Design Thinking Process – التفكير التصميمي مع عمرو البرلسي

في حوار شخصي كده يتسم بالملل والزهق، يو اكس ديزاينر بيبدأ في المجال بيتعلم، قاعد بيتكلم مع نفسه والحوار دار كالتالي:

أنا زهقت، حاسس اني تاية. هو يعني ايه بروسس؟ ايه المصطلحات دي؟ وإمتى استخدم الديزاين سبرينت؟ وإمتى استخدم الدابل دايموند؟ وايه الفرق بينهم؟ ايه ده كمان؟ وفي حاجة اسمها ديزاين ثينكينج بروسس؟ ايه كانت ناقصة؟ ما فرقتش كتير. أنا كده كده ايه؟ مش فاهم. أنا معرفش إمتى استخدم ده وإمتى استخدم ده. وايه الفرق بينهم أساساً؟ وإيه مميزات كل بروسس عن التانية؟ يلا بينا نعرف إجابات كل الأسئلة دي وتفاصيل تانية كتير ومفاجأة في آخر الحلقة وهدية قيمة جداً من ضيف مميز وعزيز علي أنا شخصياً وإن شاء الله تكون حلقة مميزة.

أنا أيمن طاهر وده ليتركاست. لو أنت في مجال الـ UX أكيد جيه قدامك مصطلح الـ UX بروسس أو أنت اتعلمته أو أنت اشتغلت بيه أو بيتقال قدامك كل يوم وفي ناس كتير بتخلط ما بين الـ UX بروسس أو شايفة أن لازم نطبقها والموضوع عامل جدل كبير شوية. لو خدنا البروسس اللي بنمشي عليها بشكل عام في مسميات كتير موجودة زي: الـ Design Sprint، الـ Double Diamond، الـ Design Thinking Mistology.

برضو بتروح معاهم بسبب اللخبطة اللي حصلت دي فعشان كده إحنا النهاردة هنتكلم عن الـ Design Thinking Mistology بشكل عام وبشكل تفصيلي أكتر وإمتى بنحتاج نعمل ده وأهمية ده وإزاي وكل التفاصيل معها عمرو البرولسي. ازيك يا عمرو؟

- الحمد لله ازيك يا ايمن؟ ايه الأخبار؟

- الحمد لله أخيراً اتقابلنا صح؟

- الحمد لله.

- طيب بص يا عمرو في البداية كده يمكن أنا طلعت أعرفك وأنا مكنتش عارف إن أنت دي حاجة مرضيتش أقولها لك قبل التسجيل فحبيت أقولها لك دلوقتي كنت شفتلك حاجات على ينفع تقريباً صح؟

- حقيقي الحمد لله.

- فأنا مكنش عارف إنه إنت وفي الآخر يعني حد في النص وأنا شغال في نفس الشركة وعرفنا على بعض فأنا بشكرك أول حاجة يعني إنك جيت معايا في البودكاست وإن شاء الله تبقى حلقة دسمة كده بإذن الله على نفس قدر خبراتك يعني.

- إن شاء الله شكراً جداً ليك يا إيمن وبجد والله دي حاجات تشرفني وتسعدني وأتمنى أن أكون ضيف خفيف وفي نفس الوقت إن شاء الله أقدر أفيدك وأفيد الناس اللي بتسمع إن شاء الله بإذن الله.

- في البداية كده خلي الناس تعرف بقى مين عمرو؟

- أوكي أنا عمرو البرلسي زي ما أنت قلت بالضبط أنا خريج Computer Science جامعة المنصورة بشتغل في مجال UI وUX من حوالي 2016. كانت بدايتي في الأول UI Design بس الحمد لله البداية كانت لحد ما موفقة في نفس الوقت اللي إحنا كنا شغالين في المجال ده كان مجرد إن أنا بحاول أن أخد Inspiration وبقلد Designs ووحدة وراء التانية بدأت إن أنا أخد مصطلحات أبحث عنها بدأت إن أنا أخد Articles Online وأقرا فيها وبعد كده الموضوع بدأ يتطور معايا شوية بشوية..
لحد ما بدأت إن أنا أشتغل مع أكتر من Client وبدأت Experience بتزيد مع كل Need أو كل Challenge أنت بتقابله بتحاول أنك تجيب More Experience فيها.
فالموضوع بدأ إن هو كمان يزيد معايا Step by Step لحد ما بدأت إن أنا كمان أ Collect Data بالكورسات Online و Offline وبعدها بدأت إن أنا أحول إن أنا أي Knowledge عندي أنا لحد ما كويسة بالنسبة لي أو إن أنا راضي عنها فبدأت إن أنا أنقلها لأي حد تاني.
لحد ما جيت الخطوة بتاعت ينفع اشتغلت مع مجموعة شركات لحد ما في منها اللي جوه مصر وفي منها اللي برا مصر اشتغلت مؤخراً مع وزارة المالية المصرية كنت منفذهم الموبايل أبليكيشن بتاعهم اشتغلت مع شركة الكهرباء كان برضو فيه اللي هو السيستم اللي هم بيحولوا أي حاجة ورقية في خطة مصر الرقمية اللي هم كانوا بيحولوا أي حاجة ورقية لأن هي تبقى Digital.

فاحاليا الفكرة إنك تقدر تحول الكهرباء بتاعتك من البيت وإنك تعمل العداد جديد وتشيل العداد القديم وتشحن الكارت وهكذا الخدمات الكهربائية اللي إحنا بنعملها كلها الحمد لله وفضل من ربنا كنت جزء من التيم اللي اشتغل على البرودكت ده.

اشتغلت على أكتر برودكت أنا فخور بيه هو أبليكيشن ترو دوك وأكسا ون هيلز ده في الهيلث كير والمديكال اندستري ده كان من أعظم البرودكت اللي اشتغلت عليها بالإضافة كمان إن أنا اشتغلت في الوقت الحالي شغال مع شركة فيكستاند.
الشركة اللي أنا شغال فيها شغال زي يو اكس ليد مع مجموعة من البرودكتس الموجودة منهم البرودكتس الخاصة بالسوشيال ميديا والانفلونسرز وإزاي بتمانج الانفلونسر ديلز مع الكلاينتس اللي بيشتغلوا معاهم.

وكمان عندنا برودكت خاص بال B2B ريتيلرز اللي هم الناس اللي بتكون بتشتغل مع المحلات وأصحاب الشركات والمصانع وأصحاب المحلات التجارية اللي هي المولات وهكذا.. إن بيكون مورد وبقدر يديلك بضاعة بشكل ديلي أو مونسلي أو ويكلي أي أن كان الطريقة اللي بتشتغل بيها.

ومؤخراً كنت اشتغلت مع التيم في زيدة لو بتسمع عن زيدة تحديداً برضو اشتغلت مع التيم بتاعها في مجال الفود اند بيفرج اللي هو الريستورانس مانجمنت يعني دي من بعض المشاريع.

وفيه بقى مشروع أنا بعتز بيه جداً جداً بصراحة وهو مشروع الحرمين ومشروع زائرون ده مشاريع خاصة بالحرم والمسجد النبوي بيخدم الحجاج وبيخدم المتوافين وبيخدم الناس اللي بتعملوا عمرة والناس اللي بتزور المساجد هناك في مكة والمدينة فدي من ضمن المشاريع اللي أنا برضو فخور جداً بيها وبعتز أن أنا اشتغلت عليها.

ده بريف بسيط عن المشاريع اللي أنا اشتغلت بيها.

برضو مؤخراً كان فيه برودكت كده انتشر اسمه هلبو هلبو ده اللي هو بيخدم العربيات فيه منهم الناس اللي بيستخدموه للسوبر كارز إن هو ما بيحاولوا ينقلوا العربيات بتاعتهم زي البورش واللامبورجيني والحاجات اللي هي زي كده بينقلوها بالوينش عشان العربيات اللي زي دي بتتحاسب إلى حد ما شوية بالكيلومترات.

وفيه ناس بقى اللي هي لقدر الله بتعمل أعطال حوادث أو حاجة زي كده فبيحتاجوا إن حد ينقذهم على الطريق فكان برضو أبليكشن هلبو من ضمن الأبليكشنز اللي أنا اشتغلت عليها.

فطولت عليك في المقدمة بس شوية.

- لا لا خالص عادي. انا لسه شايف هلبو واعرف ناس شغاله في الشركة يعني، وكان فيه كرنفال كده في الشارع في مدينة نصر وفيه زي اكسباند حاصل الفترة دي ما شاء الله ربنا يوفقكم وتكون خطواتك كلها موفقة كده ي عمرو. ده مسيرة حافلة..

- اتمنى والله انها تكون فعلا زي ما الناس تشوفها، واتمنى ان انا يارب يكون فيه مزيد من التوفيق والنجاح لينا كلنا يارب ان شاء الله.

- بإذن الله طب خلينا نطلع بس من الجزئية دي ونروح لحته ينفع انا عاوزة اعرف منك انت ايه اللي خلاك تفكر تنقل الجزء اللي معاك أو ايه اللي وصلك انك تروح تعمل كورس أونلاين هل انت حابب ده ولا ده جه ازاي اساسا؟

- بص الفكرة في الفترة الأخيرة أنا كو أورجانايزر في مجموعة فولتيرنج وورك اللي هو جوجل دفيلبرز جروب أنا فيها من 2015 لحد دلوقتي الحمد لله.

فجيت على فترة إن أنا بتعلم وعايز اللي أنا بتعلمه أنقله لغيري عشان كل اللي بيقابلني طب إنت بتعمل إيه؟ بتمشي إزاي؟ بتذاكر منين؟ وهكذا.

فأحاولت إن أنا أقصر المسافة شوية فبدأت إن أنا بما إني ميمبر في التيم فأنا انزل أديشنز وبشرح كده حاجات طفيفة وبسيطة للناس اللي بتيجي تحضر الإيفنتس عندنا.

فبدأت إن هي فعلاً تقول لي أنا استفدت من السيشن جداً. طب ليه ما فكرتش في الكورس؟ طب ليه ما فكرتش تشرح حاجات دي للناس بشكل إن ديتيلز شوية؟

وليه واحد كمان يعني ربنا يكرمه ويجازيه خير هو اللي رشحلي أصلاً فكرة طب إنت بتعرف تتكلم في الحاجات دي وبتحبها طب ليه ما تديش كورس على ينفع؟

قلتله إشمعنى ينفع؟ قال لي الموضوع فيها خفيف وبسيط والناس هناك بيجوا الناس اللي لها experience حقيقية مش مجرد واحد انستركتور وفي نفس الوقت الكورسات بتاعتها بتكون خفيفة وبسيطة وتكلفتها بصراحة بتكون بسيطة على ناس.

فأقلتله أجرب وهنا بدأت ان انا اكلم ينفع وقالولي اوكيه احنا معندناش حد بيقدم تراك اليو اي واليو اكس. ايه المانع طب يلا بينا نشتغل سوى.. قدملنا بس في دقيقتين قولنا انت مين؟ بتشرح ايه؟ وتعالى نجرب يلا نريكورد الكورس بتاعك..

عملت كده وجهزت كونتنت بسيط كده وبدأت ان انا اروح اسجل في ينفع، والحمد لله كان أول ما الكورس ظهر وبدأ كان الحمد لله الفيدباك كان جاي ممتاز جدا والحمد لله. وما زال أنه هو الحمد لله الناس بتتفرج وبتشوف الكورس ويستفيدوا منه. والناس اللي بتخلص الكورس بتدخل تتكلمني دايريكت وبيسألوني في حاجات أدفنتج شوية لا احنا عايزين نزود النوليج بتاعتنا طب نذاكر منين بعد كده طب نعمل إيه وهكذا.

دي كانت نقطة انطلاقي في ينفع. وإن شاء الله إن شاء الرحمن يعني أنا بجهز لايه للسكند كورس والثرد كورس باذن الله عشان يطلعوا وراء بعض ويبقى الموضوع بيكمل بعضه مش مجرد كورس ظهر على البلاتفورم واختفى.

- عظيم جدا يا عمرو ربنا يوفقك وتحقق نجاحات أكبر من اللي انت عملتها وزيادة ودائما في نجاح بإذن الله.

- آمين يا رب جميعا يا رب إن شاء الله.

- طيب نروح للجزء بتاعنا فيه خناقة هنا بقى دايرة في الموضوع ده. عارف فكرة أي حاجة فيها كلمة بروسيس أو ديزاين مش عارف إيه بتلاقي فيها خناقة. يعني لا إحنا ما طبقناش البروسيس إحنا كده مش نافعين نقفل الشركة ونروح. فيه حوار كتير في الليلة دي. فخلينا نعرف الأول يعني عشان برضو تبقى ناس بتستفيد بشكل تيكنيكالي شوية. يعني إيه ديزاين تيكنيك الأول؟ كأنك بتشرحها بيور كده لنفسك.

- أوكي هو الديزاين تيكنيك دي هي الفكرة بأنها هي ميثودولوجي بتساعدك على حل أي مشكلة. أي مشكلة مش شرط أنها تكون في الديزاين بتاعتي. بس الكور بتاعك بيكون أو الأساس بتاعك بيكون هو اليوزر نيد. احتياجات المستخدم بتاعك. ده أهم حد عندك في البروسيس كلها أو هو ده الوحيد اللي أنت بتركز عليه. تمام؟

إيه الفكرة منه وإيه أهميته؟ هو الديزاين تيكنيك هو بيعدي على مجموعة خطوات عشان تساعدك أن أنت تحل مشكلتك بس لازم يتوفر عندك أنك بتحقق أقل تكلفة وأقل جهد. مش لازم أن أنا أبني الحل كله بشكل كامل علشان أقدر أقول يا جماعة أنا طلعت بالحل. فأجي أجرب الحل أبص ألاقيه مش شغال أو مش مناسب مع اليوزر نيد فأهد وارجع أبدأ من الأول. تمام كده؟

علشان كده هم عملوا حاجة اسمها ديزاين تيكنيك ميثودولوجي دي مجموعة خطوات هتساعدنا أن احنا نحل مشكلة. أي أن كانت المشكلة أنا مش شرط بالنسبة لي يكون ديزاين بروسيس. لا هي مشكلة في حياتك عموماً نقدر الله بتحلها بمجموعة خطوات.

- يعني خلينا نقول إن دي حاجة تنفع تطبقها على أي حاجة في حياتك خلاص بقى مش موضوع ديزاين بس.

- وإحنا برضو لما هنمشي مع الستيبس والخطوات اللي بنتكلم فيها هنكتشف ده. هل هو ده بيماتش الديزاين بس؟ ولا هيماتش الريليبس بتاعتك كلها؟ عظيم.

- طيب نروح للستيبس على طول إزاي الناس بتستخدمها ككونسبت أساسي بتعاملتها؟ زي النقطة اللي فاتت كده. وإيه اللي يخلينا نستخدمها في التصميم؟ يعني نطبقها إزاي في مشاكل العامة؟ وإزاي بتأثيرها موجود في التصميم؟ أو تحل مشكلتنا في التصميم؟

- أوكي. أنت علشان تحل أي مشكلة موجودة معاك لازم أول حاجة تقول فين المشكلة أصلاً؟ بعد كده بتيجي تقول أنا عايز أكتر من حل ممكن أقدر أحل بين المشكلة دي؟ وبعدها بتاخد كل حل من الحلول دي تبدأ تطبقه بشكل بسيط. هينفع معايا ولا مش هينفع معايا؟ لو نفع تمام بتكمل عليه. لو ما نفعش ممكن يأما تتجنب الحل ده خالص يأما تمسك الحل ده وتقول إيه اللي أقدر أحسن فيه ولا أعدل فيه علشان يوصلني للسلوشن اللي أنا محتاجه. ده بشكل عام في حياتنا. ده اللي بيحصل. مظبوط.

تمام. طيب تعالى بقى نقيس الخطوات الأساسية للديزاين ثينكينج في حياة الديزاينر أو في الجول بتاعك أنك عايز تحل مشكلة تميت اليوزر نيدز. احنا ما عندنا ناس بتقولك أن الديزاين ثينكينج بتتم بخمس خطوات وناس تقولك أن الديزاين ثينكينج بيعدي بست خطوات. هي الخطوة الأخيرة هي الاختلاف هي الفرق. وبرضه مش بيكون فرق جوهري يعني. في ناس تقولك ده هنضمه للخطوات وده الناس تقولك لا هم الخمسة بس كفاية.

طيب نبدأ ناخدهم خطوة خطوة. أول خطوة وهي الامباثايز. الامباثايز دي بمعناها حرفيا وهو التعاطف. يعني لو أنا جاي أحللك مشكلة ما ينفعش أكون رايح جاي كده مشمر إيدي وداخل يلا نحل المشكلة. أنا أصلا معرفش المشكلة هي فين.معرفش إيه تأثيرها عليك. معرفش أنت بتحس بإيه. معرفش أنت بتقول إيه، معرفش أنت بتفكر في إيه والموضوع بيحصل معاك فبالتالي أنت لازم تعيش الموقف كامل بتاع المستخدم بتاعك. دي مصطلح كده بيتقال في الـDesign Thinking اللي بيقولك put yourself in your user's shoes يعني هتحط نفسك مكان اليوزر بالظبط لو هو بيحصل معاه موقف معين. عيش الموقف ده روح اتفرج هو بيحصل معاه إيه واسأله وتكلم معاه. ومعنى أصح كده اللي احنا بنقولها باللغة الدرجة يعني حط نفسك مكانه حرفيا.

ولو قدرت تعيش نفس الموقف عيشه بمعنى أعرف واحد كان بيقولك علشان أعيش تجربة التوصيل هو كان له بوزيشن محترم كبير يعني في أحد الشركات. يقولك علشان أعيش تجربة التوصيل كنت باخد بعض الأوردرات بنفسي وأنزل أركب السكوتار وروح أوصل الأوردر بنفسي علشان أعيش الحياة كاملة أعيش التجربة كاملة. الشخص ده بيمر بإيه، بيقابل إيه، لو الموضوع اتأخر بيتأخر ليه، لما بيوصل بيعمل إيه، هل هقدم من الأمن في العماره بيقول له أنت رايح فين وجاي منين، أنه بيأخذ بطاقته ولا لأ، لما بيطلع الناس بتقابله إزاي، بتتكلم معاه إزاي، بيعيش كل تفاصيل التجربة اللي المستخدم بتاعه بيعيشها.

وبرضه بيobservar، بيobservar يعني إيه؟ يعني بيراقب، بتفرج من بعيد بشوف الشخص اللي قدامي ده بيتفاعل إزاي، بيتعامل إزاي، بيفكر بإيه، بيفكر في إيه، بيحس بإيه، بيتكلم أصلاً إزاي، هو بيقول إيه حرفياً. تمام؟ فكل الحاجات دي أول ما أنت بتعيشها خلاص أنت بدأت تحط إيدك على الweak points اللي هو بيعيش فيها أو الوضع اللي بيحاول أن هو يحله. عشان يجي دورك أنت تحلله المشكلة دي as a UX design.

ندخل على تاني ستيب.

- تمام، بس فيه نقطة يعني عايز أقولك إن الجزء اللي أنت قلته ده بحكم يعني معرفتي بناس كتير في مثلاً في جزء الكورسات أو كده، فيه ناس كتير بتقطعوا كلياً اللي هو بيسيبوا أول خطوة دي اللي هي أهم خطوة في البروسيس. دايماً بقول للناس أنت لو ما فهمتش البروجيكت مش هتفهم حاجة. أنت لو ما عملتش خطوة أولى صح فكل اللي هيتبيني بعد كده بقى مستحيل تسلم المشروع ما أنت مش مكانك تقدر في حاجة بالضبط.

- أقول لك برضو إن دي من أهم الاستخدامات اللي احنا بنستخدم فيها الDesign Thinking علشان أنت بتكون أقرب ما يكون لليوزر وأقرب ما يكون للمشكلة. أنت هنا معتمد اعتماد كله على داتا حقيقية 100% مفيش أي افتراضات، مفيش أي استنتاجات، أنت واخد الحاجة من السورس من المنبع نفسه. فاهم قصدي؟ بالضبط.

- طيب نروح لنقطة تانية بعد الEmpathize،

- بعدها بنعمل حاجة اسمها Define. الDefine دي اللي هو أنا بعرف المشكلة بشكل عام يعني أنا رحت عملت Observe واتفرجت وراقبت وعشت التجربة وحسيت بالمشكلة وسمعت الناس بتقول إيه وعرفت هم بيحسوا بإيه وشفتهم هم بيتفاعلوا وسمعتهم هم بيتكلموا. كل الحاجات دي ببدأ إن أنا أجمعها في مرحلة الDefine.

بحدد بالظبط بشكل واضح وبشكل صريح إن أنا مشكلتي هنا حطيت إيدي على المشكلة نفسها عرفتها وحددتها علشان أبدأ منها أنتقل المرحلة التالتة. يعني الDefinition ده كل دوره إنك بتجمع كل اللي أنت عملته في أول ستب اللي هي الEmpathize وتحاول تدكيمنت الحاجات دي وتعرفها وتقول آه أنا هي دي الـOutput بتاع أول مرحلة طلعت بيها بPoint 1, 2, 3, 4 بمشاكل 1, 2, 3, 4 بInsights 1, 2, 3, 4 وهكذا. منها بتقدر أن أنت تدخل على تالت خطوة.

وخليني برضو إن احنا وإحنا ماشيين كل خطوتين نحاول نجبروب الخطوتين دول ونسميهم مسمى بمعنى يعني أنا الEmpathize والDefine. أنت هنا بتعمل إيه زي ما أنت قلت حالاً في المثال مع الناس في الكورسات، أنت بتقوله أنت بتفهم المشكلة فأنت بتعمل Understand للمشكلة. تمام كده؟ تمام. جميل.

بطلع من مرحلة الDefinition اللي هي المرحلة التانية للتالت مرحلة وهي الIdeate. زي ما قلتلك في حياتنا العمية إحنا بنحاول إن إحنا لما بنلاقي مشكلة ونحدد المشكلة بنبدأ نفكر لها في حلول، أياً كانت الحلول دي هي منطقية غير منطقية، تنفع ولا ما تنفعش، مش هنا اللي هحدده أو مش في المرحلة دي. أنا في المرحلة دي بجمع تيم كامل وبنبدأ نفكر احنا عندنا المشكلة الفلانية نبدأ نحلها ازاي وكل واحد بيفكر يعني مثلا نقول انه بيدون أو بيكتب فكرته اللي هي جات في دماغه في ورقة ويكتب واحدة كمان وواحدة كمان وواحدة كمان ولو قدر يسكتش الحاجات دي بشكل سريع سلس يعمل كده.

وبعد فترة محددة مثلا احنا اللي بنحددها في الميتنج نقول يا جماعة احنا خلاص عملنا برين ستورمينج طلعنا كل الأفكار اللي عندنا. كل واحد يبدأ يبرزنت الحل اللي هو بيفكر فيه أو الفكرة اللي وصلته. فيجي أول واحد بيطلع 3 أفكار، تاني واحد بيطلع 5 أفكار، تالت واحد بيطلع 10 أفكار وهكذا. كده احنا في التلاتة أشخاص طلعنا 18 فكرة. ما بالك بقى لو التيم مثلا مكون من 5-6 أشخاص هتلاقي انك بتطلع أرقام كبيرة جدا من الحلول أو من الأفكار.

بعدها نيجي نشوف ان الأفكار دي أصلا ممكن ان احنا نميكس ما بينهم يعني فكرتي مع فكرتك ممكن تطلع فكرة تالتة بتبقى أحسن من الاتنين. مظبوط؟ تمام. وممكن فكرة تالتة مع شخص تاني تطلع لنا فكرة أحسن ونبدأ ان احنا نقعد نميكس وندريمكس الأفكار مع بعضها لحد ما نعمل زي مصفة كده ونقول احنا خلاص الـ 20 ولا الـ 30 فكرة دول هنبدأ نصفي ما بينهم. نصفي ما بينهم لحد ما نوصل لـ 5 أفكار هما دول الأوبتيمال سلوشنز.

أو دي الأوبتيمال أيديز اللي احنا عايزين نوصل لها. من بعد ما أوصل للـ 5 أفكار النهائية دي أعمل فوتينج. كل شخص يقول رأيه في الـ 5 أفكار اللي طلعت. هتلاقي نفسك ان انت في نهاية المطاف بتوصل لحد يعني بالكتير قوي فكرة أو فكرتين هما دول اللي الناس كلها أجمدت عليها.

فأنت متخيل ان انت بدأت من 20 فكرة وصلت الـ 5 أفكار طلعت منهم بفكرة أو اتنين في احتمالية ان هي تكون فكرة مش صح؟ آه بس بالنسبة كم؟ هتلاقي ان النسبة قلت جدا يعني الـ error percentage بقت قليلة قوي قوي. عشان انت لحد ما زي ما احنا بنقول كده مطلعين خلصت الخلاصة. انت فكرت لما عصرته دماغك وأنا فكرت لما عصرته دماغي وطلعنا الخلاصة حرفيا كده.

احنا وصلنا لتالت مرحلة وهي الأيديا مننا بنطلع بالفكرتين أو الفكرة الأساسية اللي احنا محتاجين نجربها ومنها بندخل على المرحلة الرابعة وهي مرحلة البروتوتايب.

- خلاص اللي هو انت استقريت وطلعت الفكرة دي بقى بالظبط كده.

- بس لما بجي أطلع مش بطلع الفكرة من الزيرو لتو زيرو زي ما بنقول. يعني مش بطلعها من إيه تو زيد. أنا بعمل لها بروتوتايب نسخة مصغرة وبحاول ان هي تكاد تكون شغالة اللي هي بتوصل الفكرة وبنعمل لها internal testing.

يعني احنا طلعنا بروتوتايب صغير. تعالي يا أيمن تعالوا كلنا التيم اللي اشتغل ده كله يلا نجرب الفكرة دي على أرض الواقع بإيدينا احنا تطلع بقى في صورة واير فريم في بروتوتايب. يعني البروتوتايب يقال عنه ان هو نوع من أنواع الواير فريم بس بتكون انتر اكتف شوية. مش عارف بقى اتفق معايا في المقولات دي ولا لا بس أنا فعلا بشوفها كده والله.

- انت ممكن تطبقها واير فريم في ناس بتفكر بتصنف ان اليو آي هو عايز يديد الواير فريم. الموضوع فيه أقوال كبيرة يعني. في الأول وفي الآخر انت بتطلع حاجة ملموسة قدامك بتحركها وتمشي فيها فلو معين بيقدم فيها بروسيس يعني. بس بالضبط كده.

- فأنا بقول اننا مثلا ممكن من الواير فريمز دي أو السكيتشز اللي احنا بنرسمها بإيدينا نطلع منها بروتوتايب. ان انا أقولك هتطلع من الخطوة دي للخطوة دي وتبدأ تتفاعل مع الأيديا دي تحديدا. بالضبط دي وارد ان يكون فيها مشاكل؟ أكيد وارد ان يكون فيها مشاكل. طيب هل هرميها؟ لا. أخد فيدباك واتريت واعدل واطلع بروتوتايب تاني واتريت واطلع بروتوتايب تالت لحد ما أوصل للسسفكشن بوينت اللي هو نسخة مرضية بالنسبة لكل التيم اللي شغال. هل هي أكيوريت بنسبة 100%؟ لا برده لا.
هل هي تترامى؟ آسف يعني برضه لا. أنا لسه معرفش. طيب هنعرف ازاي؟ بردو لا أنا لسه معرفش. طيب هنقف إزاي إن احنا البروتوتايب بتاعنا اللي ممر بأكتر من خطوة وأكتر من ستيب هو فاليد ولا لا؟ أكيد لازم أتست. أنا طلعت بروتوتايب خدت منه فيدباك عملتله تاني وخدت منه فيدباك وطلعت منه التالتة وخدت فيدباك طلعت النسخة الرابعة. يلا بينا نجرب.

طيب دي خمس خطوة وهي التست. في مرحلة التست أنت كأيمن تفتكر إحنا هنروح نيتست مع نفس الأشخاص اللي طلعوا النتيجة دي من البروتوتايب ولا أخدها وأنزل بيها لليوزر اللي أنا قعدت معاه في الأول وقلت له أنت عندك المشكلة في واحد اثنين تلاتة اربعة تعال بقى نحاول نشوف إحنا حلينا المشكلة دي إزاي. تفتكر من فوق من الأصح إن أنا أجرب معاه؟

- والله هو الموضوع اللي هيتطبق يوزابيليتي تست. فأنت هتروح تطبق الناحية التانية مع الناس اللي أنت ما قعدتش معاهم، اللي هو كنت قعدت معاهم في الأول. ففي ناس ممكن تروح تجيب ناس إكسبيرت وتست معاهم وتشوفهم هيعملوا إيه، بس برضو غير اللي كانوا موجودين في التيم. فالموضوع مختلف برضو حسب الشركة جاهزة إزاي. هتجيب ناس يوزابيليتي من بره وتعملهم انترفيوز وهانتنج وكذا، ولا هتشتغل مع الموضوع إزاي. الموضوع يبقى نسبي شوية حسب حالة كل شركة.

- أكيد أكيد بص هو في العموم أي بروسس في الدنيا هي ولا قرآن ولا إنجيل يعني مش حاجة منزله من السماء قابل إن هي تتغير، قابل إن هي تتعدل، قبل إن أنا ممكن أسكيب ستيب وأكمل في اللي بعدها وممكن ما أعملش سكيب وأخذ البروسس من أولها لآخرها. بس لو تفتكر إن أنا أول حاجة اتكلمت معاك فيها في الأول، هي إن الكور عندي هو اليوزر نيدز إن احنا بنحل مشكلة للأشخاص. فالأولى إن أنا لو هجرّب عشان أفليديت السليوشن ده بيحل المشكلة ولا لا وبيقابل النيد ولا لا إن أنا أروح أتيست مع الناس اللي أنا جايب منها إنسايتس من الأول طبعا؟

تعال بقى ندخل مع الناس دي. إنت كان عندك مشكلة في الحاجة الفلانية وكنت بتجرب وكنت حاسس بكذا وكنت بتجرب وعملت كذا وقلت كذا وكان الفيدباك بتاعك وإنت بتجرب قلت عملت وسويت قعدت تحكي له السيناريو اللي هو مر بيه في الأول. طيب إيه رأيك بقى لو إحنا جينا نجرب سليوشن جديد؟ بص ده السليوشن الجديد ممكن تحاول تطبق نفس الخطوات اللي إنت كنت محتاج توصل بيها الأوبجيكتيف بتاعك أو الهدف بتاعك على برودكت جديد.

والله إحنا هنبص نشوف الدنيا تمام كملنا بيه مش تمام. فأنا هبدأ أخذ منك فيدباك وأبدأ أعرف منك إيه المشاكل اللي قبلتها وأعمل معاه نفس اللي عملته في الأول. أتفرج عليه، أوبزيرف، وجرب، وشوف بيقول إيه وبيحس بإيه وبيفكر إزاي، إيه اللي بيحمسه إنه هو يشتغل في الحتة دي، إيه اللي أحبطه، إيه اللي خلاه هو يسيب الخطوة دي خالص ويخش على الخطوة اللي بعدها.

لو إحنا مثلا بنقول على حاجات بتتم في أكتر من خطوة، يعني إنت بتجرب معاه كل السيناريوز اللي هو جاله استاك فيها، اللي هو استاك فيها في الأول. بتبدأ إنك تمشي معاه نفس البروسس بنفس الطريقة وتجرب معاه البروتكت بعد ما تحسن، بعد ما جددت فيه، بعد ما طلعت له البروتوتايب الأخير أو إنت بتست معاه أوريدي بروتوتايب دلوقتي. فبتبدأ تقيم معا الموضوع ومن هنا بتبدأ تاخد منه فيدباك.

يا إما هتProceed للنسكت استب، يا إما هترجع خطوة تانية وتعدل حاجات بسيطة وترجع له تاني. وبرضه هناخد منه فيدباك ونقترض معاه وهرجع تاني لحد ما أوصل للبوينت اللي أنا خلاص، أنت كده حليت لك مشكلتك. ساعدتك إن أنت ما تبقاش مستك في الستيبس اللي أنت وكنت بتقع فيها قبل كده. فحسنت لك الإكسبيرينس، حسنت لك اللينجوش اللي بتكلم بيها، قلت لك الإحساس اللي أنت بتحس بيه أوريدي أصلا بقى ألطف وأخف من قبل كده.

فأنت في حد ذاتك هنا بدأت إنك خلاص بدأت تقول له أنا حل مشكلتك. هو هو يجرب ويكرر. طيب جرب وكرر ووصلنا للسيدسفاكشن بوينت والدنيا تمام وكل حاجة زي الفل. نيجي بقى للنقطة الأخيرة اللي الناس تقولك شوية هي ضمن الديزاين ثينكينج بروسيس أو لا، وهي مرحلة الإمبليمنتيشن. إيه الإمبليمنتيشن؟
- ان انا خلاص قفلت معاك كل حاجة الدنيا كلها تمام زي الفل.
يلا ننفذ بشكل أكبر يعني لو هنتكلم بلغتنا احنا هنبدأ ان احنا ندخلها بقى ان هي تدخل development وبعد كده تطلع من development للQC ويتست وبعد كده تطلع production وبعد كده ندخل بقى في الanalytics وهكذا.

بس في الخمس خطوات اللي في الأول انت هتلاقي نفسك ما صرفتش كتير كت تكلفة فلوس وده برضو عامل مهمة جدا لأي شركة وأي product. وفي نفس الوقت ما أخدتش وقت كبير انك تطلع البروتوتيب. بمعنى انت عشان تطلع بروتوتيب يا أيمن ممكن تاخد من الأول يومين تلاتة أربعة ماكسيموم أسبوع صح؟

- صح.

- لكن لو أنا جيت أقولك يلا احنا هنعمل الفيتشر دي implementation داخلة back-end وfront-end وtesting وproduction وتخش لها في شهر وشهر ونص ما كانش أكتر.

فهنا ندخل بقى البروتوتيب اللي احنا عملناه تست والحاجة طلعت valid ومظبوطة والدنيا تمام. ندخلها بقى في implementation عشان الناس تبدأ ان هي تنفذها على أرض الواقع بشكل حقيقي وبعد كده تبدأ ان انت تطلعها أو تعمل publish لالusers بتوعك.

دي بإيجاز الست مراحل اللي بنعدي عليهم. لما احنا جينا في الأول قلنا ان كل خطوتين هنعملهم جروب لوحدهم. كنا قولنا ان أول خطوتين اللي هي الempathize والdefine احنا قولنا ان احنا بنفهم المشكلة فاحنا هنا بنعمل understand. لما جينا دخلنا من التالت والربعة ان احنا بنعمل ideate وprototype فاحنا كنا بنفكر بنستكشف بنexplore. يعني التالت والربعة اللي هي ideate والprototype احنا بنعمل exploration بنتفرج بنشوف ها ينفع آه يلا نجرب يلا نشوف وهكذا.

طيب أخر خطوتين اللي هي التست والimplementation هي انك بتعمل materialization يعني اللي هو بتحققها على أرض الواقع انت بتوجدها فعليا من مجرد ان هي فكرة ورسم وسكتش بقت حاجة موجودة في إيدك انت بتطبق عليها في الproduct عندك تمام كده؟

- تمام.
خلينا بقى نرجع انت قلت البروسس كلها بالتفصيل وماشاء الله يعني كل حاجة بس في شوية نقاط بيوقفهم الناس شوية في النص. يعني دايما في ناس عندها مشكلة مع موضوع iteration وأنا هغير في الموضوع. أنا حطيت الlist of features بتاعتي وعملت define للمشكلة وخلاص هو لازم iterate. في ناس عندها مشكلة ان هي بتغير مع ان برضو المنطقي ان لازم يحصل iteration في البروسس وانت ماشي. أكيد هضبط تطوير من فهمك انت للمشكلة على مدار البروسس من أولها لآخرها. يعني أكيد بعد أسبوع شغل الموضوع اختلف عن أول يوم.

ففيه ناس عندها مشكلة مع موضوع iteration هو أنا هغير ليه؟ انت فاهمني؟

- أنا فاهمك. بص الفكرة هنا انت قابل للتغيير أو قابل انك تجدد في iterations ولا لا دي بتتوقف على الأشخاص كأشخاص مش كprocess. بمعنى.

- أنا بتكلم على الأشخاص تمام؟

- هو الصح انك iterate. أنا أخاف لو ما مطلعش iteration يعني أنا حرفيا من الأشخاص اللي والله لو ما حصلش iteration مرة واثنين على الdesign أخاف. لأن أكيد أكيد في حاجة وقعت مني أكيد في حاجة أنا مفهمتها غلط أكيد في حاجة أنا ما طلعتهاش كما يجب أن تكون.

الsecond eye لازم تطلعلك iteration لو ما حدش طلعلك iteration وأول ما يشوف يقولك الله جامد وبرافو يلا طلع هو ده. ياما عايزك تنزل من على دماغه مش فضيلك مش عايز يطلع feedback ومش عايز يتعب دماغه ومش عايز يفكر. مفيش أي سبب منطقي يخليني أخاف أو أكره ان الحاجة يطلع فيها iterations. فالiterations دي صحية جدا جدا جدا. احنا لازم لازم لازم نسمع لللي حوالينا وخصوصا انك مش بتdesign لنفسك. انت مش مقياس. انت شخص جامد وعندك knowledge كويسة وdesigner ما بتغلطش في عين كل الناس. لكن بينك وبين نفسك انت لازم تتقبل النقد بشكل يعني مش عايز أقولك ان انت لوانت 80 في 90 في المية designer خلي 40 ولا 35 في المية منك تتقبل النقد. انت لازم تتقبل النقد عشان تطور. تجدد انت دورك ان انت بتجدد. انت دورك ان انت بتسهل. دورك ان انت بتحسن. مفيش حاجة بتطلع احسن حاجة من اول مرة. مفيش حاجة بتطلع كما انزلت او كما يجب ان تكون من اول مرة. ما انت مش ساحر.

فقصة ان انت تتقبل التغيير في حد ذاته دي بوينت كويسة وستريت بوينت ليك يعني دي نقطة قوة فيك. لكن الناس بقى اللي هي بتقولك لا انا بتصميم تعبت فيه وقعدت وعملت. انا كان المانجر بتاعي كان يقوللي وينصحني يقوللي لما توصل لبوينت علي على نفسك فيه يعني انت بتخيل انك بتعلي على نفسك. اللي هو انت مش مستني حد ينتقدك. لا انت هتنتقد نفسك وتحسن في اللي انت اشتغلت عليه مرة في التانية في التالتة في الرابعة. اكيد هتشوف دي لا دي مكانش ينفع تعمل كده. لا تصدق لو كان السيناريو بيشي هنا بالطريقة الفلانية كان ايه اللي هيحصل. طب لو انا كنت وصلت لو انا زودت مثلا زودت داتا قللت الداتا هيحصل ايه. انت فاهم قصدي؟

انت برضو طول ما انت ماشي وبتجرب بتشوف الديزاينز بتاعتك. انت عينك بتقع على مش عايز اقول اخطاء بس ممكن تكون حاجات سهو. ممكن حاجات لان انت اول ما تقعد قدام الديزاين انت عينك بتبقى familiar بيه بنسبة كبيرة جدا. فانت مش عارف تشوف فيه اي حاجة وحشة او حاجة غلط. فعشان كده بتستعين بحد من زميلك. بتستعين بمديرك. بتستعين من حد من التيم معاك نفسه سكند اي كده يبص على الحاجة بنظرة انت مشفتهاش بيها وتسمع منه وتقول له اه صدق عندك حق. طب ما تيجي نجرب. جايز انت تكون انت صح. يعني جايز تكون الحاجة زي ما غلطت معاك من اول مرة وطلعت صح. وجايز ما تبقاش احسن حاجة. فتبدا انك تعيد. اه لا ده انت عندك حق صدق انا ماخدتش بالي من الموضوع ده. طيب احنا ممكن نطور فيه ازاي؟ طب ممكن نعدل فيه؟ طيب بص خلينا نجرب ابروتش تاني او ستايل تاني ونرجع تاني نبص.

بص كمان دي من الحاجات اللي انا نصحت بيها وما زلت بنصح بيها.

- طيب بص يعني فيه نقطين مهمين:
الخلط ما بين الdesign thinking process والUX process سواء كان الdesign sprint سواء كان الdouble diamond او اي ان كان الجزء ده.
وفيه جزء تاني دايما كنت بتسأل فيه هو لو انا لوحدي في شركة في شركة انا شغال فيها UX designer اعرف اشغل بقى الprocess دي.

دايما انت قلت وفيه ناس هتدسكاس معهم ازاي وانا عملت ده ازاي. خلينا ناخد الخطوة الاولى بالخلطة ما بين الdesign thinking process او methodology مع الUX process والتفريق ما بينهم. وهم الاتنين واحد بيؤدوا نفس الغرض ولا هم عكس بعض. الخلطة ده بيكون ازاي؟

- لا هم في وجهة نظري الشخصية هو مش عكس بعض خالص بالعكس انا شايف ان هم بيكملوا بعض. او من انت تحس انه هو من نفس الحاجة بس مسمى مختلف شوية.
بمعنى انت في الUX process العادية انت اول حاجة بتعملها بتجزر الinformation من الPM او الPO اللي عندك مظبوط. وانك تقابل الclient لو في امكانية انك تقابل الclient عشان تفهم الobjective ان الproduct بتاعه او الفكرة بتاعته كلها هوعايز يعمل ايه.

انت بتتكلم معاه عشان تفهم اصلا انت محتاج تعمل ايه وهل اللي هو محتاجه ده صح ولا غلط. هيفيد ولا لا. هيكسب ولا لا. الحاجات دي كلها من غير ما تعمل اي حاجة في الUX. انت بس كل دي discussions بتcollect منها requirement وبتجمع منها ده صح كده تمام.

تعالوا ناخد نفس الجملتين دول ونروح بيهم على مرحلة الempathize. الempathize اللي بيحصل بروح اقعد مع client او user وقوللي انا عندي مشكلة معاه. وبرضو الclient اللي جاي لك في الUX process العادية هو جاي بيحل مشكلة. فلحد ما الاتنين فعليا بي match بعض جدا.

اللي هو يحس ان هي بس اختلاف مسميات بس هي كmethodology هي way of thinking هي طريقة لحل مشكلة. حتى برضو بالرغم ان الUX process نفسها برضو هي خطوات لحل مشكلة ما بس بتكون لحد ما متخصصة شوية ومعمولة personalization كده للproduct designers.

- يعني لو هنفرق ما بينهم في مصطلح واحد هقولك مثلا امتى تستخدم الdesign thinking وامتى تستخدم الUX process؟

- بصراحة انا شايف ان الdesign thinking هي بتكون افيد في الحاجات اللي محتاجة تيم ومحتاجة discussions كتير وفي نفس الوقت بتكون فيها اكتر من stakeholder.

أنا ممكن في الديزاين ثينكينج أجيب البرودكت أونر وممكن أجيب ديفيلبر وممكن أجيب حد من التيوسي وممكن أجيب ديزاينر وممكن أجيب مانجر وممكن أجيب أعمل رول في الديزاين ثينكينج.

اليو اكس أعتقد أنها بنسبة كبيرة بتتم بشكل فردي شوية. يعني كالتيم ديزاين يقولك أنا هعمل ريسيرش أنا هعمل يوزر فلو أنا هعمل واير فريمز أنا هعمل انفرميشن أركتكتور وهكذا. بتحس أن الموضوع هنا بيرسونالايز شوية اللي هو ده بتغعى اليو اكس ديزاينر بس شوية.

لكن في الأساس في الديزاين ثينكينج لا أنت بتكولكت من كل اللي حواليك. كل الناس بتسمع منهم أراء الصح والغلط السهل والصعب اللي ينفع واللي ماينفعش. فاهم قصدي؟

وبتشوف الديزاين بروسيس واليو اكس بروسيس بتكون لحد ما التايم لاين بتاعها أكبر شوية. ليه؟ لأنك بتعمل بقى كومباتيتف أناليسز وبتفرش وبتدور وبترجع بانسايتس مع البيم وبترجع تاني تدور تاني وتعمل البروسيس دياتك بتكمل فيها الستيبس عادي. لكن هنا أنا شايف أن الجزء بتاع الديزاين ثينكينج أنت مثلا بتاخد بروبلم واحدة فيتشارز صغيرة وبتبدأ أن أنت تحسنها تطورها بتاخد انسايتس من ناس حقيقية قدامك تتكلم مع باقي التيم مش بس ديزاينرز فأنا شايف أن الديزاين ثينكينج بروسيس بتكون أسرع في رتمها شوية وملمة بأشخاص وستيكولدرز أكتر بكتير من اليو اكس بروسيس.

برضو ده برضو رأي شخصي يعني ده قناعة شخصية مش هو ده اللي الكتاب بيقوله والعلم بيقوله.

- أيوة أيوة طيب يعني كده في سؤال تاني احنا كنا بنتكلم فيه فأنت جاوبت عليه ضمنيا اللي هو أشتغل لوحدي بالديزاين ثينكينج فينفع أطبقها لوحدي ولا لأ ولا أخليني في الديزاين سبرينت مثلا ولا الديزاين دايموند ولا إيه فالفهمت من كلامك أن احنا ممكن نخلي لو أنت بتعمل حاجة كبيرة فيها ناس كتير بتشتغل في سيتويشنز مختلفة سواء كان البوزيشن بتاعهم إيه من أول الاستيكولدر لحد التستنج فأنت بتشتغل على حاجة كبيرة فالديزاين ثينكينج شوية بتفت للمشاريع الكبيرة صح كده؟

- بالنسبة كبيرة فعلا ده حقيقي.

- طيب هل دلوقتي لو أنا ما طبقتش الديزاين ثينكينج وبقى ماشي صح وروح أطبق اليو اكس بروسيس يعني هل في حاجة معينة أو جاي تقولي لا روح يطبق الديزاين ثينكينج لا سيبها وروح أطبق الديزاين سبرينت بعيدا عن الديزاين سبرينت حاجة فايف ديز بروسيس إحنا تمام كتعريف ليها ولكن إمتى أروح إمتى توجه فهمت قصدي؟

بعيدا عن حجم المشروع هل في جايد معين تكنيكال ممكن يساعدني أن أنا أتوجه لسؤال يعني أن أنا روح للبرسس دي طريق ده أو الطريق ده هل في حاجة ممكن تفرض علي ولا هو بس حجم الفيتشارز اللي موجودة في المشروع؟

- لا بصراحة معنديش حاجة سوليد أقدر أجاوب بيها على المعلومة دي لأن أنا كنت شايف أن اللي هم الاتنين بيقولوا بنفس الدور بنفس الوظيفة إلا باختلاف حجم المشروع دي احنا استبعدنا لكن الفكرة كلها أن أنا الهدف أو الأوبجيكتيف بتاعي أنا كمصمم أحل المشكلة هتحلها فيه واحد بيشتغل مثلا لو ادتك أنا مسألة في الفيزياء ممكن أنت تروح تدور على قوانين وتشتغل بالقوانين وتنفذ حليت المسألة وفيه ناس بتاخدها مثلا باللوجيك اللي هو بالمنطق لو أنا عملت الستيب كذا والستيب كذا والستيب كذا فأنا حليت نفس المسألة فهي أكتر من طريقة أقدر أحل بها نفس المسألة بس دي الفكرة كلها أنت بتفضل مين فيهم؟

- يعني هنقول أن هي مدارس؟

- يعني بالنسبة 90% أنا شايف أن هي مدارس فعلا صح.

- طيب لو حد عايز يذاكر حاجة معينة في جزء البروسيس ده ويفهمه كويس بحيث أنه يبدأ حتى يطبقه سواء على الديزاين أو على غير الديزاين هل في مرجح معين، لوج معين، فيديوز شخص اهتم بالتوبيك ده بشكل عام أنت شايفه؟

- فيه أنا كنت مذاكر الجزء ده من Interaction Design Foundation تحديدا فيه لسن كامل بيتكلم فيه بس عن design thinking process وفيه أرتكل على إنجم جروب برضو موجود ده ملم بكل تفصيلة من تفاصيل design thinking process دول أكتر اتنين أنا برشحهم بعيدا فيه فيديوز كتير وفيه فيديوز عربي وإنجليش بس أنا برشح دول لسبب إن هم دخلين ديبلي جدا في المعلومة يعني ماسكين كل ستيب ومفسرنها وضربين بيها أمثلة والحاجة بصراحة طلع منهم زي ما احنا بنقول كده بيننا وبين بعض عظمة

- عظيم عظيم جدا. طيب استأذنك بس الحاجات دي نبقى نضيفها في الديسكريبشن فهتبعتهالي عشان نزلها للناس.

- أكيد. بس أحب أسألك سؤال بسيط بما إن احنا كده كده نتكلم على الديزاين ثينكينج، تفكر إن دي خطوات بتمشي بالترتيب ولا ممكن أسكيب خطوة وأرجع لخطوة قبل اللي فاتت وأمشي ما بينهم ارتشنير كده وبشكل عادي ممكن أتنقل بين أي ستة ما بينهم تفكر؟

- الجزء ده أنا كنت بشرحه في محاضرة من يومين امبارك. في ناس كتير بتبقى شايفة عارف اللي هو احنا واخدين كورس جوجل. فكانت المشكلة بالنسبة لي فين؟ إن الناس عايز تمشي على البروسيس بالحرف ما ينفعش تعمل إتيريشن.

احنا هنخلصها ونلف من أول الطريق ما ينفعش نرجع نعمل حتة تاني ونشتغل في النص. ولو ما مشيلاش على البروسيس بالعافية يبقى ما مشيلاش. ولازم نعمل سيرفيه ويوزر انترفيو ويوزر بليتي وكده.
الناس مش مدركة رقم واحد هو المشروع محتاج ده زي المقولة اللي كان بيقولها ماتيز سوراتيه: بيقولك لو عندي بروجيكت هاخد 60% من وقت المشروع أفهم إيه المشكلة؟

فا في فهم من المشكلة دي بتحدد احتياج الميثود اللي أنا أستخدمها. أين كان اسم البروسيس اللي برا. فالمشكلة اللي هتظهر قدامي ممكن تخليينا اسكيب حاجة ممكن تخليني في حاجة معينة ما عملهاش لظروف البزنس. كده احنا في الاستراتيجية بنبص على ثلاث عوامل:
عندك بزنس. وعندك الماركت. وعندك اليوزر كسيندر بوينت موجودة عندك بتفوكس عليه.

بس انت برضو بتخضع للبزنس وبتخضع للماركت والقوانين بتاعته والديزاين باترن. فأنا شايف ان مفيش حاجة ثابتة. يعني أنا وجهة نظري مفيش ولا حاجة ثابتة.
أنا لما بشوف حد عمل البورتفوليو بتاعه وحاطت نفس السكيدول أو نفس التبلو اوف كونتنت بتاع البريزنتيشن فكل المشاريع بتأكد انه فاشل.
مفيش مشروعين زي بعض. مفيش مشروعين هيمشو بنفس البروسيس بنفس البينبوينتس اللي طلعت بنفس الروزولت اللي خلتنا نروح للستيب اللي بعدها أو الميثود اللي بعدها. مفيش مشروعين زي بعض من وجهة نظري.
أنا شايف ان كل حاجة مختلفة وكل مشروع ليه ظروفه سواء من البزنس سواء من حيث التنفيذ كماديات وكسوفتوير وكل حاجة سواء من الماركت نفسه كجايتلاين.

انت ما بتحكمش ال احنا مش بنعمل بوستر مش حاجة جمالية وبس. بس ده ده ده..

- اتفق معاك جدا صح كده فعليا هي البروسيس عموما بتكون فليكسبل. اللي هو أنا محتاج ايه هنا هنفذه. مش محتاج دي مش محتاجها. اللي هو البرودكت مش محتاجها لا أقدر اسكيبها عادي. مش مشكلة خالص. مش هاغلط في حد محدش يزعل مني. فأنا معاك جدا ورأيي من رأيك 100%.

- يعني فكرة الناس تمسكهم بالبروسيس وأنه أساسا لازم يعمل البروسيس كلها عشان يبدأ من يعني مش لازم عشان تعمل ريسيرش وتكتب أنك عملت ريسيرش أنك تروح تعمل يوزر انترفيو. أنت ممكن تروح تفاليديت بيوزبيلتي هيرستيك.
بتشوف هيرستيك ايفاليويشن وتقييم البرودكت الموجود عندك وتطلع شوية المشاكل وتطلع لهم حل. خلاص خلاص مش محتاج حاجة تاني.

لو عملت حاجة تاني زيادة لما حد بيجيلي في انترفيو عملتها ليه؟ قولي الخطوة دي كان ايه فايدتها؟ في ناس أنا بشوفهم بعد ما بيخلص اليو اي يقولك عايزين تول تحولنا اليو اي ووير فريم فنكبر البريزنتيشن يعني بتعمل انت فاهم هو فين؟ احنا ورا خالص والله.

فأنا بتعامل مع الموضوع اللي هو سؤال دايما. بجد دايما من أكتر الكلمات الناس بتقولها علي في الكورسات بيتريقوا بيها كده بنحاول نهزر بيها كلمة ليه؟ أنا كل ما حد يقوللي حاجة ليه؟ ايه فايدتها؟ ليه؟ هتتعامل ليه؟ ايه الهدف؟ بس.

- جميل جدا. بس زي ما انت قلت بس.

- اذكر كام مرة ذكرت كلمة بس في الحلقة.

- طيب أنا هذكر حاجة لطيفة. انت حاليا ذكرت جملة كده اللي هي الهيرستيك ايفاليويشن. حد اتكلم عنها قبل كده معاك؟

- لا.

- حلو جدا. ما تيجينخلي الناس هي تقولنا رأيها يعني ايه هيرستيك ايفاليويشن؟

- تمام.

- بس كده.

- بس خلينا نخلي الناس تقول إيه رأيها وإحنا المرة الجاية ندبس عمرو في ريكورد تاني وييجي يسجل معانا في الحلقة اللي جاية هو اللي سلم نفسه خلاص أنا وافقت أنا وافقت والناس وافقت خلاص.

- طب أعلي شوية على نفسي؟

- أنا معاك تحب نعملها أيفينت أوفلاين أنا معنديش مشكلة.

- أنا برضو معنديش مشكلة بس أقولك على حاجة التلاتة اللي هيشرحونا أحسن شرح يعني إيه هيريتيكال بالرويشن وإيه هي الخطوات اللي بتتم عليها:
تلاتة أشخاص ليهم سبسكريبشن سنة مني على منصة ينفع على كل الكروسات اللي موجودة. هل ده ممكن؟

- ده إحنا كده خلاص ده جايزة. أنا هشرحلك بالكومنتات وهدخل الناس اللي معايا يشرحوها وأقدمها لك.

- تلاتة أشخاص هيكسبوا سبسكريبشن لمدة سنة على منصة ينفع كل الكروسات فور فري مني. بس يكون إحنا برضو هنحط رأيهم واللي هم فاهموه واللي هم شرحوه والناس هي برضو اللي هتفوت تمام.

عشان لحد ما ممكن حد يقرأ كلمة هنا ملقاهاش هنا فيستفيد وفي نفس الوقت الناس تبقى هي اللي مقررة مش إحنا اللي مقررين ماشي.

- أنا معاك اتفقنا جدا مسابقة جوا حلقة وحاجة يعني عظيم تمام.

- لازم نكون مختلفين.

- إحنا هنجيب ده أول مرة تحصل بصراحة أنت أخدت المارك كده تمام ماشي.

- اتمنى أننا نكون فعلا هقدم يا رب يا رب يكون حاجة مفيدة للناس واكون ضيف خفيف عليكم وعلى الناس اللي هيسمعونا إن شاء الله.

- ربنا يكرمك يا عمرو وأنا بشكرك والله على الحلقة دي وبشكرك أنك شرحت البروسيس دي وفوايد كل حاجة من النقاط اللي فيها. زي ما قلتلك في مشكلة بحب أقول دايما في مشكلة دايرة بين الناس فالنقطة اللي فيها جدل كبير.

فأنا بشكرك على وقتك وعلى الكلام اللي أنت قلته وأكيد هو أول تواصل ما بيننا بشكل عملي إن شاء الله مش هيكون الأخير ويكون فيه تعاون بيننا بإذن الله يكون مفاجأة بقى هو جيه في بالي دلوقتي بس يكون مفاجأة للناس إن شاء الله.

- إن شاء الله يا رب شكرا جزيلا يا إيمن وشكرا لوقتك وأتمنى أن أنا فعلا أكون ضيف خفيف وأتمنى أن تكون المعلومات اللي أنا اتكلمت فيها دي تكون بتوفيق من ربنا مفيدة للناس.

ولو في أي يعني غلطة ولو صغيرة أو كبيرة فهو سهو مني مش الحاجات اللي هنتكلم فيها هي مش حاجة منزلها إحنا مجرد أراء وبنتكلم بشكل بسيط عشان برضو ده قال ده عمل ده الرفرانس.

فأتمنى أن أنا أكون أفدتكم وأفدت الناس اللي هتسمعنا إن شاء الله وأنا فعليا اتشرفت جدا جدا بمعرفتك على المستوى الشخصي وعلى المستوى العملي ده شرف كبير لي ودي حاجة فعلا أنا أعتز بيها.

أن في سيشن ليه أنت اللي بتحاورني وبتتكلم معايا فيها ده حاجة عظيمة ووسام على راسي والله.

- على راسي والله عمرو شكرا ليك جدا وإن شاء الله نقابل الشخص اللي عرفنا على بعض ونعزمه إحنا الاتنين بإذن الله.

- إن شاء الله شكرا جزيلا.

- شكرا ليك يا عمرو.

- السلام عليكم.