليها عامه طول البودكاست.. فكرة الناس بتستعجل وفكرة الناس بتاخد اللي هو ايه انا هاخد حاجه دي وخلاص واتعلم الكورس ده واشتغل به، فكره ان مفيش اي حاجه انا مريت بها هتساعدني ان لا انا اشتغلت advertising اشتغلت من اول المكنه اللي موجوده بنمسكها في ايدينا لحد ال app الديجيتال كل حاجه من الحاجات دي فرقت في البروسيس اللي انت ماشي فيها حتى كمانجمنت ليفل.

هنخبط في الحيط بقى على طول.. ال ux process، انا بشتغل في الكورسات بقالي تقريبا 11 سنه انا عندي من معضلات حياتي يعني كانت مثلا كده 2013 و14 ان مجال الجرافيك كان محصور في برنامج الفوتوشوب.
فعندي مشكله بتواجهني في البرودكت دي دلوقتي فكره احنا معملناش بروسيس احنا كده هيتخصم من المرت لو معملناش البروسيس.. فانت وجهه نظرك ايه بشكل عام رغم ان الux process نفسها مختلفه.. يعني احنا عندنا كذا method اساسا. فانت شايف الموضوع ده ازاي؟ شايف الناس بتتكلم عن الموضوع ده ازاي؟

- طيب موضوع البروسيس هو موضوع شائك وناس كتير بتتكلم فيه بطرق مختلفه انا الموضوع عندي ابسط من كده بكتير. انا بحب اا define موضوع ال ux process ده باسم ثاني هو ال creative thinking.
طيب خلينا نرجع خطوتين لورا كده ونقول هي البروسيس دي بتتعمل ليه او هي ايه هي البروسس؟ هي البروسيس بشكل مبسط شويه خطوات بنعملها عشان تدينا inputs تساعدنا في المنتج النهائي اللي احنا عايزين نعمله.
طيب من قبل ما يبقى في digital product اللي هي بيمسكها في ايدينا كل يوم، هي اساسها مبني على user experience والموضوع ده هنلاقيه معانا في اي حته من اول إزازه الكاتشب ومرورا بكل ال..

- ازازة الكاتشب اللي اتحرقت دي.

- هي الفكره كلها لما يجي يقولك ايه دول كلهم قلدوا الازازه دي.
ما هو علشان اثبتت نجاح ان هي بتؤدي الغرض، regardless شكلها مبعجر شكلها ممكن ما يبقاش حلو لبعض الناس بس هي بتادي الغرض.

ده كان احسن مثال لل ux تمام.. فالفكره كلها ان انت ال user experience ان الناس لما بتيجي بتتعلم الموضوع ده دايما بتقيسه على ال digital product..
لا هي ال user experince في حياتنا كلها، في مثال دايما قدام عينينا الزرار الاحمر الكبير اللي بيبقى يا مدور يا مربع يا اياً كان شكله ايه لما بتدوس عليه بتعمل terminate للحاجه تعمل shut down ممكن تبقى فيشه الكهرباء تلاقي في زرار احمر كبير هتدوس عليه خلاص هيقفل الكهرباء عن كل الفيش.
زمان في الافلام تلاقي دائما الزرار بتاع النووي محطوط لونه احمر وكبير وفي غطا ليه؟ عشان ده الزرار ده هيعمل كارثه بيديك انديكيشن انت متاكد انك هتعمل ده ولا لا؟
الحاجات دي كلها يعني بتبقى في ال subconscious احنا بنشوفها وما بنحسش بيها، بس لما الناس بدأت تقلب كل الحاجات اللي احنا بنستعملها لديجيتال الحاجات دي بدأت تخش معانا كمان.
فبقى جي من هنا ال ux، بدأ يخش في ال digital process حته بقى ال ux process نفسها انه انا لازم ابدا بكذا بعد كده كذا والبوينتس دي انا مش مقتنع ان انا لازم امشيها بالترتيب مش لازم اخدها كلها ممكن اخد نقطه اتنين..
ممكن اخش في situation معين ما احتاجش لكل النقط دي تمام، غير كده هو انا دايما بقول للناس اللي لسه بتبتدي بقولها انه انت لازم تشتغل بورقه وقلم معاكعشان تسكتش عشان تحط افكارك في الورق وكده اه ده مهم بس هو في الاول وفي الاخر الموضوع جاي من مخنا من دماغنا البروسيس دي كلها احنا بنقوم بها في ال subconscious واحنا مش دريانين..
لان هو في الاول وفي الاخر منطق انت بتجرد حاجه من كل الديتيلز اللي حواليها بتخليها حاجه مجرده وبتبدأ تحللها كده بالمنطق، هو انا لو حطيتها هنا ودست عليها انا هعرف ادوس عليها هنا؟ ولا لو هي هنا؟ ولا لو هي هنا؟ تمام الحاجات دي كلها بتترجم في الاخر لمصطلحات اللي هي في الاخر البروسيس.
الناس كلها بتستعمل البروسيس بس من غير ما تحس، اللي بيجي يقولك مفيش بروسيس لا انت بتعمل بروسيس بس ما بتحسش. انت لما تيجي مثلا في دماغك بتقعد تفكر هو البرودكت اللي انا بشتغل عليه ده مين هيستعمله؟ طلبة ولا لسه مثلا موظفين في العشرينات التلاتينات ولا ناس كبيرة دي بيرسونس.
بس انت بتفكر فيها.. لما بتيجي تقعد مع اصحابك وبتاخد رايهم في البرودكت اللي انت قاعد شغال عليه وتقولهم طب انا بفكر ايه رايك في كذا كذا كذا..
طب ما هو ده survey انت بتعمل user interview، الناس بتعمل الكلام ده وهي مش دريانه وبتاخد inputs وهي مش دريانه ممكن يجيله input وما يركزش فيه يجي يقولك انا ما عملتش بروسيس، لا انت عملت بس انت ما ركزتش في النتائج.

- هو عايز الروسيس دايما بالخطوات المسطرة، انا محتاج اعمل ده الاول وبعدها ده. احنا عندنا مشكله انا شايفها في السوق فكره الناس مش مقتنعه ان في iteration اساسا هو لو ال ux من وجهه نظري لو تم من غير iteration يبقى فيه مشكلة كبيرة. لو انت طلعت اول مقترح وانت في الاستيك هولدر أو البزنس والاستراتيجي في الاول ووصلت للاخر بنفس الحاجه بنفس ال user flow بنفس ال mapping بنفس ال features.. يبقى فيه مشكله. انت لازم هتأريت وانت ماشي، فيه validation في حاجات الناس ماسكة الموضوع مسطرة.

- ده حقيقي عشان بيتقالهم في الكورسات أمشوا واحد اتنين تلاته أربعة.. مع إن كل ال flow charts اللي في الكورسات دي بتلاقيها دايما البروسيس عمرها مابتمشي كده.. البروسيس بتمشي كده🔄. ليه انت بتمشي في السايكل دي وبتعمل كذا لفه لحد مابتبقى الدنيا تمام تقوم داخل على الفيتشر اللي بعديها. ما بيبقوش فاهمين الحته دي وفاكرين ان هو بس مجرد سلايد محطوطه بالشكل ده وخلاص.
.
- اللي بيكفر كمان الحته دي فكره البريزنتيشن سواء انا عايز اعمل بريزينتيشن على behance تبقى طويله جدا لازم اللي يشوفها يكون يهنج كده وهو ماشي.. عشان تبقى كبيرة وحلوة تبقى طويلة.

- في ناس قالت علشان تبقى featured على behance لازم يعمل البريزنتيشن تبقى طويله بقى تبقى ماجستير، بس هو في الواقع انت عايز تعمل البريزنتيشن دي عشان ايه؟ ما هو برضو فيه purpose هل انت بت show of الشغل بتاعك ولا انت عايز تاخد awarded على بيهانس ولا انت عندك فعلا كيس استادي وحاجه مهمه عايز تقولها للناس.
لازم يبقى في اوبجيكتيف انت عايز تحط على بيهانس ايه؟ ممكن جدا في ناس يعني بعيده عن المجال بتاعنا ممكن في فوتوغرافيرز، جرافيك ديزاينرز انت لو دخلت على بيهانس وبصيت هتلاقي البروجكت عباره عن صوره واحده، وهتلاقي واخد عليها 5& 6 اورد ليه؟ الشغل بتاعه هو اللي بيتكلم هو عملها لهدف معين.. انا عملتها كامبين ناجحه وفيجوال او ارت دايركشن قوي بيتنافس بشكل قوي خد عليه award ليه يستحق ياخد award.

انما ما عملش بقى رساله دكتوراه في بيهانس وتلاقي نقعد بقى نسكرول مية سنه في البتاع.. وبعدين الفكره كلها احنا يعني الحمد لله في مصر النت يعني جميل، فانا بقعد ممكن اقعد مثلا 10 دقايق عشان احمل الصور. وفي ناس بقى لما بيجي بيعمل البريزنتيشن دي ما بيقطعهاش هي صوره واحده.
طب ليه يا ابني بتعمل كده ما الصورة دي مثلا 10 ميجا انا ليه انا اتعذب..

مع ان بقى لو نرجع بقى للاصل الناس فعلا اللي بتعمل كيس استاديز طويله هو بيحط فيها inputed text كثير عشان ده بيبقى مقري اصلا من البراوزر والصور بتبقى على قد الفريم.
هو بيبقى كانه بيبني web page جوه بيهانس، ودي حاجه احنا ما بنعملهاش ليه عشان بتاخد وقت واحنا عايزين نعمل حاجه بسرعه. ففي الاخر بنقلد يعني عمياني فال result بتطلع مش قد كده في الاخر بنزعل، اترفضنا ليه؟ ما بنتشافش ليه؟ ما بناخدش award ليه؟ كل الكلام ده.

- الحاجه برضو اللي لاحظتها في الجزئيه دي فكره ان الناس.. انا شفت ده على السوشيال ميديا بدون ذكر تفاصيل يعني حد بيسال يا جماعه ازاي نطلع ال UI نحوله wireframe عشان يحطه في البرزنتيشن يكبر الدنيا طب انت وصلت للUI يعني ايه ال need اللي اتطلب منك للواير فريم. يعني انت عملته ليه؟ ما انت لو عملت حاجه ملهاش هدف ليه؟

- هو بيعمل كده علشان بيشوف الناس بتعمل كده فانا عايز اعمل زيهم، مع ان انت لو حطيت اسكتش بورقه وقلم مشخبط هنا هعمل في الشاشه دي هاعمل كذا والانبودز بتاعتي 1 2 3 دي ابرك مليون مره من لما تخلص ال UI وترجع تقضي وقت تاني زياده من وقتك تضيعه ان انت تقوم قلبه black and white عشان تقوم عامله وايرفريم مش منطقي.

- في نفس الجزئيه برضو شويه ولكن في الجانب العملي في الشغل بقى.. ازاي هتتعامل مع حد بيقولك مثلا اصل انا مش شغال ببروسيس فانا حاسس ان انا مش بستفيد في الشركه فاهمشي يعني حد جه قالك كده، انت ازاي تقنعه عمليا بقى في السوق؟ بدل ان هو بيتعلم ازاي بيبدا يعمل ازاي بيبدأ يعمل بورتفوليو لا هو دلوقتي شغال بس مثلا شايف ان احنا عندنا برودكت هو مبني بالفعل فاحنا بنطلع عليه ليزس. فمش كل حاجه بتبقى innovation جديده وبنروح نعمل انترفيوز والكلام ده لا فيه حاجات ممكن يكون ابجريت versions مختلفة او ابديت يعني.. فا لا احنا مبنستفدش ما بنعملش البروسيس اللي اخدتها في كورس ux أو ui.

- بص هو دي مشكلة موجودة كتير وواجهتني مش هنكر، الناس داخله فاكره ان هم هيشتغلوا بجوجل فكانوا هيشتغلوا في جوجل خلاص حلو هي جوجل عامله ده اه بيطبقوه انا ما اقدرش اقول 100% بيطبقوه ولا لا ما اعرفش ما اشتغلتش هناك.. بس اه مدام عملو البروسيس دي اكيد بيطبقوها.

احنا مش جوجل وما عندناش التايم فريم بتاع جوجل ما عندناش حجم التيم اللي في جوجل او اي شركه كبيره زي جوجل خلاص.
لو فرضنا مثلا ادينا example سواء جوجل او ابل لو دخلت تبص على الجوب فيكنسي بتاعه ابل انت هتلاقي عاملين تيم كامل علشان سيري.. اللي هو انت بتكلمها بتديها voice commend هي بترد عليك. تيم كامل وفيها ux designers كتير،UI designers كثير وكل حاجه على فيتشر عباره عن bubble بتقعد تتحرك كده مع صوتك.
الموضوع هنا بقى في بروسيس ليه لان انت عندك تيم جبار انت لو محطتش بروسيس بالثانيه والحرف بتمشي على حاجات معينه الموضوع هيبهوق. انما ما تجيش تحط نفس البروسيس دي على تيم حجمه 5& 10& 15 بني ادم واخد بالك.. اه طبعا مهم نبقى فيه بروسيس انت تاخذ من البروسيس دي اللي يفيدك اللي يفيد ال environment بتاعتك.
بلس ان بيبقى فيه situations معينه احنا المفروض يبقى في بلان او في اوبجكتف واضح للتيم احنا شغالين هنا ليه؟ احنا جايين نعمل ايه؟ جايين نعمل كذا هنشتغل على البرودكت الفلاني احنا عارفينه ما هواش حاجه جديده ومطلوب أوبجكتف معين عشان نحققه، مش شرط نمشي على كل البروسيس لا عادي جدا احنا اوقات كتير جدا عندنا احنا بيجيلنا ريكوست معين او requirement معينة enhancement في حته احنا عارفين الجزئيه دي مشكلتها ايه وعارفين حلها ايه بس احنا اللي ما عندناش لسه الوقت علشان ننفذها، جه الوقت هننفذها مش لازم اقول لا انا محتاج اسبوعين تلاته علشان اعمل البروسيس بتاعتي.

انا عارف المفروض اعمل ايه بس انا خدت الجرين لايت عشان اعملها ليه بقى اضيع وقتي ووقت التيمز اللي جايه ورايا فان انا قاعد بضيع وقت في حاجات انا عارف ال results بتاعتها.

- كان في حد بتناقش معاه امبارح بالصدفه يعني على فكرة اليوزر سيرش والحاجات اللي في البروسيس دي فقلتله احنا عندنا شويه مشاكل في فهم البروسس ان احنا ما بنبصش على البيزنس نيد او الجولز بتاعة الشركه والماركت اللي موجود في السوق فاحنا مش بنتحرك عشان نعمل حاجه شكلها حلو لليوزر بس..
في شركه ممكن تديني ميزانيه فلوس ممكن تديني تيم ممكن يبقى عندها varity في حاجات معينه. وفي شركة عايزة تطلع برودكشن واحد في الشهر..

فا برودكشن ده انا واللي بعدي والQC وكذا وكذا وكذا، فا في ناس اخذت الموضوع التكنيكال وما بتبصش على الجوانب التانيه خالص وطبعا احنا ما عندناش UX استراتيجي بنشتغل شويه مش منظمين أوي فما بناخدش بريف كامل وما بندرسش المشروع كامل ولابنقعد مع استيك هولدرز ولا كده.

فبنتفاجئ اللي هو ايه ده المشروع لسه مخلصش ده انا عامله وحش، ما هو انت ما استلمتش تفاصيل المشروع. فالناس يعني هو فكرة البروسس دي انا شايف ان هي زي ما انت قلت بالحرف ما ينفعش نتمسك بيها ناخد منها احتياج المشروع بس.

- خصوصا انا عايز اضيف نقطه في اللي انت بتقوله ده.. دلوقتي في فرق ما بين ان انا اطبق بروسيس في شركه بروجكت انا شغال عليه كل يوم اه في تايم فريمز على قد السكوب اللي احنا بنشتغل عليه، مختلف تماما عن شغل الفريلانس ولما بشتغل مع عميل شغل العملاء والبروجكتس اللي بتروح لعملاء مختلف تماما عن البرودكت..
ميزة البرودكت ايه كل حاجه ليها مميزات وعيوب. ميزته ايه في البرودكت ان انت التايم فريم قدامك مفتوح انا شغال في البرودكت ده فانا عندي تايم فريمس ممكن تكون كبيره، ممكن بنتكلم بنقعد مثلا بنعمل بلاننج وبنقول ان احنا كل شهر هنطلع list of features معينه بس كلها في الاول وفي الاخر مقفوله جوه ابلكيشن واحد.

غير لما اجي اشتغل مع كلاينت انا المفروض في التايم فريم اللي انا بعمل فيه 4 features لا انا بخلص فيه ابلكيشن كامل. فاستحاله استحاله امشي على بروسس اللي هنا تمشي هنا ولا ينفع كمان ان انا امشي فول بروسس على كلاينت الراجل بيتفعلي بالساعه او بيدفعلي عدد ايام وهو ياخد مني الشغل هيوديه لحد ثاني عشان يعمله development الموضوع بقى مرهق جدا على الراجل فمينفعش اسحله معايا في ان والله انا عندي فيه اسبوع بروسيس، هو مش هيفهم الكلام ده هو عايز يشوف نتيجه عايز يشوف visuals من الاخر.

الناس دائما بتبقى عايزه تتفرج ما تسمعش ما تقعدش تقرا واخذ بالك.. اه الكلام ده مش صح عشان برده الناس ممكن يعني تفهم كلامي ممكن الناس تفهم كلامي ان انا اجنست البروسس على العكس تماما.

انا راجل بشتغل عملي ما بحبش اقعد اتكلم كتير ما بحبش اقعد انظر واقول ولازم نعمل ولازم سوي ونمشي الاول كذا ونعمل ماشي طب وبعدين بعد كل المحاضره الجميله دي فين النتيجة؟ مفيش نتيجة، يبقى انا فشلت.

اه في بروسيس اه بعمل بروسيس على قد البروجكت على قد الاحتياج بتاعي مش هقعد بقى اتفزلك واتفلسف واقول بقى محاضرات واعمل وبتاع عشان ابين ان انا جهبز.

- لا اهم حاجه تكون طويله شويه لتحت. طيب احنا اتكلمنا عن البروسيس بشكل عام وقلنا المشاكل اللي الناس بتعملها تصميم الناس ان هي تمشي بخطوات انا بسميها التقليديه شويه اللي هو احنا حافظين البروسيس هنمشي عليها.. فدي المشكله هنحلها ازاي ان احنا هنبص على الحاجات اللي احنا محتاجينها في البروجكت زي ما انت قلت.

هنشوف احتياج المشروع ايه الحته اللي انا عايزها كأكتيفيتي وخلاص.. ماذا لو انا شغال في برودكت انا بشتغل في بطريقة معين او اتنين او تلاته ايا كان العدد بتاعهم.

مثلا بعمل زي ما قلنا فكره انترفيوز بعمل ايا كانت بس في حاجات تانيه مبعملهاش بسمع عنها من الناس، الناس بتكتبها بتنزلها في الكيس استاديز الكلام ده. اطور نفسي ازاي وانا جوه الشركه؟ وناخد الموضوع على اسكيل اكبر شويه اي واحد شغال جونيور انتر ليفل بس شغال جوه شركه ازاي اطور مفسه في باقي المجال بشكل عام؟

- تمام طيب خلينا نتكلم عن الموضوع ده في شقين حته تطوير المهارات الشخصيه بتاعت كل واحد شغال في شركه سواء في برودكت او في بروجكت وتطبيق البروسيس ايا كانت نوعها ايه.
>>>>>>>>>>>>>>>>>>
طيب خلينا ناخد حته بروسيس دي عشان انا حسيت ان احنا جينا قوي ودوسنا قوي على البروسيس فالناس هتحس ان احنا اجينست البروسيس. لا هو زي ما انت قلت في طرق كتيرة جدا مش لازم تطبقها كلها يعني انت ممكن تعمل سيرفاي او انترفيو او تعمل فوكس جروب او ممكن ما تعملش حاجه من دول تعمل فون كول للعملاء عندك وتعمل برضو تسالهم كم سؤال..

يندرج تحت الانترفيوز بس مش انترفيوز one to one أو ان انت تنزل الشارع تقعد تلف وتسال الناس. اي حاجه من دول مناسبه ليك اعملها، الهدف من ده ايه؟ ما هو لازم ابقى عارف انا عايز من ده ايه؟ انا عايز اطلع بمعلومات، اطلع بحاجه تفيدني اقدر اا define persona مش assumption الفكره كلها كل الكورسات لما تيجي تدي كل المعلومات بتبقى مبنيه على assumptions ليه؟ لان انت معندكش real customer تساله معندكش حد تساله.. فبتبدا تسال اللي حواليك تسال اللي معاك في البيت تسال اصحابك تمام بس هو مش ده اللي بيحصل بجد، لما تيجي تشتغل في شركه مش هتروح تسال باباك ومامتك في البيت مش هتسال اخواتك مش هتسال اصحابك.

لازم تسال الناس اللي في الايدج جروب اللي البرودكت بتاعك بيتاكلوا تمام وتبدا تسال الناس دي. اليوزر اللي في الادج جروب بتاعك عشان تبدا تطلع ب real insights تأبديت بيها ال assumptions اللي انت كنت حاتطها في الاول.

مش معنى كده انك لازم تاخدهم لازم اعمل السيرفاي واعمل انترفيو واعمل فوكس جروب واعمل لا لا خالص، ممكن الموضوع تطلع من كل دول تعمل فون كول تاخد يعني خمسه لعشر اشخاص من الايدج جروب بتاعك تديهم شويه خمس ست اسئله ما تطولش عليهم وتبدا تسالهم اسئله اللي بتستهدف العناصر الاساسيه في البرسونا عندك خلاص.
هتطلع منهم بب points تاخد متوسط الاجابات بتاعتهم تحدد بيها بيرسونا واحده.. فلو انت مثلا عندك تلاته ايدج جروب هتطلع بخمسه من كل ايدج جروب تكلمهم هتاخد متوسط الاجابات دي تبني بيها برسونه واحد واتنين وتلاته واربعه وخمسه خلاص انت كده تمام.

- على الاقل الحاجات اللي انت وصلتلها دي هي هتخليك تروح في اللي جاي عامل ازاي هتفرض عليك في المرحله الجايه. انا دايما بقول للناس انت بس لما تذاكر ده بس لما تطبق دي انت مش هتسالني السؤال ده تاني هسالني اسئله جديده

- الفكره كلها ان انت ممكن تبقى محتاج بس تعمل تسمع من العملاء بتوعك هم عايزين ايه؟ ومشاكلهم ايه؟ وممكن حاجه ثانيه خالص بعيد عن كل ده انت ممكن تشوف الناس على السوشيال ميديا بتقول ايه عنك وعن البرودك بتاعك تمام بتاخد منهم insights بطريقه غير مباشره.

الناس بتخش بتشتكي الناس بتخش تقول انا نفسي في كذا بتعرفهم خلاص انا عرفت الاجابه اكلمه تاني ليه؟ ارازيه تاني بقى بسرفاي وتعالي عندي وانا اجي عندك مانا عارف انت مشاكلك ايه. عرفتها طب هل اتقالت في البروسيس قبل كده ان انت تعرف من سوشيال ميديا؟ من غير ما تعمل حاجه، لا.

- انا مره كنت شغال على بروجكت سمعت من الكاستومر سابورت.. اخدت منهم داتا معينة بناء عليها عملنا بوت على الويبسايت حل المشاكل اللي كانت بتقابل الناس في انها بس ازاي ت sign up وتتعامل مع السيستم، فحطينا شوية حاجات البوت بيحلهم ووفرلنا حاجات كتير جدا وكاستمر سابورت بتبقى بره الطرق العادية خالص.

- وده مهم جدا في ناس كتير جدا اعرفها في الشركات بتاعتهم بيجي لهم ريكويستس معينه من الكول سنتر بيبقى فيه ال problem estatement، بيقولك انا عندي هيتس كتير على الكول سنتر.
يعني ايه؟ انا عندي عدد معين محدود من البني ادمين في الكول سنتر وليكن مثلا خمسه بيردوا على التليفونات انا بيجي على الخمسه دول بيجيلي 500 مكالمه في الدقيقه مثلا او في الساعه. كام واحد بيقعد على الويتنج فبيحصل دروب اوف للناس دي؟
فبيبدا يبقى فيه.. الناس بتضايق هتشتكي يقولك ما بيردش على الكول سنتر مش عارف ايه. طب ده راجع لايه عندنا بيطلبوا مشاكل كثيره طب ايه نوع بقى المشاكل؟
ممكن تلاقي مشكله عندك في البرودكت بتاعك انت مش حله بتعرفه من الكول سنتر. يقولك انا بيجيلي هتس كتير على الكول سنتر على حته معينه عندك في الابلكيشن انت لو حليتها انت هتوقع 30 40% من الكولز دي هتوقعها فده كده انت شلت مشكلة حقيقية بالفعل.

انت طلعت بحل تمام دي بقى طريق تاني خالص مختلف عن ان انت تقعد تكلم الناس وبتاع لا انت بتشوف فعلا الناس عايزه ايه؟ بطرق مختلفه..
انت تقدر تجند بقى كل assets وكل ال department اللي حواليك في الشركه ان وفي الاخر احنا بنشتغل تيم ورك.

في يعني الناس اللي لسه داخله المجال جديد بتبقى حاسه ان شغلانه ال UX ديزاينر ده ده CEO. لا احنا ترس في وسط تروس كثيره ومش اكبر ترس احنا ترس حجمه متوسط الكثيره في اكبر مننا وفيه تروس اصغر مننا خلاص.

انت وظيفتك انك عندك هدف معين وفيه أهداف تانيه انت ممكن ما تعرفهاش ومش مطالب انك تعرفها.. كل واحد عنده اوبجكتف لازم يحققه خلص يا عم اللي انت مطلوب منك ده وبعد كده ابدا قول. ايه بقى؟

انما ما تقعدش تعترض ان اصل لازم اليو اكس كذا اصل لازم مش عارف ايه اصل لازم ايه انا شفت من فتره كان في بوست على الفيسبوك ناس بتتكلم على مش فاكر ويبسايت معين نزل الاسعار عشان السوق المصري عشان فرق الدولار وبتاع تمام.. هم نسبوا الانجاز ده لل ux team خالص. ده business requirement ده اوبجكتف، ال CEO صحي من النوم قالك يا انا عايز اراعي الناس دي يلا هنيجي على نفسنا عشان خاطرهم.

وارد جدا مالوش اي علاقه بال ux خالص وغلط ان احنا ننسب ده لليو اكس. انت بتحمل الشغلانه فوق طاقتها هي مش دي مش شغلانتك ان انت تعمل كده انت بيجيلك requirement معين بيجيلك كيس معينه انت بتحاول تحلها بتحلها عن طريق ايه؟ انك تبينها في شكل باين اليوزر يفهموا بسرعه ما يعطلش في انه يستقبل المعلومه بتاعتك.

الاوبجكتف بقى اللي انت بتعرضه ده ايه؟ بنسبه كبيره ما تبقاش انت الاونر بتاعها ده بيبقى فيه تيم ثانيه اللي بتعمله ال ux team ما هواش الكل في الكل في الشركه. كل اما الشركه بتكبر كل ما بيبقى انت محكوم في حته معينه عندك شويه رولز انت مطلوب انك تعملها.
كون ان الناس بتطلع بره ده وبتاخد حاجات مش بتاعتها ده عشان معندهوش صندوق كده او فريم بيقوله انت مطلوب منك تعمل كذا ومطلوب منك شغل معين بالطريقه الفلانيه.

اهم حاجه الرولز لازم تبقى انت فاهمها كويس قوي، فاهم انت بوزيشن بتاعك اوله ايه واخره ايه، القسم بتاعك اوله ايه واخره ايه؟ وبعد كده محتاج تشوف اللي جنبك بقى التيم اللي جنبك ده بيعمل ايه واتعلم منه. ليه انت ممكن تشوف منه حاجه تنفعك، تشوف منه طريقه شغل معينه تفيدك.
البروسس اللي احنا بنقعد نتكلم فيها دي هي مش كل حاجه خالص.

نرجع بقى لحاجه تانيه موضوع تاني التطوير.. موضوع التطوير انا شايفه انك تخليك في تدويرك على المعلومه.. انا بحب دايما اقول للناس ان بص على الشركات الكبيره بتعمل ايه احنا عندنا مثالين كبار جدا عندنا جوجل وعندنا ابل الشركتين دول بيعملوا دايما كل سنه بيعملوا ايفنت بيطوروا فيه السوفت وير بتاعهم وبيعلنوا عن التطوير ده.

طيب هيجي الناس تقول انا ux ديزاينر وانا ui ديزاننر مليش دعوه بالدبفولوبرز. طيب حلو اولا الايفنت ده مالوش علاقه بالديفورز ماهواش موجه للديفلبرز 100%. اه هو اسمه developer conference بس هو مش عيب ان انت تخش تسمع الناس دي بتقول ايه هيفيدك ليه؟ لان انت الناس دي بتعمل ابديت على السوفت وير بتحط فيتشرز جديده، الفيتشرز دي بتفتحلك افكار ومجالات تقدر تطور بيها الابلكيشن بتاعك تقدر تطور بها البرودكت بتاعك.

المشكله عندنا في مصر ان احنا بنستلقى المعلومه دي متاخر قوي بتكون دي قدمت. تمام طيب احنا ليه بنعمل كده؟ عشان معندناش بيربطوها بقى اضل معندناش وقت، اصل التايم لاين ضيق، اصل انا مشغول انا بعمل بروجكتز كتيرة.
تمام ربنا يزيدك وكل حاجه بس انت محتاج تفضي وقت معين من وقتك الجبار ده اللي انت بتستغله كل ثانيه فيه عشان تاخد معلومه جديده عشان المعلومه الجديده دي هتفيدك في الشغل هتعلي من شغلك ومن مستواك. انما لو هتفضل على الكم معلومه من الكم كورس اللي انت خدتهم او من الكورس بتاع جوجل اللي كل فتره بيطلع على coursera فري والناس كلها تيجي تاخده وترجع تشتكي ان هي مش عارفه تشتغل. انا اخدت حاجات في جوجل ومفيش شركه بتعمل كده.

- انا عندي مشكله بجد بوجهها وده مش غلطة الناس بصراحه انا شايف انها غلطة المنتورز قصه الموجودين اللي بيوجهوا الناس او غلطه الناس اللي مش معروفه وبتكتب بوست في ناس بتبقى عندها ريتش كتير فيبقى ده خلاص بقى حضرتك مين واتعلمنا ازاي هو كاتب البوست مترجمه من حاجه من على ميديام اساسا تمام.
المشكله دي هي في محور اللي هو ايه انا خدت الكورس وخدت منحه يودستي وخدت اي ثلاث شهور انا ما اخدتهمش. انا شويه العلم اللي عندي دول انا لو معايا شوية العلم اللي موجودين في الكورسات اللي انت اخدتهم دول مش هيشتغل في مصر اساسا.
العلم كبير انت واخد حاجات كتير طب هل انت بالبلدي وباللغه العاميه كده ايفتها على السوق المصري اشتغلت على اللي الانداستري اللي موجودة لا هو عايز يطبقها بنفس العنوان.

- الكورسات كلها بتبقى مترجمه مش متمصره، يعني في مثلا مثال كده بعيد عن الموضوع.. المسلسلات اللي بتنزل دلوقتي على مثلا على منصات بقى شاهد والكلام ده كلها متمصره هي كلها مسلسلات امريكاني او اسباني او او او بس متمصره لو حطيتهم جنب بعض، هما مش شبه بعض يعني نفس فكره الكونسبت بتاع المسلسل اه مش مترجمه هي متمصره في فرق كبير ما بين الترجمه والتمصير.

التمصير انت بتحط الكالتشر بتاعتك جوه العمل ده طبق بقى الكونسبت ده، طبعا ناس هتقولك ايه ده ايه اللي جاب القلعه جنب البحر لا ما هو انت الكونسبت ده بشكل عام حطه بقى عندنا.

انت دلوقتي جاي بتاخد كورس معمول في امريكا للناس اللي عايشه هناك بالثقافة اللي هناك انت جاي ترجمته واديتهولي هنا ما هو طبعا انا مش هفهم حاجه.
لا انت لازم تمصره لازم تحط فيه الكالتشر بتاعتنا تحط فيه الانفايرومنت بتاعتنا وده مهم جدا ده مش موجود في الكورسات. لا خذ المعلومه مصرها واديهاني كده نفهم، كده اقدر اطبقها في شركتي اقدر اطبقها في البروجكت بتاعي.
انما انا اجي اقعد اقرا كلام وما ابقاش فاهم واجي اقول انا طبعا مش عارف ايه.. وبعدين الاقي مثلا الناس انا عايز الكورس ده بالعربي طب معلش اتعب شويه وافهموا بالانجليزي، اولا هو مش حاجه لها علاقه بالعروبه ولا اللغه العربيه على راسي انا مش باجي جنب الحته دي خالص دي ثقافه انت لازم تبقى مثقف لو انت مش قادر تقرا او تفهم الكورس ده وتقراه بالانجلش وتفهمه، هتتعامل ازاي في الشركه ازاي هتبقى عندك طموح انك تشتغل في شركات كبيره. ما الشركات الكبيرة اول حاجه بسأل عليها هي اللغه، معاك لغه اهلا وسهلا نبدا نكمل معكش لغه مع السلامه.

الناس فاكره انه انا مثلا بلاقي ناس كتير مثلا على بيهانس وطالعه دلوقتي شكلها طالع ترند، ابلكيشن كلها بالعربي حلو شكل الابليكيشن ده في الانجليش هيبقى عامل ازاي؟
مفكرنش لا هو عربي بس طب هل التارجت اودينس بتاعك عربي بس؟ ما حدش بيعمل كده لو الابليكيشن ده عايز يكبر، حتى لو في مصر انت في ناس كتير في ناس كتير سجمنتيشتز وما بيبقاش قايل ده بقى في العريضه اللي هو عاملها بيبقى عامل بقى كيس استادي جباره. مش قايل ان التارجت اودينس بتوعه الناس اللي بتتكلموا عربي، عشان كده احنا عملنا الابليكيشن ده بالعربي ودي معلومه مهمه جدا ما بتتقلش ليه عشان هو ما جتش في دماغه انه يعمل كده.
لا هو انا عامل حاجه بالعربي ليه ما تعرفش هو مش قايل السبب بس indication مش لذيذ انت لو بقى اقعدت تدعبس ورا الفئه دي هتلاقيهم من نفس الفئه اللي هو لا هو عايز يتعامل بالعربي.
تمام مش عيب وعادي جدا ان احنا نتعامل بالعربي تمام لغتنا وكل حاجه بس حط في اعتبارك اللغه التانيه ما انت عايز تعمل حاجه منتشره الناس كلها تشوفها انت كده قفلت على اللي بيتكلم عربي وبيعرف يقرا عربي.. في ناس عايشه في مصر ما بتعرفش تقرا عربي ما شاء الله المدارس دلوقتي كل العيال الصغيره ما بيعرفوش يقروا عربي اصلا بيتكلموا انجلش طب ماشي ده لما هيكبر وهيبقى عربي بتاعه مكسر انت هتديله ابليكيشن عربي هيعرف يقراه مش هيعرف يقراه وقع منك.

وكل الابلكيشنز وكل ال apps كلها حتى السعوديين بيقولك انجليش وعربي ده دلوقتي بقى كمان بقى بيحطوا بقى اللغات بقى بتاعه الأوردو، البنجلديش، الهنود والباكستان والكلام ده بيخش الكلام ده معاهم.
طب انت لازم تبقى اوير بالموضوع ده والموضوع مش مجرد بس كلام عربي او تكست او فونت حاجات تانيه كتير ما هو كل ده مبني انت لازم تعرف الفونت ده شكله عامل ازاي؟ وحجمه ايه؟ وهيظبط معاك ازاي في الاسكرين؟

- حته صغيره كده بس بعد اللي انت قلته ده كله بصراحه، فكره الناس تتابع المتابعه مش المؤتمرات بس كمان تتابع كل حاجه تابع الترندز بتاعه الخطوط تابع الترندز اللي بتيجي في الديزاين.
مكانش فيه فلاد ديزاين بقى فيه بعد 2010 مايكروسوفت هي اللي بدات بقى في ايزوميتريك، بقى فيه بلاك دارك مود، الحاجات دي يعني افهم هي جت ليه؟ ليه بقى دارك مود؟ ليه بقى في كذا؟ ليه الناس بقت بتحط السويتش موجود في نفس الويب سايت موجود نفس الداينامك.
فكره فلسفه كل شيء احنا عشان بنتعلم بالنقل دلوقتي فاحنا ما بقيناش بنرجع للكتاب كل حاجه موجوده موجوده في الكتاب برضو ارجع افهم الموضوع جاي منين؟

- وبعدين الموضوع في الاول وفي الاخر راجع للديفولوبمنت.. يعني انت دلوقتي بتتكلم على اللايت مود والدارك مود طيب ما هو ده سببه واساسه فكره توفير طاقه للموبايل عشان البطاريه تقعد معك مده اطول من بعد ما اخترعوا ال OLD screen.
هيجي يقولك انا ديزاينر مليش دعوه بالكلام ده ده شغل ديفوليبرز. طب يا باشا ماهو ده الساينز بيهايند الدارك مود.
انت عايز تعمل دارك مود ليه؟ او سببه ايه؟ عشان واحد اتنين تلاته اربعه طيب المعلومه دي انا اعرفها منين؟ نعرفها من مؤتمرات اللي الناس بتعلن فيها احنا اخترعنا الدارك مود ليه؟
وبيقولك بقى انا اخترعته ليه وبيديك حدوته.. يعني مثلا انا في دوكيمنتري مهمه قوي وموجود على اليوتيوب جوجل عاملاه نزلته مش فاكر سنه تقريبا 2017 او او 2016 الانتروداكشن بتاع جوجل ماتريال اول فيرجن لجوجل ماتريال كان جايب التيم اللي اشتغل على الجوجل ماتيريال.. جوجل ماتريال بقى للناس بتتفرج عليه دلوقتي ده معمول في براند بوك قد كده مطبوع وكبير حاجه ضخمه زي البراند مانيوال بتاع اي شركه لما تيجي الماركتينج تيم بيقولك انا هعمل ريبراندنج أو هعمل براند جديد ويجبلهم بقى الجايد لاين كامل هما عملوا كده لجوجل للاندرويد تمام. ليه؟ علشان انت عندك الاندرويد قبل الديزاين سيستم بتاع جوجل قبل جوجل ماتريال كان كل بلاتفورم كل براند تليفونات عامله UI مختلف عامله experience مختلفه.

فهما وحدوا كل ده عشان الموضوع بقى ملخبط مبقاش فيه هويه للموضوع، فبقوا عاملين كونسيستنت عشان يبقى في ايدنتتي. الديكومنتري ده بيحكي الساينس بيهايند كل حاجه حتى شكل الشادو اللي عملوه معمول ليه ومعمول ازاي احنا ممكن نبقى نضيفه ده في الديكريبشن.

- احنا خلصنا الجزء اللي كان فيه خناقه ده في حته مهمه بما انك انت في حته المانجمنت ليفل بشكل عام او الاكسبيرينس اللي موجوده التعامل مع التيم بشكل عام، في مشاكل بتواجهك معينه مع حد الجونيور، الميد ليفل، السنيور. ايا كان ايه المشاكل اللي ممكن تواجهك؟ او انت ممكن تحلها ازاي؟ وازاي ممكن تطورهم وهما شغالين معاك في نفس المكان؟

- بص الموضوع ده كبير شويه وفيه تفاصيل كثيره بس اللي اقدر اقولك عليه انه المشكله كلها بتبقى راجعه للكمتمنت.. في حاجتين مهمين قوي لازم يبقوا موجودين عند الناس الالتزام والاجيلتي.
طيب انا محتاج ابقى مدي وقتي ومجهودي للمكان اللي انا شغال فيه الموضوع مش موضوع فلوس اه كلنا بنشتغل عشان الفلوس وعلشان الماديات اه تمام بس ده عامل من عوامل كتير الشباب اللي لسه بيبتدي همه كله انا هقبض الدولار امتى وهبقى CEO امتى؟ وهقبض كام؟ وايه ال benefits؟
يا حبيبي يا بابا انت هتديني ايه بقى قصاد كل ال benefits اللي انا هقعد اديهالك؟ انت في الاخر بلاقي بقى تناكه واصل انا ال working hours.
واصل انا لازم اجي الساعه تسعه وامشي الساعه خمسه، واصل انا مينفعش اسهر.

طب تمام سمعت عن حاجه اسمها بزنس نيد ما يسمعش طيب عندنا هن go live النهارده محتاجين نسهر علشان نقفل الحاجه دي.. لا والله انا عندي يطلعلك بقى 100,000 حوار..
طب ليه؟ ما انا زي ما بديك benefit اديني انت شغل اديني كومتمنت لو انت هتدي كومتمنت الشركه هتديك بينفيت اكتر، وهتقدرك اكتر، وعمرك ما هتعرف تكبر من غير ما تبقى عندك كومتمنت في الشغل ادي للشغل وقتك يعني يجي يتكلم يقول لك انا بقعد 8 ساعات وهمشي.
طب حلو انت عايز تيجي تسعه وتمشي خمسه خلاص اقعدهم على المكتب. انما ما تقعدش هنا وتشرب شاي هنا.

- احنا ممكن نتكلم في الموضوع ده يوم لوحده عشان انا يعني عندي بروسيس وكيس استادي بجد في الموضوع ده يعني.. فانت بتلاقي تمام انت عايز تمشي في معادك وعايز تخلص وكل حاجه وما تسهرش اعمل time management..
انا بالنسبالي انا مبحبش فكره ان الناس تسهر وان الناس تيجي على حياتها الشخصيه.. ال work life balance ده مهم جدا بس at some point انت بتحتاج ان انت تتنازل عشان حاجه اقيم وحاجه اهم ومش هيبقى كل يوم.

لما انا كنت بتكلم في الاول على موضوع الشغل في كذا انداستري ومنهم ال advertising. الادفرتايزنج A B C ان انت بتبات في الشغل مبدئيا.. مفيش حاجه اسمها 8 ساعات. 8 ساعات ده انت مروح بدري مروح نص يوم.
هو العادي ان انت ممكن تطلع طالع عليك الصبح بتاع تاني يوم عادي تطبق وتنزل في الاعياد وتنزل تسهر في رمضان كل مصيبه.. اوردر الطابعة خلص هتروح.
عادي انت قاعد شغال.. الناس اللي بتبدا حياتها في سوفت وير هاوس او بتبدا حياتها في شركه كبيره او شركه ستارت اب هو جاي فاكر انه هيجي من الساعه تسعه يمشي الساعه خمسه لا الحياة مش كده.
عادي جدا احنا ممكن نقعد ونسهر ونطبق او ممكن لو احنا مزنوقين جدا هروح البيت وهفتح اللاب توب بتاعي واكمل شغل عادي جدا مش عيب. ليه؟ شغلي عايز كده ما هو في الاخر ما هو ده شغلي ده هو اللي هيتكلم عني انا، ما هو لو انا ما عملتش كده شغلي مش هينجح انا مش هنجح انا مش هكبر ومش هوصل للتارجت اللي الناس كلها عايزاه ان هي تبقى بيقبض بالدولار وعيشته ويشتغل بقى في اكبر الشركات والكلام ده كله.
مش هيحصل الناس اللي وصلت لشركات كبيره اتمرمطت في اولها وهي صغيره عمري ما ما حد اسال اي حد شغال في مكان كبير او وصل اشتغل في شركه مالتيناشونال او انترناشونال او اشتغل حتى برا مصر وقوله انت عملت ايه في بداياتك؟
اتكحرت اتكحرت ومنامش وسهر واشتغل فوق ساعات شغل والدبل ونام مطبق ما بينامش الليل وعينه احمرت وضهره اتقطع وكل الكلام ده كله.. ليه؟ عشان لما يكبر يرتاح.

وبعدين مهم جدا ان الناس تبقى ملمه باحنا شغلتنا كلها شغله مالتي ميديا في الاخر شغل ديجيتال. لازم تبقى ملم كل الحاجات اللي حواليك لان كلها بترفلكت عندك..
يعني الجرافيك ديزاين مثلا ده بيضيف للشغل بتاعنا الناس بتقولك لا انا مش جرافيك دريزاينر تحس ان هو ايه بتقول له اكتب كود.. لا ما ينفعش!
لا عادي اعرف ده بيتكلم في ايه اشتغل شويه اعمل visuals مش عيب اتعلم فوتوشوب هيفيدك.

انت ممكن يجي عليك تاسك معينه مطلوب منك تعمل صوره هتقوله انا مش ديزاينر؟! طيب تمام في حاجه مهمه جدا مثلا الناس اللي بتعمل بقى بروجكت عظيمه على بيهانس تيجي مثلا واحد عشان مش مهتم بالحته دي تلاقيه يقوم حاطط لك مثلا عامل بروجكت لايفون حاطه في موك اب اندرويد او العكس..
طب يعني ما حستش ان دي هتقفل اللي بيتفرج على البروجكت بتاعك؟ او تلاقي حاطط الصوره بتاعه الموك اب اكبر من الموك اب فتلاقي المقصوصه وحاجات طالعه بره البتاع طب ليه؟. اصل مش بتاعتي.

طب ما هو يبقى ما تعملش اصلا بروجكت على بيهانس لازم يبقى عندك الحس الفني خلاص انت هتبرزنت الشغل لازم يبقى عندك قدر معقول ومهم من البريزنتيشن اسكيلز.
لازم يبقى عندك سكيلز ازاي تبرزنت شغلك عشان انت بارت من البريزنتيشن دي ان انت بتبيع شغلك بتسوقله لو انت بتسوقله بشكل وحش هيجيلك شغل وحش او مش هيجيلك شغل اصلا.
سوقته بشكل حلو ومنظم هيجيلك شغل كويس وعلى قد الافورت هتحطه في البرزنتيشن على قد الشغل اللي هيجيلك.. ما تنتظرش تكروت البرزنتيشن بتاعتك ومش معنى الكروتة دي انك تعملها قصيره او طويله هو ده مش الموضوع ما هواش بطول البرزنتيشن انت ممكن تعمل صوره فريم صغير بس بتقول كل حاجه.

لازم يبقى فيه اوبجكتف واضح للبرزنتيشن اللي انت هتعملها على بيهانس ودي مهمه قوي. احنا ممكن نكون اتكلمنا في الموضوع ده كذا مره في النص كده بس تاني ده معناه ان الحته دي مهمه جدا.. انت لازم يبقى عندك لوبجكتف.

انت داخل تبين ui skills, design skills ولا داخل تعمل كيس ستادي ولا داخل تعمل ux project ولا داخل تشو أوف مهاراتك في البرزينتيشن اسكيلز.
خلاص كل واحده من دول لها شكل وليها طريقه للبرزنتيشن، فكره بقى اني اخش على الفيسبوك واقول يا جماعه حد عنده تمبلت لبروجكت بيهانس على فيجما واخش على فيجما كوميونتي؟!
انا بقى لو لقيت الشخص ده الظروف لعبت انه جه بيقدم عندي انا مش هبص على ال CV بتاعه ليه؟ عيشتك كلها تمبلتس؟! انت مش لازمني انت معناها انك واحد ولا عايز تبذل مجهود في انك تبيع شغلك وتبرزنت شغلك بطريقة كويسه.
ولا ان انت عندك حته الكريتيفيتي في ان انت قصيت.. اصل اللي عمل التمبلت دي عملها بسبب معين عشان يبينها بشكل معين.
مش لازم اخد دي تمبلت يلا كوبي بيست.. لا لازم يبقى فيه شويه تفكير ابقى عارف انا هعمل دي ليه؟ انا هعمل النهارده هبين موكبس كتير جدا علشان انا عايز اشو أوف كميه المجهود اللي انا عملته في البروجكت ده والبروجكت ده مليان سكرينز.. في ناس مثلا تيجي في البروجكت ده على بيهانس يقولك ال timeline بتاع البروجكت ده كان 35 ساعه سكرين نمبر اوف سكرينز 55 سكرين في الاخر يقوم حطيتلي تلاته، والتلاته هم عباره عن splash سكرين، log in سكرين، home سكرين. وبيبقى في بقى عريضه بقى رساله دكتوراه فوق البروسيس تمام انا بعد كل القرايه العميقه دي انا عايز اشوف وريني بقى.

- كنت بتكلم مع حد يعني هو team lead في شركه كبيره فكان بيقولي احنا بنعمل بروبلم استيتمنت بنكتبها وبنعمل بروسيس عشان نطلع سلوشن.. الناس بتحط السلوشن الاول قبل البروسيس.. ما هو انت عايز تفاليت السلوشن ده انه هو يطلع ينفع يتعمل ولا لا؟

فانت بتحطه في الاول ازاي؟ طب انت اللي تحت ده معمول عشان اللي فوق فازاي اللي فوق ده ترتيبيا حتى لو واحد بيفكر بشكل عملي هيلاقي السلوشن ده اخر حاجه انت وصتلها. عندي مشكله حاولت احلها بشويه حاجات وصلت للحل تحت.

- النتيجه بقى يقعد ياخذك في كميه ستادي عملها وسرفايس وبروسيس وي وي وي.. ويجي في الاخر بقى الحتة المهمة بقى مثلا ايه كل الداتا دي المفروض تتعمل في فلوو ماشي بيعملو فلو حلو، واير فريمز اتكروتت نص نص في ال UI اتكروتت خالص.. طب ليه؟
انت كده بعتلي ان انت ux شاطر مثلا.. انا مثلا في التيم عندي انا ببقى عايز ناس جوكر لان انا اتربيت من اول ما دخلت الكارير ان انا ابقى جوكر وبتعامل في كل شركه اخشها اني جوكر هتحط في الحته دي هؤدي هخش هنا هؤدي وما بقولش لا.
بنتظر بقى ان التيم بتاعي يبقى برده كده لا انا بحب الاسبريد دي، ودايما اللي بيشتغل معايا بخليه يعمل كده في ناس بتيجي في النص وتقع بيقولك لا ما انا مش مش قادر اعمل كده مش مش طبيعتي وبتفهم ده جدا وخلاص شخصيته كده وهو عنده طموح معين انا مش هقدر.
لانها في الاول وفي اخر مدارس في مدارس بتبقى عايزه التخصص حلو وفي ناس بتبقى محتاجه انك تبقى جوكر. في سيتيويشنزمعينه اه انا عندي المساحه ان انا افرش ابقى عندي تيم جبار 30 40 ديزاينر، تمام فيبقى عندي واحد مخصوص في الux وواحد مخصوص في الريسيرش، واحد ممكن يبقى في واحد مخصوص عشان يقعد يرسم ايكونس، وواحد مخصوص يعمل ديزاين سيستم..
وده موجود في شركات كتيره ودي حاجه كويسه جدا بس لو انت ما عندكش الرفاهيه انك تبلد بيج تيم بالطريقه دي هتعمل ايه؟ محتاج بقى ان انت تبدا تشوف الناس اللي عندها التالنت في كذا حاجه من دول ويتجمعوا مع بعض كده في جروب ويبقى بني ادم، تلم حبه كده جروب ويبقى بني ادم عشان يقدر يديك نفس الريزلتس.
ده الفرق ما بين بقى بني ادم جوكر وبني ادم سبيشاليز في حته واحده ولو هو حتى سبيشياليز في حته واحده لازم يبقى ملم باللي جنبه بيعمل ايه واللي بعده واللي بعده بيعمل ايه عشان هي في الاخر انت يعني ترس صغير وسط شويه تروس فانت لو انت عطلت وزرجنت الكل هيزرجن مفيش حاجه هتمشي.

- اعرف انت بتاخد الحاجه من مين وهسلمها لمين عشان لو دخلنا في موضوع انت بتسلم لمين والهاند أوف ده.

- ده فيه بقى قصه تانيه موضوع الهاند اوف بقى للديفولوبينج تيم.

- فامهم انك تبقى واخد فكره دايما بقول للناس بيقولك انت لازم يبقى عندك نولدج، ادخل شوف كراش كورس لمده 40 دقيقه اعرف بس يعني ايه جريد سيستم يعني ايه كذا؟ يعني ايه كذا؟ اعرف يعني ايه بوتس راب؟ يعني ايه فريم ورك.. افهم المصطلح عشان تعرف تخاطب الديفولبر لما يقول لك ان في حاجه مش هينفع تتعمل. احنا مش بنعمل بوستر بنعمل يوزابل في الأول والأخر.

- بس في بقى حته بقى مهمه أوي، حته ان هي مش هينفع تتعمل. انا مش هبقى معاك في الحته دي أوي هي اي حاجه بتتعمل انت عندك بيزنس معين بيقولك.. ما هو برده انت البيزنس قالك انا عندي بربليم استيتمنت او عندي ريكوست معين هتعملها ازاي دي بتاعتك وده مسؤليتك انك تعملها باحسن طريقه خلاص.
اللي هياخدها منك في ناس بيبقى بيقولك لا عشان هو مش عارف او بيقولك لا عشان هتاخد وقت طويل وهو عايز يخلص بسرعه، بس اللي حاصل ان كل حاجه بتتعمل بدليل كميه التطور اللي حصلت الرهيبه في الفتره الصغيره اللي احنا فيها دي والناس دلوقتي مثلا موضوع الai والشات جي بي تي والميدجرني والناس خايفه انها تقعد في البيت طب ده راجع من ايه طب اللي عمل شات جي بي تي ده عنده كم سنه؟ وعمل حاجه خليته 31 سنه وبقى ملياردير.

طيب ده يثبت لاي حد ان مفيش حاجه اسمها مستحيل ومفيش حاجه اسمها ما بتتعملش.. كل حاجه بتتعمل بس انت ممكن ما تبقاش عارف او تبقى عارف ومكسل ملهاش تالت.

- احنا بنتكلم على لو بيئة العمل صالحة وسالك وده بيتكلم في ده صح يتعمل او لا بعيدا عن اي حاجه ثانيه بقى احنا ايه الموضوع اكبر من كده شويه.

طيب نيجي بقى للفلوس والفينتك لو حد حابب يتخصص او شايف ان هو ممكن يتخصص في حته الفنتك، فده يعني مسار واضح ولا فكره ان انا ابقى شغال في كل الانداستريز عادي.
طبعا مع تطور اللي حصل ده في فكره الفينتك بشكل عام.. ان الناس اول سيرفس بقت موجوده بقت كتير أوي شركات بقت كتير، انا شخصيا جالي اوفر من بنك كان طالب ان انا اكون اشتغلت قبل كده في فينتك كشرط اساسي وده اللي خلاني اجوه سول انترفيو معاهم يعني. اللي هو انا عايزك جاي من الفنتك، شايف ان ده ممكن يبقى توجه الناس تروح فيه تتخصص فيه ولا لسه مش دلوقتي؟

- بص هو الموضوع بدا يبقى ترند، مش ترند بالمعنى الوحش لا هو دلوقتي بقى توجه عالمي ان الناس كلها بتقلب المعاملات الماليه بتتقلب ديجيتال زي ما كان زمان الشراء من المحلات اتطور انه بقى اونلاين شوبينج فهو دلوقتي هو ده الدور جه على الخدمات المالية انها تبقى ديجيتال فهتلاقي البنوك بتقلب ديجيتال، هتلاقي فيه products بتطلع بتعمل e-wallet بالمعنى ان انت مش لازم تشيل فلوس في جيبك هتشيلها جوه الابلكيشن. فدلوقتي الموضوع ده بدا يبتدي في مصر وبدا يبقى ليه يعني بدات المنافسه تبقى باينه وبدات البرودكتس تبان.. بقى خلاص بقت رخصه انك تفتح شركه بتقدم فاينانشل سيرفس بالشكل ده او ان انت تبقى ديجيت بنك بقت سهله فبقت الناس بتعمل ده خلاص.

حلو ان انت الفتره دي تبدا تخش في المجال ده ليه؟ لانه مجال لسه بيبتدي وبدا الموضوع يبقى فيه منافسة كبيره فهتقدر تشوف الناس بتعمل ايه وتقدر تتعلم منها وتبدا تكبر في الموضوع.
على العكس لما تيجي تشتغل دلوقتي في ايكوميرس يعني خلاص بقى مليان واتهرس فالفنتك دلوقت بدأ يظهر على الساحه بدا يكبر بدا يبقى عليه الفوكس دلوقتي ف اه ليه لا ان انت تخش في الفنتك؟

- هنروح الحته بقى يعني نصائح للناس وخاصه في جزء الكتب انت شايف من وجهه نظرك ايه الكتب اللي ممكن الناس تستفيد منها لان انا شايف ان جزء الفيديوز او الحاجه اللي المتشافة بس قليله جدا في العلم لازم تقرا كتير قوي عشان توصل لأصول الحاجه زي ما اتكلمنا من شويه فايه الكتب اللي ممكن تدعم الناس في المجال بشكل عام من اول فسيولوجي بقى للبيزنس، البرودكت بشكل عام في كل حاجه يعني.

- بص في كتابين انا بحبهم أوي كتاب بيتكلم عن ال ux وكتاب بيتكلم عن ال ui، من غير بقى دخول في حاجات جانبيه.. في كتاب حلو قوي لل ux اسمه lose of ux.. بيتكلم عن شويه قوانين اللي اتبنت على اساسها ال ux تمام. مصطلحات مجعلصه شويه اه مش مطلوب انك تبقى حافظها بس انت لما ها تقعد تقرا الحاجات دي هو بيرليت الحاجات بحاجات في الحياه العامه زي ما احنا ما اتكلمنا في اول الحلقه الحاجات اللي بنلاقيها حوالينا زراير، أزايز، كوبايات، بتاع. وازاي اتاخدت اترجمت بقت ديجيتال؟ الكتاب ده بيشرح الجزئيه دي.

في كتاب تاني بقى مهم جدا جدا جدا اسمه refacturing ui والكتاب ده هو مش قرايه على قد ما هو هو صور كتير، هو عباره عن بيقولك ما تعملش كده واعملها كده، الزرار ما تعملوش كده واعملوا كده، المقاسات والسايز والكلام ده مقاس الفونتات والالوان كل الكلام ده مشروح بالصور انت مش هتقرا كتير هو بالنسبه لك عامل زي المجله.
تقعد في سكشنز للزرار، سكشن لل input fields، سكشن للالوان، سكشن للتايبوجرافي، لامم كل حاجه.
الكتابين دول مهمين أوي وانا شخصيا بحب refacturing ui اكتر.. في بقى شويه كتب تانيه يعني عادي انت حابب تقعد تقرا عنها حاجات بتتكلم بقى عن بروسس حاجات بتتكلم فيسيولوجي، في مثلا حاجه مهمه جدا ال color theory مهمه أوي ان انت تقرا عن ال color theory.

مش لازم كتاب لها فيديوز كثيره لها مقالات كتيرة اونلاين اكتب على جوجل color theory هيحكي لك انت محتاج تعرف علاقه الالوان ببعضها ايه؟ وتاثيرها ايه؟ ومفهومها ايه؟ عند كل ثقافة.
ناس كتير جدا بتتحط في مواقف انه بيجي محتاج يديزاين حاجه لحاجه بره الثقافة بتاعته لبلد مختلفه عنه فلما بيجي يعمل حاجه بيلاقيها مش شغاله ومش ناجحه ليه بترجع للكالشر بتاعه البلد دي لازم تبقى فاهمها لازم تبقى قاري عنها او لو عندك الامكانيه انك تزور البلد دي وتشوفها اعمل كده.
في دكيومنتري حلو أوي أوي انا من الناس اللي بحب اتفرج اكتر من ان لما اقعد اقرا بعيش اكتر مع الفيديوهات.

فيه ديكومنتري حلو أوي المسلسل كان على نتفليكس اسمه abstract ده بيتكلم ده عن ال art في كل المجالات. سيزون 2 في حلقه بتتكلم ال digital product design احنا جايبين ال head of product design في انستجرام وبيتكلم عن الريبراندنج اللي حصل في انستجرام من ايام ما كانو ايقون كده شبه الكاميرا البلورايد القديمه واتقلب بقى فلات..
الترانزيشن ده حصل ازاي ال iteration اللي حصلت في ان هم بيعملوا اللوجو ده قد ايه وحاجه مبهره جدا اللي الناس اللي بتبقى متضايقه انك بتعمل 2 اوبشنس و3 اوبشنس.. لا دول عاملين اكتر من 500 اوبشن عشان يقارنوا ويتفرج على البروسيس دي ومش بتكلم على اللوجو بس يعني ده بدايته وبعدين الترانزيشن بتاعه الاكسبيرينس كامله جوه انستجرام،
لما جه يفكروا يعملوا الفلاتر اللي في الاستوريز بتاعت كل بلد تلاقي فلتر اسمه Japan فلتر اسمه Tokyo, Cairo كذا ده مبني على ثقافة كل بلد..
كانوا بيسافروا كل بلد من دول يشوفوا الثقافة بتاعتهم الوانهم ايه صورهم الوانها ايه الستايل بتاعهم ايه عشان الفلتر ده يرفليكت فلما تحط صوره تقول انا كنت في طوكيو او ان انا حاجه بتشبه بتوكيو، بتحط الفلتر ده فيديك الايحاء بده.
دي حاجه بتبقى في ال subconscious بس عشان ينفذها عمل ايه راح شاف الكالشر بتاعه الناس دي عايشه ازاي؟ الوانها ايه؟ بيلبسوا ايه؟ الوان لبسهم ايه؟ في فرحهم الوانهم ايه؟ في زعلهم الوانهم ايه؟
انت لو قعدت دخلت في حته ال color theory دي هتكتشف حاجات غريبه جدا انت عمرك ما كنت تتخيل ان هي تحصل.. في ناس احنا في فرحنا بنلبس ابيض وفي عزانا بنلبس اسود، في بلدان تانيه العكس فعزاهم بيلبسوا ابيض وفي فرحهم يلبسوا اسود. انت لو عملتها ايه ده ازاي وده غلط والعرف والثقافة وبتاع بس.

- احنا كده وصلنا لنهايه الحلقه العظيمه دي انا استفدت كتير على المستوى الشخصي. طريقه التفكير بتاعه كل واحد بيشاركني في قاعده زي دي او في اي محاضره انا بستفياد منها كتير، انا جاي اتعلم انا اساسا.. ان شاء الله تعجب الناس ان شاء الله لو حد وصل لحد الحته دي يبقى هو ابننا ده ابن الشركه. فانا بشكرك بشكل شخصي. اول مره نتقابل وان شاء الله هنتقابل قريب في الخطوه اللي جايه.. وشكرا ليك وان شاء الله تكسر الدنيا زي ما انت موجود في فاليو باذن الله.

- شكرا جدا.