الحلقات / الحلقة #20 / ريادة الأعمال
كريم تركي
هنتعرف في الحلقة دي على شخصية ناجحة وطريقة تفكيره من البداية.. وازاي قدر يوصل من كونه شغال عند حد لصاحب بزنس كبير تحته عدد كبير من الموظفين؟. الحلقة دي هدفها مش بس نتعرف على شخص كريم تركي! ولكن كمان نعرف أراءه ووجهة نظره بخصوص الـ UI/UX وتأثيره على نظام شركته؟
في اوقات كتير اصلا انا مازلت بشتاق لصنعتي اللي والدي الله يرحمه علمهلي في المصنع بتاعنا و وقفتي على المكنة. بشتاق ليها. انت عارف اللي هو.
بتحب تحس لا احس في لحظه وانا قاعد كده ان انا عايز اقوم دلوقتي اشتغل.
- بس شريحه كبيره من الناس عايز اعمل موقع ايكومرس موقع زي نون زي امازون يلا بينا منتجات add to card وخلاص الخمس ست صفحات اللي بره دول مش تقليلا منهم بس احنا بنتكلم عايزين نفوكس على الجانب الاخر اللي هو الاكبر الباك اوفيس مرعبه في الايكومرس.
- طبعا.
- تمام فايه انواع الانظمه او الموديولز اللي موجوده جوه سيستم الاي كومرس بتعمل ايه؟
-كذا حاجه يعني.
في فيها مشاكل مشاكل انا ما بحبش الشخص اللي كل شويه ليه مشاكل ام بحب الشخص دايما اللي عنده.
- وقعت في حد ذي ده قبل كده.
- اه طبعا طبعا يعني ماشي.
- طبعا انا خدت بقى التجربه بتاعه الربح والانترنت دي كل ما ادخل امشي، مش شغاله يا مولانا مش جاي مش جايبه مش جاي امشي ورا الفيديو اللي بيتقال بقف عند مرحله مفيش بقى مش لاقي التكمله بتاعتها بدور كتير مفيش، لحد ما لقيت الجزء رحت اتعلمت اخدت الكورسات.
فاصبح ان انت هنا بتلعب في حته محدوده او حته فيها بعض المشاكل دي اول حاجه، يبقى احنا التوزيع الجغرافي للمحافظات في جمهوريه مصر العربيه مشكله سبب من الاسباب، لان انا مثلا النهارده المندوب عشان يدخل قريه في الصعيد ما بين كل قريه وقريه قد ايه وعشان يدخل جوه ممكن يخرج ولا لا وهيخرج ازاي وهيدخل من اني حته، اه يعني هيدخل من اني شارع ويوصل لانهي بيت ماهو مفيش استراكشر هناك مفيش بنيه تحتيه.
- الناس مفكره ان هي كلها مدن واحياء.
- لا مفيش الكلام ده احنا بنتكلم في قريه البيت في البيت في البيت في البيت في البيت مافيش ارقام.
- الموظف يدور ان هو يهاك السيستم عايز هو فاكر ان هو عايز يرايح دماغه.
- عايز يشغل دماغه.
- خلاص هو لا هو عايز يريح دماغه فهو لما فهم سيستم كويس قوي لقى له ايه سكه.
- في الحلقات اللي فاتت من البودكاست اتكلمنا عن التصميم مع ناس شغاله في التصميم بايديها او خبراء في مجال التصميم بشكل عام user experience او كproduct design المره دي هنبدا نتكلم من ناحيه ثانيه، فكره العميل نفسه بيبقى شايف الموضوع ازاي خاصه لما يكون العميل متمرس في المجال بتاعه وخاصه اكتر في مجال هو من اكثر المجالات طلبا للناس اللي بتشتغل في اليوزر اكسبيرينس بشكل عام وهو الايكومرس.
هنتكلم عن كل الانظمه اللي موجوده في الايكومرس العميل محتاج ايه؟ اليوزر اللي في الاندستري دي بيكون محتاج ايه في المنتجات اللي هو هيستخدمها او في التصاميم اللي هو هيشتغل عليها؟
وهيكون معانا النهارده كريم حسين او كريم تركي ازيك كريم عامل ايه؟
- اهلا بيك حبيبي الحمد لله والله يبارك فيك يا حبيبي الله يكرمك.
- احنا نعرف بعض بقىنا سنتين تقريبا او سنه ونص تقريبا سنه ونص، كانت حسنه في وسط سيئات كتير الحمد لله.
- الحمد لله.
- يعني يمكن هي بجد كانت الحسنه الوحيده في الاكشن المشروع ان احنا اشتغلنا مع بعض، وسبحان الله يمكن انا ما كنتش، لما بدات المشروع ده ما كنتش اعرف ان انت اللي موجود فيه و وانا مش بأصر اقابل العميل أوي يعني غير لما يكون في مشكله، بس هي جت صدفه ان لا انا عايز اقابل صاحب الشغلانه.
الكلام ده كان بالنسبه لي ضحك فانا يعني انا مبسوط ان انا عرفتك ومبسوط ان انت معايا النهارده.
- وانا اكتر والله ربنا يكرمك.
- فخلينا الاول بقى، الناس فكرة انها تتخيل ان في كلاينت هو اللي بيتكلم عن التصميم او عن دوره او عن البرمجه او كده او ان انت ملم بالحته دي.
نبدا الاول بقى كريم وجاي منين؟
- انا جاي من بعيد قوي.
- اه ما انا عارف انا عارف والله بس هم عايزين يعرفوا بقى تقريبا.
- والله انا كنت اصلا بعيد تماما عن مجال او الاندستري بتاعه الايكومرس.
- عظيم.
- تماما كان شغلي كله على الارض في التصنيع مع والدي رحمه الله عليه من الصغر يعني في التجاره والتصنيع، دخولي للمجال حصل كده قدرا.
- يعني مكانش مرتب.
- خالص هو بس كان الموضوع من البدايه ان انا كنت في وقت ثوره الربح مع الانترنت، فاللي هو كيف تربح من الانترنت بقى، هي دخلت من هنا اللي هي فكره انا بدور ازاي اكسب.
- تقريبا انت الوحيد اللي اخدت السايكل التقليديه يعني تقريبا ماشي.
- انا مش فاهم بقى انا مش عارف حاجه، انا انا كان كل الشغل عندي على الارض بس البيز بتاعي كله على الارض تصنيع، تعامل مع الصنايعيه، ازاي اسعر منتج؟ ازاي ابيعه في السوق؟ كل الكلام ده والدي الله يرحمه كان هو بيعلمني الكلام ده وانا كبرت لقيته بيعمل كده.
فكرة بقى ان انا اشتغل حاجه ما يبقاش فيها مجهود بدني، ولان الصنعه بتاعتنا احنا كنا شغالين في الادوات المنزليه. والكلام ده كنا بنتكلم انا بدايه شغلي انا مواليد 90 بدايه شغلي مع والدي، 97 امم وانا وهو صغير يعني.
- فانت جاي الموضوع من تحت أوي.
- اه فاللي هو شغال معاه من البدايه فالشقا ده، الشقا والتعب جزء من شخصيتي ام جزء من من اللي احنا اتكوننا عليه ففكرة بقى ان انا اتحول من فكره المجهود البدني اكتر والقوه العضليه اكتر، ان انا يبقى لا في في في موضوع ثاني ابقى بتعامل اون لاين الموضوع فيه اختلاف ماركتنج .
- هو ده بيجيب فلوس؟
- حاجه كده يعني اصلا الموضوع يعني فضلت مستمر مع والدي فتره من الزمن لحد بقى ما وصلت لمرحله اي شاب تقريبا بيحب يوصل لها، اللي هي انا اعيش في جلباب ابي. عايز اطلع اشوف الدنيا بتقول ايه؟
- حلو.
- عايز يبقى ليا كارير اشتغلت مندوب مبيعات، كنت نزلت بوست عندي كده ان انا اشتغلت مندوب مبيعات او الدور.
كنت ببيع تيشيرتس حمالات كان عندي تقريبا 17 سنه تقريبا 17- 18 كده يعني.
- عظيم.
- وكانت الشركه في وكاله البلح.
- تمام.
- وكان طبعا الاعلانات وقتها كانت بتبقى على عواميد النور وظيفه بمرتبات مجزيه 1500 جنيه اه ماشي طبعا وفعلا كان هو كان مرتب كبير وقتها، رحت واشتغلت كنت بحقق تارجت وكنت بعمل فلوس انا ما كنتش تخيل ان انا اعملها.
يعني انا مثلا في اليوم ممكن ارجع في اليوم ب 100 جنيه وب 70 جنيه وبين جنيه.
- ده صافي ربح محترم.
- ده قوي جدا بالضبط بتتكلم لسه شاب عندي 17 سنه، انتقلت من وإلى واحنا بنتكلم ان المرتب المجزي كان 1500 جنيه.
- بالضبط.
- فانا بروح ب 80 و100 جنيه دبل، وكان طبعا يعني 100 جنيه تعمل حاجه تعمل حاجه كبيره.
- بالضبط.
- اشتغلت في الموضوع شويه حبيت موضوع المبيعات والله، الناس كانت دايما تقعد تقولي في وشك قبول انت شكلك كويس تعال هنشتري منك.
مكانتش ترتيب ولا علم ولا شطاره ولا بتاع هو الناس كانت بتشتري مني اللي هو شكل ابن ناس تعالى.
- ماشي.
- مش عارف ازاي؟
- ماشي.
- فبدات بقى اشتغل في موضوع المبيعات. الخلفيه بتاعتي طبعا خلفيه ان انا متربي صاحب مكان انا ابن صاحب المصنع.
- فانا عيني على البزنس.
- اه فانا مش هينفع افضل موظف، انا حتى كنت حد كان بيكلمني من فتره بيقول لي يا عم الموظف الكوفؤ، قلتله مش هينفع انا ماقدرش يعني انا لو جاللي وظيفه في مكان ما ايا كان والمرتب عالي انا مش هقدر.
يعني مش هقدر ابقى يعني، ودي مش عيب ان حد يبقى موظف.
- لا هي شخصيات.
- بس انا مش مش قادر ما بقدرش ابقى في حته كده متحجم فيها.
- ايوه ايوه انا عايز بقى صاحب الشغلانه بدورها.
- دي حاجه دي حاجه للاسف انا اتربيت عليها يعني. ليه بقول للاسف؟ لان احيانا لا انت محتاج يعني تحجم نفسك ام محتاج تبقى تبقى موظف في بعض الاحيان. ودايما صاحب البزنس اصلا في الاصل هو موظف.
- يعني في بدايه الشركة.
- اه طبعا في بدايه اي مشروع صاحب البزنس هو موظف عند عند الشركه ومش بس كده هو موظف اللي هو ابن الشركه فعلا حرفيا هيشتغل 12 و16 ساعه، بس الفرق ما بينه وما بين الموظف العادي ان انا بشتغل في مالي وبشتغل بكل حب وان انا عايز اوصل لحاجه. وعندي تارجت معين عايز احققه فده بيصب عندي انا.
لكن الموظف العادي هو راجل جاي بيأدي مهام قدام قيمه مقابل السعر وخلاص. تكلفه موظف عادي بالضبط ام قليل لما نلاقي بقى حته اللوياليتي والكلام ده بيبقى ليها خطوات تانيه.
اشتغلت في موضوع السيلز شويه عجبني يعني وكنت ماشي فيه سالك فيه كويس جدا.
- حلو.
- في النص دايما انا كان عندي طموح انا بحب اعمل حاجات كتير مع بعض.
- ماشي.
- فانا عايز اتاجر، انا من صغري والدي كان بيعلم التجاره.
- وانت بياع دلوقتي.
- اه فانا عايز اتاجر، بقيت اجيب ملابس الكلام ده مقلتوش كتير، بقيت اجيب ملابس واقف في اسواق امم وافرش حلو افرش في الارض وابيعادي وكل يوم اكسبلي 200 300 جنيه. عادي جدا كنت اقف في سوق في العباسيه ولحد وقت قريب يعني من ست سنين مثلا ولا حاجه خمس سنين حاجه كده يعني. ووقت كورونا كنت بنزل اوقات.
- حلو.
- في عز ما انا كنت شغال وبعمل بس كنت احب انزل في اوقات كتير اصلا انا ما زلت بشتاق لصنعتي اللي والدي الله يرحمه. علمهالي في المصنع بتاعنا و ووقفتي على المكنه. بشتاق ليها انت عارف، اللي احس لا احس في لحظه وانا قاعد كده ان انا عايز اقوم دلوقتي اشتغل ام عايز اقوم ادور المكنه واجيب الشغل واشتغله.
دايما كل كده كل فتره بحب ان انا انزل اشتغل بايديا عشان اشعر ان انا ما زلت موجود يعني.
- حلو.
- انا ما زلت انسان يعني اه، لحد ما جه في وقت من الاوقات كده شفت اعلان لكورسات للاعلانات ads على المنصات بقى جوجل ويوتيوب ومش عارف ايه والكلام ده.
طبعا انا خضت بقى التجربه بتاعه الربح والانترنت دي كل ما ادخل امشي ما مش شغاله يا مولانا ام مش جا مش جايبه، امشي ورا الفيديو اللي بيتقال ما بقف عند مرحله ما فيش بقى مش لاقي التكمله بتاعتها بدور كتير ما فيش.
لحد ما لقيت الجزء رحت اتعلمت اخدت الكورسات كان عندي خلفيه اصلا لان انا كنت بقعد اتفرج على فيديوهات كتير وعايز افهم ايه هو SEO او بقى وايه بقى مش عارف CPA وايه مش فاهم الكلام ده كله واجيب فلوس عايز انا عايز فلوس عايز اعمل حاجه.
- عايز ادور اللي يجيب الفلوس.
- انا عايز فلوس تنزلي على الراوتر، عايز فلوس ف دخلت الموضوع مشيت فيه كويس جدا اشتغلت ميديا باير دايما ببص على الموضوع من عقليه انا هعمل بزنس بده. طبعا اخطاء كتير بقى.
- و اه طبعا.
- مشاريع كتير بقى طول الفتره دي انا بختصر يعني في مشاريع كتير طول الفتره دي حتى وانا سيلز والكلام ده تقع وتقوم، طبعا خساير كتير وما زلت يعني انا لحد فتره قريبه انا كنت خارج من شراكه بالسالب مش بالصفر.
- لا ما انا عارف.
- فعادي اللي هو بس الفكره ان وقعت وقمت وقعت وقمت وقعت وقمت دخلت في موضوع الميديا باينج اشتغلت شويه واشتغلت كمان في السعوديه واشتغلت في مصر و واكتسبت خبره كويسه جدا كنت دايما طبعا الوقت ده ما كانش فيه محتوى زي الناس.
اه كان المحتوى كله اجنبي فبقيت اشوف الكورسز اللي موجوده بره طبعا واعتراف برده ما كنتش بشتريها انا كنت بنزلها مع التورنت.
اصل ما كانش فيه ما فيش ان انا اشيله ومافيش الثقافه دي وقتها عندنا ومش عارفين نعمل ده وخايف ادفع فلوس ما تجيش.
- اوكي.
- وخايف ادفع فلوس حد ينصب عليا ايوه انا مش فاهم حاجه فهنا ممكن تعمل download تنزل كورس اوكي هنزل كورس،
يلا بينا يلا اه انا مش فاهم حاجه بقى وانا خايف ادفع ف يعني اتعلمت اشتغلت شويه اشتغلت شويه كويسين وفرق معايا بشكل كبير جدا بقت انطلق يعني انتقل المرحله اللي بعدها،
كل ده وانا شغال سيلز انا اشتغل سيلز وجنب سيلز جنبها ميديا بايك. انتقلت عايز افهم بقى انتوا بتعملوا ايه انا بعمل اعلان بس وبيجيب نتائج كويسه.
- بس انا مش عارف الدايره دي اه بتمشي ازاي؟
- انا مارتاحش بقى غير لما اعرف بتمشي ازاي؟ ام فكنت شغال اصلا وقتها انا كنت باخد مرتب محترم جدا وكنت واصل لمانجيريال ليفل كويس جدا في السيلز.
عايز اوصل انا عايز افهم بقى انا عايز انا عايز افتح بزنس عايز انجح في حاجه عايز افتح انجح في في مشروع بتاعي انا بعيدا عن صنعه والدي دي برده.
برده اللي هو انا لازم اثبتله ان انا قادر اعمل زي ما هو عمل.
- تمام.
- فانا مش مسنود عليه ده طبعا كان فكري وقتها، عايز افهم بقى بيعملوا ايه ف سبت السيلز خالص سبت الوظيفه ورحت قدمت على وظائف في الشركات اللي شغاله في الايكومرس.
- ماشي.
- قدمت على وظيفه ايه موديريتور.
- موديريتور برده من تحت تاني.
- اه ماشي عايز افهم انا عايز ادخل الشركه انتوا بتعملوا ايه؟
- حلو.
- ما انا مش فاهم حاجه ماشي مش عارف انتوا بتعملوا ايه جوه؟ انا نفسي افهم. فالحمد لله ربنا وفقني اختصارا يعني الحته دي عشان حصل فيها احداث كتير ربنا وفقني واشتغلت في براند ما ا كان حظي الكويس ان المكان اللي احنا شغالين فيه والمخزن في نفس المكان.
- تحفه فده ملعبك بقى.
-فكنت بشوف السايكل كله بقى ماشي ازاي فاشتغلت في الموديريتور شويه عملت علاقات مع اصحاب البراند اصلا مع الناس اللي موجوده اتعلمت حاجات كويسه قعد قعدت مثلا ثلاث او اربع شهور.
فهمت بس كده صوره عامه للموضوع ماشي ازاي في حته الموديريتور والموديريشن وحتة ان انا برد على العميل ازاي وبكلمه ازاي وانا عندي باك جراوند ان انا شغال سيلز بس بعمل ده ازاي بقى اون لاين وامكس ما بينه وما بين الادز والكلام ده.
ما كانش عندي فكره عنه لحد ما رحت هناك فهمت السايكل ماشيه ازاي في الحته دي.
- حلو.
- ينقصني بقى الجزء بتاع المخازن.
- الاوبريشن بقى.
- هو الاوبريشن كله الحته دي بس المخازن شويه مش فاهم بتعمله ايه انا شايفه عمال يسكان ويعملوا وبتاع في حاجه غلط انا مش فاهم انتوا بتعملوا ايه بقى ومش هينفع ان ادخل اتدخل في شغلهم وكده.
كنت بفضل قاعد بعد ساعات الشغل اتفرج عليهم ام عايز اتعلم اكتر عايز افهم.
خلاص سبت الموضوع رحت اشتغلت عامل في مخزن.
- ثاني ماشي.
- تمام اشتغلت في مخزن ثلاث شهور تقريبا رحت من غير cv من غير اي حاجه. انا انا جاي اشتغل ماشي جاي اشتغل عايز افهم بقى فاشتغلت في المخزن فهمت كتير جدا كتير جدا من اللي بيحصل بقيت اربط بقى المواضيع ببعضها الflow كله ماشي ازاي؟
اقعد اسمع دايما مشاكل الشحن شركه الشحن عملت كذا، ده مندوب مش عارف ايه انا مش فاهم برده ام ما انا عايز برده افهم الكلام ده كله اصلا في وقت ما كانش فيه ال know how بتاعه الموضوع ما حدش كان بيطلع يتكلم فيها واحنا كنا كلنا على الله مش فاهمين اي حاجه خالص.
احنا لسه ما فيش اي مصدر تتعلم منه حاجه ما فيش مش لاقي حاجه كله بره مصر وطبعا اللي بره مصر حاجه واللي جوه مصر حاجه اه اللي بره مصر هو ال best practice بس جوه مصر احنا لسه خام ام طب انا عايز افهم فطلعت اشتغلت مندوب على رجلي. مع واحده كانت بتشغل مناديب معاها في المنتجات بتاعه may way. البيرفيوم والكلام ده.
- عارفها اه.
- كان عندها مخزن في مبابه كنت بنزل هناك واخد ال 10 - 20 اوردر واروح ان انا اوصلهم للناس.
لحد ما قلت انا عايز اعمل اول تجربه عملت اول تجربه وفشلت الحمد لله فشل ذريع الحمد لله.
-هي دايما الأولى كده.
- اه لا مكانش عندي مشكله كنت داخل عشان اخسر.
- ماشي.
- داخل انا مش فاهم حاجه داخل اخسر. انا قبلها اصلا كنت عامل حاجه affiliate كده صغيره تسويق بالعموله مع البراند اللي انا كنت شغال فيه.
- تمام.
- كنت بدخلهم شغل كويس جدا فطمعت، يعني انا قلت انا لم اكتفي بالقدر ده قلت طب انا اعمل المصلحه انا لنفسي. فلما طلعت هو انت مين بقى انت مين عشان التاجر ينزل لك بضاعه اساسا.
فده كان اول درس انت مين بقى امم انت اسمك ايه في السوق؟ مين عارفك؟ مين هيخاطر عشان يجي ينزل لك بضاعه في مخزنك؟ وهو ما يعرفكش اصلا ده اول درس تعبت فيه جامد.
- تمام.
- مش بالضروره عشان خاطر انت كنت بتخلي المسوقين يدخلوا عدد كبير في البراند اللي انت كنت شغال فيه، ان انت لما تشتغل بنفسك تدخل نفس العدد بالضبط.
- ممكن موظف بس مش صاحب شغل.
- درس ده ثاني درس. لا كمان الموظفين المسوقين مش هيثقوا فيك او ان انت المنتج اللي عندك مش هو نفس الاختيار بتاعهم. ثاني وثالث درس، ففشلت في التجربه طلعت منها شويه دروس قلت لا لسه عايز اتعلم تاني رحت عملت بارتنرشيب مع حد كده هو عنده هو شغال في الجزء ده، وانا دخلت معاه بالمسوقين كان عندي طريقه كده الناس بتعملها دلوقتي.
يعني الطريقه دي كنت انا ابدا اعلم الناس اللي مش فاهمه اي حاجه إن هما يشتغلوا مسوقين واخليهم يشتغلوا معايا. فانا كنت بكسب الناس دي ليا يعني.
- حلو.
- فانا كان اي يعني كان موضوع الاعلانات دي ما حدش كان يعرفها كنت اعمل بقى meetings وعلى زوم وادخل اعلمهم وافتح الداشبورد، وانت ازاي بتعمل اعلانات وبتمشي كذا وتمشي كذا وتمشي كذا.
- حضرني بس حاجه كل واحد يجيب تحت واحد وواحد يجيب تحت واحد.
- اه شجره هي نفس الموضوع كده فالموضوع وما فيه ان انا كنت بعمل الموضوع ده عشان كده. عشان الناس دي خلاص انا علمتك واديتك حاجه يعني تكسب منها فبالتالي انت تقريبا هتشتغل معايا في الغالب هتشتغل معايا.
- في الغالب هيكون في انتماء شويه في كومتمنت.
- وبصراحه ده حصل بشكل كبير وحتى مع البراند احنا البراند ما كانش قادر يكفي على الاوردرات بتاعتنا احنا كنا بنطلع قد ما هو بيطلع مرتين.
- ما شاء الله.
وكان حاجه كويسه البراند مازال موجود اصلا وكبير في السوق يعني، لما انا جيت اشتغلت ما مظبطتش برده ما اشتغلوش معايا ليه عشان ثالث او رابع درس اتعلمته. المنتج اللي انت هيعجبك انت مش بالضروره يعجب الناس.
- ماشي.
- فرأيك خده كده وحطه في كيسه سودا وارميه في الزباله وشوف السوق عايز ايه؟
- احتياجات مستخدمين بالبلدي كده.
- اه لحد بقى ما ربنا كرم و واشتغلت مع شخص ثاني جيت بالمسوقين بتوعي واشتغلت عملنا يعني انفراجه كويسه جدا. وبعد كده كنت عايز اسافر بره مصر محصلش ماتوفقتش فتحت بقى اول مشروع شهبندر.
- اللي انا قابلتك فيه؟
- لا.
- شهبندر كان قبل ده.
- امم شهبندر كان سيستم افيليت امم تسويق بالعموله. اشتغلنا عملنا الحمد لله شغل كويس جدا بفضل الله سبحانه وتعالى طلعنا في وقت صغير جدا بقينا من التوب فايف ما شاء الله موجودين في السوق.
وبقى لينا اسم والواحد الحمد لله يعني توفيق عند ربنا سبحانه وتعالى ان هو يوفقه ان يبقى سيرته كويسه في السوق مع الناس. التعاملات الماديه فيها نزاهه واحترام، خدنا ناس مكانتش تفهم حاجه في الشغلانه دخلناها الشغلانه وعلمناهم وفهمناهم الدنيا بفضل ربنا سبحانه وتعالى.
ربنا جعلنا ليهم باب رزق فربنا اكرم كرم كبير جدا، دخل معانا بعد كده شركاء بعد ما دخلنا الشراكه اشتغلنا شويه وبعد كده فضينا. الفض جه بشكل مش لطيف شويه حصل بسببه يعني مشاكل بس ده كان درس من الدروس اللي اتعلمتها.
- ماشي.
- يعني كان في دروس كتير بقى في قلب الشراكه دي كده اتعلمتها.
- حلو.
- بعد كده حصل هزه وقعت شويه قعدت شويه، اشتغلت شغلت الدنيا واحده واحده طبعا كان حاجه بتعملها ثلاث افراد بقى يعملها فرد واحد، بقى الموضوع صعب جدا.
- لما الشراكة ااتفضت.
- اه طبعا بقى الموضوع صعب جدا اشتغلت على نفسي شويه طبعا طول الفتره دي دروس دروس دروس دروس عمال اتعلم.
- انت بتحاول تبني بزنس.
- انا عمال اتعلم بس انا كل ما اغلط بقى اقعد احاسب نفسي، انا كان عندي كده جوجل فورم عامله اي غلطه بغلطها بكتبها في الجوجل فورم ده امم اي غلطه عشان اجي كل فتره كده اقعد اشوف بقى البلاوي اللي انا عملتها والغلطه.
كان الفورم بتاعي كده الغلطه والاثر الغلطه والاثر والسبب الغلطه والاثر السبب.
- حلو جدا.
- واقعد اشوف انا غلطت في ايه عشان ماكررش تاني اخدت دروس محترمه جدا يعني شاركت حد تاني
- ماشي.
- طبعا اتعلمت من الاخطاء الاولى اللي هو دعونا ننسى اخطاء الماضي ونصنع اخطاء جديدة.
- صنعنا اخطاء جديدة.
- ودي كانت اخر شراكه يعني انا دخلتها وكان طلعت منها بالسالب الحمد لله. لكن الموضوع ده ما كانش بالنسبه لي اي عائق اطلاقا الموضوع ان انا اخسر ده معنديش اي فيه اي اشكاليه بالعكس.
- انا حاسس ان وشي كان فال وحش عليك.
- لا خالص والله المشروع اللي احنا اشتغلنا فيه انا by the way احنا يعني الUX واهميته للموضوع، انا لما بنيت سوفت وير للشغل بتاعي واتكلمت على الموضوع ده كذا مرة بنيته من على ارض احتياجات حقيقيه.
- ما هو ده بقى اللي احنا هنجي له الحته اللي جايه دي، انت ازاي ربطت ما بين يعني ازاي قدرت تبني سيستم وتبقى واصل لحته التكنولوجي ان انت يعني، انا لما دخلت اتكلمت معاك وانا بنتكلم في ريكوايرمنت انت مش صاحب بزنس انت واحد مشمر وايدك في البزنس عارف احتياج اليوزر وهو هنا هو محتاج يضغط على ايه عارف الاكشن اللي هنا عارف في المخزن انا محتاج ايه البروسيس. عارف الفلو اللي همشي فيه عارف الخطوات كل حاجه.
ازاي اتبنى السيستم الاول او الاكبر بقى اللي هو مش الافيليت بس سيستم الاداره؟
- طيب هو الموضوع يعني جاي برده من عند والدي الله يرحمه يعني دايما انا بشوف ان الاب ليه ليه دور في تعليم الابناء سواء بان هم بيشوف هو بيعمل ايه او بيقولهم ايه؟
انا والدي لما نزلت معاه في الصنع كنت بادئ صبي صبي في المصنع زي اي صبي لحد مابقيت صنايعي.
- تمام.
- و ولما اتعلمت معلمنيش صنعه واحده علمني كل يعني كل مكنه هي صنعه فعلمني كل المكن الموجود فده بقى كونسبت عندي عشان كده قلت لك انا عشان ابتدي بزنس انا عملت ايه اشتغلت ميديا باير.
- لفيت كل الشغلانات الاول.
- لفيتها عايز افهم انتوا بتعملوا ايه؟
- حلو.
- عايز ابقى صبي انا معنديش مشكله ان انا ابقى اي شغلانه جديده بدخلها في حياتي كلها انا معنديش مشكله ان انا ابقى صبي اتعلم من حد اصغر مني كمان معنديش اي مشكله في الموضوع ده مادام هو اعلم مني مني وعنده فهم اكتر مني وعلم اكتر مني مفيش مشكله ان اقف تحت رجليه واتعلم.
- تمام.
- معنديش اي مشكله في الموضوع ده، فهي كانت الحته دي ان انا اشتغلت كل حاجه بايديا ولكن كان دايما عندي حاجه عايز اوصلها، لان انا برده من ضمن الرحلات يعني مذكرتهاش ان انا دخلت شويه في موضوع البرمجه ف اتعلمت شويه اه بس ملقيتش نفسي فيها ودخلت في الديزاينينج وما لقيتش نفسي فيه دخلت في كذا حاجه ما لقيتش نفسي فيها.
لحد ما لقيت نفسي في الفيلد بتاعي بتاع الماركتنج والايكومرس والكلام ده، لقيت هو ده اللي انا اقدر ان انا اعمل او اقدم فيه قيمه كويسه.
- حلو.
- ف كان نفسي جدا ان انا احول الشغل بتاعي ده لحاجه قدامي ممشايه اوتوماتيك.
- انت عايز تعمل زي اوتوميشن كده بالظبط
- كنت بتمنى ان انا اعمل حاجه زي كده 2018 انا كان نفسي اعمل سيستم طبعا للجهل انا جاهل انا كنت جاهل ساعتها طبعا مش حد فاهم قوي في الموضوع او مش عارف الريسورس.
- تتعلم حد بيجرب.
- كنت جاهل فعلا مش فاهم حاجه، فكنت بسال انا عايز اعمل سيستم فلا اعمله على وورد بريس اسال حد تاني يقول لك لا الوورد بريس مش عارف هو اصلا بلوج فمينفعش فانا مش فاهم انتوا بتعملوا ايه؟ انتوا عايزين ايه؟ طيب انا عايز اعمل واحد اتنين تلاته، ما هو طبعا كنت بسمع بقى ارقام كتير ومشاكل وحاجات كده كتير يعني وتعرضت لمسائل ان انا اشتغلت شويه والمشروع وقف ومش عارف ايه واختلافات ووجهات نظر.
لحد ما وصلت لحد بدا يعمل معايا الفلو. بعد اول سبع شهور طلع لنا اول فيرجن في السيستم بتاعنا..
- سبع شهور
- تقريبا اه.
- الفلو ده انت يعني خد بالك عشان دي بتبقى معضله بالنسبه لنا في في الUX، ان انت تبقى متخيل ال flow الحقيقي اللي هينفذ لك المهمه مظبوط انت فاهمني ف فالجزئيه دي، انت اخدتها من تجربتك انت.
- من شغلي انا.
- من شغلك انت رحت عملت اللي انت بتعمله بس خليته سيستم بالضبط بدل ما تعمله مانيوال بايدك.
- اه طبعا بالظبط انا كان مانيوال بالنسبالي كان كارثه كانت.
- ايه طيب العمليات اللي بتتم مانيوال.
- يعني مثلا تحضير الاوردرات كانت بتبقى مانيوال يا اما الشيتات والموضوع كان صعب. ولما حبيت انقل لسيستم السيستمز الجلوبال اللي موجوده اللي هي بتناسب البيئه اللي بره طريقه التشغيل اللي بره، ما تنفعش في مصر هنا احنا بنشتغل ببزنس موديلز مختلفه شويه في الحته دي بره لا الموضوع مختلف امكانيات مختلفه حاجات كتيره قوي فمش عارف فلما ما اشتغلت بيها ما نفعتش معايا او ما قدتش اللي انا عايزه 100%.
فكان دايما ناقصني حاجات انا ناقص هنا حاجه وناقص هنا حاجه ناقص حاجه على فكره. Till now يعني مثلا لما بنيجي ندخل على اي سيستم من بره ما بنلاقيهوش كامل بالبزنس بتاعنا احنا ماينفعش.
-عمره ما هيبقى كامل.
- بالضبط.
- او هو حاجه ماستر.
- بالضبط مفيهوش الريكوايرمنت اللي احنا محتاجينها فبنبدا نعدل عليه لو هو اوبن سورس، ف الموضوع ان انا بدات ارسم ف بما ان انا كنت دخلت في حته البرمجه شويه فبقيت فاهم الناس دي برده عايزه ايه؟
- انت برده متخيل.
- اه فبقيت اعمل ايه بقى لما اجي اقعد مع ديفلوبر ارسم له. وافهمه انا بعمل ايه؟ الدفيلوبر هو راجل تكنيكال في الكود بتاعه وفي الاستراكتشر وفي الكلام الجميل ده كله لكن هو مش راجل تكنيكال في شغلي.
- بالظبط هو هينفذ اللي انا هطلبه.
- فطبعا ده خد مننا وقت احنا خدنا مثلا شهر بشرح البزنس امم بشرح البزنس بس واحنا عايزين كذا، والشاشه دي تسمع في كذا ولما ادوس هنا يوديني هنا ولما ادخل الستوك بالشكل الفلاني يعمل كذا.
وده كان اول فيرجن اه السيستم كان ابيض يعني لما طلع ده كان اول انا كنت سعيد بيه، انا كنت اول فيرجن طلعلي من السيستم انا مش ناسي الفرحه اللي انا كنت فيها.
- اه حاجه شغاله، طلعت قماش.
- اللي انا تخيلته اهو امم موجود قدامي امم ثم توالت بقى مرحله التطوير في الموضوع.. ولكن كان عندي خطا للامانه لازم اقوله ولازم الناس تخلي بالها منه لم يكن عندي اي اهتمام بالUX ولا بال UI.
- مش انا شغال في الشغلانه دي، في بعض الاحيان مبتكونش هي الاهميه رقم واحد.
- للاسف انا اكتشفت ان هي كانت في الشغل بتاعي مهمه جدا في الوقت ده، لان انا دفعت ثمنها كتير أوي دلوقتي.
- وانت بتأديت بقى.
- اه طبعا طبعا لان انت الحاجه اللي انت هتأجلها عشان تيجي تعمل ايديت هيبقى تكلفتها عاليه جدا، اللي تعرف تعمله في الاول اعمله.
- طبعا طبعا.
- لان انت هتيجي لان ما عرفت ان انت سهل تعمله في الاول واهملته هتيجي في النص بعد كده او في مرحله ما.
- هتهد هتضطر تهد.
- هتضطر تهد هتضطر تدفع كتير أوي أوي تنتظر وقت كبير فطبعا وفقا للامكانيات وكل شيء، بس اللي تعرف تعمله في الاول معلش تعال على نفسك واعمله.
- انا كنت بتكلم انا اسف لقطع كلامك. فكرة ليه الناس ساعات بتدي اولويه لحاجات تانيه غير الUX يعني لو حد هيجيب سيرفر بكواليتي معينه ساعات بيبدي الكوست ده على خلي التصميم دلوقتي شويه اهو السيستم ماشي شغال او كذا او كذا ساعات في ناس بتدي اولويه بناء على ان هي ليمتد مثلا بوقت لمتد بفلوس بكذا بس.
- ده كان حالي في الاول.
- بالضبط فانا بقول لك هو ده ساعات بيبقى طبيعي.
- ده كان حالي في الاول ولا انا اهم حاجه عندي ان انا اجيب اعمل اللي يشغلني على الارض مش مهم الشكل ده مش مهم.
- بالضبط.
- بس انا لما جيت اعدل الشكل خد مني كتير أوي وقت ومجهود وتشغيل من تاني و وفلوس فمكانش سهل.
- خلينا برضو يعني ا ايه اصعب خطوه انت كنت بتحاول تحطها سيستم يعني انت بتعملها مانيوال، واه يعني عشان دي اصل خد بالك احنا قعدنا شويه سنين قبل طلوع الفينتك كان الايكومرس هو رقم واحد حتى في مجال التك،
طبعا كل اللي بيشتغل حتى كمبرمجين اللي اشتغل على الايكومرس ده هو مطلوب في اماكن في شركات اللي اشتغل ك UX حتى لما بيجيلك التاسك يقول لك ايه انت اشتغلت ايكومرس قبل كده فاحنا بنتكلم في الاندستري اللي كانت رقم واحد ودلوقتي بقت رقم اثنين او تلاته بعد الفينتك والAI والكلام ده اللي موجود دلوقتي فاحنا بنتكلم في اندستري انا شخصيا عملت فيها فوق ال 20 مشروع انت فاهمني..
الشغل فيها دلوقتي بقى سهل دلوقتي بقى في شويه ناس. خلينا هنيجي لموضوع الانظمه وانواعها عشان في ال end user سهل بس السيستمز كCRM او كوبريشن جوه شويه معقده فهي الحته المعقده دي بقى اللي انا جاي عشانها فاهمني. ايه اصعب حاجه انت حولتها لاتوميشن؟
- اي مشكله قابلتك عشان تحولها لاتوميشن مناسب للورك فلو بتاعك دي بتبقى يعني محتاجه مجهود.
- مثالين بقى مثالين.
- اديك مثال مثلا حصل معانا كان عشان خروج الاوردرات واستلام المرتجعات واستلام البضايع ودخولها وخروجها احنا عدلنا على الحته دي على مدار اربع سنين ثلاث اربع مرات ام
وفي اوقات كنا بنهد ونبني من تاني، فالفكره ان انت الموضوع بيحصل ازاي؟ تحصل عندك مشكله امم تترك المشكله فتلاقي المشكله مثلا بعد الفلو بتاعها هي واقفه هنا.
هنا ده سبب المشكله خلاص انا عرفت السبب كده عرفت انا معايا نص الحل، حلو. تعال نحل بقى ف يعني اول حاجه تتبادر لذهنك الحلول السهله ان انا اشوف سبب المشكله ده ايه وابدا احله..
فسبب المشكله مثلا موظف فهنبدا نحط اس او بيز ام، ستاندرد اوبريتنج ابدا احطها واجراءات قياسيه تشغيليه ابدا احطها ليه عشان يتعامل عليه.
وابدا احط يعني ثواب وعقاب، وابدا احط بونص، ومحفزات، ونبدا نقرص شويه، ونشتغل شويه.. بيمنع الاخطاء؟!
لا بيقللها بس بيقللها.. طب انا دايما انا دايما عندي الهدف ان انا عايز امنعها او اخليها شبه معدومه.
-يبقى سيستم.
- لازم اعملها transform system، طب انا عشان اعملها ترانسفورم سيستم انا هقابل مشاكل كتير.
اول حاجه انا لازم اخلي الحل ده والسليوشن ده مناسب للورك فلو بتاعي.
- ويكون كومباتبل مع الموجود.
- بالضبط كده.
- عشان متهدش.
- عشان متهدش من تاني.. هياخد مني وقت كبير وفلوس و وتجربه وممكن تفشل ونهد تاني.
حاجه تانية مقاومه التغيير عند الموظفين طبعا وانت لما بتشتغل مع بلو كولر. هو البلو كولر هم الناس اللي بتشتغل بايديها ام اللي هم الاستاف قاعده الهرم.
هو عنده غيه في اختراق السيستم.
- هو عايز يكسر الروتين.
- عايز يكسر الروتين بالضبط، فانت عشان تعملها فانت هتقابل مقاومه تغيير يعني انت وقت ما بتطلع ابديتس جديده بيبدا بقى الناس اتعودت على القديم.
- ونقعد بقى ننفخ.
- بعدين احنا سمول بزنس بتتكلم في حاجه صغيره شركه صغيره ما بتتكلمش في شركه يونيكورن ولا بتاع.
لا انت بتشتغل مع ناس برده انت صغير وهم لسه بيشتغلوا وبيتعلموا والكلام ده كله فانت عايز تخلي الموضوع يمشي سيستماتيك ام ف بالبلدي كنا بنقول بغزل برجل حمار.
يعني ايه انا بطلع افضل كواليتي ممكنه باقل امكانيات المتاحه عندي، خلاص فانا عايز ان انا اعمل سيستم تمشي عليه ايها العامل الجميل اللطيف ما تغلطش فانا بدور على مصلحتك عشان ما دكش جزه.
ام وانا في نفس الوقت بدور على مصلحتي عشان انا كصاحب شركه مخسرش وعايز اسرع العمليه عندي بالظبط كده فانا عايز اخليها اوتوميشن، وانا لما يعني بقرا شويه فلقيت ان الانسان بيستهلك جزء كبير جدا من طاقته وهو مركز.
فالنهارده ده انت بتشتغل عندك مجهود بدني او مجهود ذهني موجود، انا بصفي لك المجهود الذهني وبقولك السيستم هيشتغل مكانك وانت عليك المجهود البدني.
المجهود البدني الحصيله او المحصله بتاعته او الحصاله بتاعته اكبر. الخزين بتاعه اكبر من المجهود الذهني المجهود الذهني بيرهق وبيرهقك بدني وبيخليك تفرهض وانت لو ذهنيا فرهضت خلاص مش هتشوف..
وانا جربت ده بنفسي نزلت اشتغلت بايديا معاهم عشان كان في اخطاء، نزلت اشتغلت لقيت بنفسي بغلط في اخر اليوم.
طاقتي بتنفذ وتركيزي بيقل وبتعب حتى احنا الواحد ببقى جعان عطشان بتاع مش مش شايف مش مركز أوي مش شايف شايف ال 42، 43.. والعكس.
- وانت بقى في مخازن وارقام كتير وعندك يعني فرايتي كتير أوي بالضبط فاصبح ان انا عايز اخليها سيستم فدي كانت تاني مشكله تقابلك،
ثالث مشكله ان انا اوصل اللي انا عايزه للديفلوبر اصلا.
- انت انت هنا معندكش حد ديزاينر.
- لا في بقى ديزاينر ولا برودكت مانجر ولا برودكت اونر ولا اي حاجه.. انا كل دول انت بابا وانت ماما انا كل دول.
- انت بتحاول توصل المعلومه وتبسطها للديفلوبر منك ليه على طول. فانا كان ربنا كرمني ان انا كان عندي بس معلومه في البرمجه هي يعني متعتبرش الاولى لا يعني حاجه تحت الصفر بس حاجه اقدر اتكلم بيها مع المبرمج شويه فكنت بقعد اشرح له واقول له انا مشكلتي 1 2 3 4.
فعايز بقى.
- حل.
- لا مش عايز حل، انا عايز بقى العامل لما يعمل كذا كذا يمنعه عن كذا.
- يعني انت كمان بتوصفله الحل.
- اه بوصفله اقول له انا عندي مشكله ان انا بيطلع لي مثلا اوردرات غلط ليه عشان العامل بيغلط في التغليف فانا عايز ان انا اعمل سيستم احط ليبل او باركود العامل وهو بيطلع الفاتوره يضرب الفاتوره فتقوله فتقول له انت المحتوى بتاعك كذا فيضرب اللي كذا اللي جواها يقوله صح او غلط.
- حلو.
- فشرحتها له كده بالبلدي هو قعد عمل سيرش شويه في شويه انظمه وبتاع وهو كان عامل مشاريع طلعلي ريزلت كانت طفره انا كنت بخسر كل شهر 10000 جنيه في 2020 تقريبا 2019 2020 كل شهر 10000 جنيه انا بقيت اكسب بخسر 1000..
بقى في خطا برده بس الخطا ده ظهر بعد تلت اربع شهور لما بداوا يشغلوا دماغهم تاني برضو على السيستم.
- ماشي.
- بس في اول ما عملت الموضوع صفر، لان هم مش فاهمين يهاك هو مش فاهم يهاك السيستم ازاي؟
هو دايما دايما دائما وابدا ا العامل بيدور ان هو يهاك السيستم، طبعا.
الموظف بيدور ان هو يهاك السيستم عايز هو فاكر ان هو عايز يريح دماغه..
- عايز يشغل دماغه.
- خلاص هو لا هو عايز يريح دماغه فهو لما فهم السيستم كويس أوي لقاله ايه سكه، بالظبط كده.
بس برده ستل انت بتقلل.
- الخساير اقل.
- اه يعني انا كان في مكسب بيروح مني او خساره مكسب لا جتلي، فدي مشاكل احنا قابلناها عشان انا ودي مشكله على فكره بنقابلها اصلا في كل الابديت انا حتى لما عملت هديت وبنيت نظام للانفنتوري مختلف.. يا نهار ابيض نص التيم تقريبا مشي. يعني نص التيم اللي عندي مشي.
- بسبب ان السيستم اشتغل.
- ان انا عقدت بقى الورك فلو مش عقدتها انا عملت حاجات اجباريه لازم تتعمل، هم كانوا ما بيعملوهاش امم ام فكانت بتتسبب في اخطاء مش كبيره لكن هي اخطاء انا عايز امنعها وانا عايز اكسب اكتر.
وعايز الموضوع يمشي بسلاسه واكتر ومش عايزك تفكر يا سيدي انا عايز اريحك فلما عملتها فهو استصعب الموضوع..
طب اللي كمل بقى مبسوط جدا لان مبقاش في سبيل للخطا قدامه لو هو مشي على السيستم فريح دماغه هو بدل شال دماغه وبقى رايق وسيستم هو بيفكره.
- طب انت في المرحله دي تفتكر لو كان معاك حد، انت دلوقتي معاك تيم UX ما شاء الله يعني في افراد موجوده..
فتفتكر لو هم كانوا معاك نفس الاشخاص، بس انا هحط دي كفر على الحلقه. دورهم بيفرق معاك ازاي؟
- دور اي حد فاهم ومتخصص بيفرق معاك فرق السماء من الارض، يعني انا النهارده مثلا لو احنا قاعدين بنصور اهو فانا معايا حد جامد في الاضاءه فهيبقى عارف الكادر بتاعي طالع ازاي؟ واضاءتي عامله ازاي؟ وايه اللي هيروح فين؟ حد جامد في التصوير عارف يجيب الكادر الكويس بالنسبه لي والحته اللي هتصور منها بشكل كويس..
كذلك برضو التيم بتاع اليو اكس هو النهارده حد عامل اكتر من مشروع وراجل عنده اكسبيرينس في الحته دي، عارف يعمل يوزر اكسبيرينس ازاي؟ عارف يسهل الموضوع عليا ازاي؟
انا النهارده على فكره اليو اكس اللي انت عملتهولي سهل عليا في الشغل كتير جدا، احنا خلاص خلصنا السيستم وبنتست عليه انا لما جيت دخلت فرق ما بين هنا وهنا سهوله وراحة على العين وحاجات كتيره برضو.
من ضمن الحاجات اللي بتفرق معاك في الانتاجيه بتاعتك في التشغيل ان انت عينك تبقى مرتاحه، فعينك لو مرتاحه فاعصابك هاديه فمش متوتر فشغال، انت مبسوط بالحاجه.
خلي بالك ان الموضوع برده ليه بعد نفسي.. يعني احنا لما بنيجي نتعامل مثلا حتى مع في الاوبريشنز بالذات انت لازم تفهم السيكولوجي بتاعه البني ادم. ازاي تتعامل معاه؟ وتفهم هو بيفكر ازاي؟ وايه اللي يريحه؟ ايه اللي يخليه رايق؟ ايه اللي يخليه يبقى متحمس اكتر؟
وما الى ذلك فهي الفكره انا النهارده لما اعمل يو اكسس نضيف سموذي وحلو كده وشكله مريح للعين.. اللي بيشتغل نفسه مفتوحه. ايه ايه الحلاوه دي فاهم.
- في اوقات الديزاينرز وانا منهم بنبقى شايفين ان العميل بيرخم علينا وانه عايز الحاجه دي وهي كده وانا شايف ان انا بقول له مقترح.
وان العميل ده مش مقدر النعمه اللي في ايده، صاحب الشركه ده مش مقدر الخير اللي انا بقوله.. وفي نفس الوقت دايما بقول ان احنا ما بنشتغلش تصميم احنا بنشتغل بنخدم البزنس، فانت كعميل بتشوفها ازاي؟
خد بالك انت عميل بتدور الشغل بايدك، يعني ايدك في الموضوع.
- انا فاهم بص في حاجات انا من وجهه نظري يعني كحد بزنس اونر او عميل لازم اصر عليها ليه عشان انا اللي عارف تفاصيل البزنس الداخليه عندي تمام وفي اشياء لابد ان انا اصغي.. لازم اسمع مش بتاعتي،
يعني انا مثلا اي حد بيجي لي في ديزاين انا راجل اللي من ضمن الحاجات خليتني افشل في الديزاينينج او في التصميم ان انا فاشل في الالوان انا في الالوان على الله خالص يا ابيض يا اسود.
- صباح الخير.
- اه يعني انا الالوان اللي بقت البسها مؤخرا دي كده بالحظ نزاهاه، اه والله العظيم بجد اللي هو بنزل ده شكله حلو هاته ده لونه ايه بقى؟ طب ايه التدريجه؟ ايه ليق على ايه؟ معرفش ده انا بتعب وانا انزل الصبح فبقوم ضارب بنطلون اسود على تيشيرت ابيض بس خلاص.
يا اما العكس عشان اريح دماغي، هو يا اما البس غامق على فاتح انا خلصت.
فانا انا مثلا اما حد بيجيلي في تدريجه الوان والله اقول له انا عايز مثلا في درجه اللون الاحمر. ليه؟ عشان مدلول اللون الاحمر بيدل على النشاط والحماس ومش عارف ايه وبتاع.
بس البعد بتاع الديزاين لا انا بقعد اشرحله مثلا انا محتاج الديزاين ده يعبر عن واحد انين تلاته اربعه خمسه..
طب انا بقى مش فاهم بقوم رايح جايب حد تاني بيفهم.
- يعني انت اعتمدت الموضوع من بعد التجارب ان في حاجات وقعت انا هجيب حد.
- هجيب حد بيفهم ام متشغلش دماغك اللي ما بتفهمش فيه وعندك رفاهيه او عندك الامكانيه ان انا اشتري وقتي ومجهود غيري بالفلوس اتفضل..
وفرت عليا قد ايه ال ROI اللي جاي من ورا الكلام ده قد ايه؟ ايه العائد؟
فانا النهارده لو هعملها بنفسي هعملها كم مره غلط وهتطلع حلوه ولا وحشه؟ في احتمالات لما هخش في احتمالات وريسك كبير طب انا معايا فلوس والحاجه دي بدل ما انا كنت هخلصها في ثلاث شهور هتخلص في شهر، يعني انا عندي شهرين اقدر الونش واستفيد بيها يعني في ROI.
والحاجه هتطلع في الغالب من اول او ثاني مره مظبوطه لان في حد متخصص بيعملها في حد متخصص بيعملها فبالتالي انا وفرت وقت فانا اشتريت وقتي او كسبت وقتي لان انا مش كل المكسب عندي فلوس انا دفعت فلوس اه بس كسبت قدامها مجهود وكسبت قدامها وقت.. فبالتالي اقدر ان انا بالوقت ده اجيب فلوس تاني واجيب فلوس كتير اكتر من اللي انا دفعتها بالضبط ما ده ال ROI.
فبالتالي لا انا بقى لما بيبقى في حاجه تخصص عندي حاجه من الاثنين يا معايا اديله ويشتغل يا معيش وبصبر او بدوحر انا فيها كده عمل حاجه.
- مشي امورك.
- لغه السوق كده ادوحر فيها.
- طيب هل في انت السيستم بتاعك كنت بتبيعه؟
-وما زلت اه.
- اه يعني في عملاء عندك بالنسبه لك هم يوزرز..
- طبعا.
- تمام هل في حد منهم بيجي يقول لك انا في حاجات مش عاجباني عدلي فيها كذا؟
- طبعا.
- نسبتها قد ايه في التصميم؟
- مش كتير الحمد لله في التصميم ولا في الورك فلو؟
- خلينا ناخد اللوجيك الورك فلو الاول.
- طب وورك فلو مش كتير عشان انت فاهم الشغلانه اه. اغلب الناس اللي جايه لي جايه لي عشان الاكسبيرينس، هو جاي ياخد الاكسبيرينس بتاعتي في السيستم حلو فبالنسباله الدنيا حلوه لكن التشغيل بداخل الشركات يختلف من شركه الى اخرى حسب طريقه تشغيلهم والبزنس موديل بتاعهم…
ف انا بشتغل عندي الطريقه في غيري يبقى شايف ان هي معقده بالنسباله، انا بالنسبالي عندي استعداد ان انا اتحمل خسايرها ابتداء ثم اجني الارباح مؤخرا.
معنديش مشكله ليه لان انا عارف ان دي وراها هيبقى في حاجه مع التجربه مع الارقام في حاجه عملناها فانا انا شايف البعد بتاعها جاي ازاي؟ في حد يقولك لا والله انا مرتاح في النظام ده ومفيش عندي اخطاء وحاطط كمان نسبه خطأ معينه او نسبه خساره معينه او هالك معين في وسط البزنس بتاعي فانا مرتاح كده..
حلو عايز ابقى في الكونفرت زون ومبسوط والبزنس بتاعي شغال لان هو مثلا الكيرف بتاعه بيعلى فمش عايز يعمل حاجه يبقى فيها ديفلوب فممكن ياثر على الايه على الكيرف بتاعه انا لا.. انا بالنسبه لي كل فتره كده لازم اقوم طالع بحاجه تمنع حاجه، حاجه تمنع غلط او فلو معين يظبط حاجه.
- انت خلينا نقول ان انت بتشوف المشاكل منين وبتقفلها.
- بحاول ده بقدر الامكان.
- اه على طول.
- ده شغف عندي، يعني انا انا لو عندي الامكانيات الكبيره انا هنقل اي تول انا بشتغل بيها بره في البزنس بتاعي لجوه السيستم.
- يبقى كله اوتوميشن جوه عندك في مكان واحد..
- انا دلوقتي مثلا بشتغل على موضوع الاوتوميشن ده عشان الشركه بتاعتي والشغل بتاعي انا عندي شغف جدا ان انا مبسوط بيه تجربه ممتعه جدا.
مش واقف عليه انا عايز اتعلمه لنفسي فبعمله وبجرب حاجات عندي في الشركه بتاعتي انا لو في ايدي انا عايز ادخله جو السيستم كله، يعني اجيب الورك فلو اللي هو انا بشتغل موقع اسمه n8n ان عايز اجيبه واحطه جوه انا نفسي اجيبه جوه احطه كده كله جوه السيستم.
- بيتسطب على سيرفرات هيجي يعني قريب هتجيبه.
- انا حاطه على سيرفر عندي يعني انا برضو دي من ضمن الحاجات، فكره الناس اللي عندها مشكله في ان هي تتعلم وعايزه العلم بالمعلقه.
- انت واخد الموضوع ان انا برمجه هروح ديزاين هروح هجرب وابقى فاهم.
- مش كده انا عايز افهم بس outlines.
- انا مش قصذي انك تعمل قصدي انك تبقى فاهم اللي بيشتغل معاك شغال ازاي.
- اوت لاينز، ليه برضو تاني ليه؟ لان احنا عندنا ثلاث حاجات هو مثلث ليه ثلاث اضلاع وقت فلوس مجهود..
……..
- يعني واحنا شغالين في المشروع يمكن هو مكملش ولكن انا بالنسبه لي كان في شويه حاجات مش من السهل تلاقيهم في عميل.
بكلمك بامانه يعني انا فاكر وقتها ان انت تقريبا الوحيد اللي جيت فاتح ملف وقلتلك يلا بينا مع بعض. الملف ده انت ممكن تكون ما تعرفش البرنامج اللي انا شغال عليه.. مفيش حاجه يلا بينا ندخل تعال نقعد نتكلم ساعتين ثلاثه كل يوم سبت انا فاكر.
هي الفكره كلها لما قعدنا اول مره لو كان تاني قاعده في في المشروع في حد انا كنت نفسي افهم منه البزنس و ومكنتش لاقي ولقيتك فاهم اكتر من الطبيعي. الطبيعي ان احنا كناس يو اكس بنبقى متخيلين حاجات وبنكملها من العميل نفهم البزنس ونكمل احنا.
احنا خدنا كل حاجه بفضل الله من عندك انت وده هو دايما اللي انا ببقى شايفه فارق يعني انا شايف ان الحته بتاعتك انت. ما شاء الله انت واصل فيها مرحله كويسه جدا عشان انت تقريبا الحته اللي انت قلت بدات بيها بقى انا اخدت كل حاجه اشتغلتها بايدي.
- انا مؤمن بجمله ممكن في ناس تختلف فيها معايا بس انا مؤمن بيها جدا اي حاجه اي صنعه اي شغلانه اي بزنس اللي ما كانش صبي في شغلانه ما يبقاش معلم مش هبقى معلم.. ويعني ايه معلم، معلم جاي من كلمه معلم المعلم جاي من كلمه معلم تمام.
فانا ازاي هكون معلم وانا مش ملم بالشغل ده وليه بنقول صبي عشان الصبي هو اللي فاهم الاستراكتشر من تحت هي جايه منين تحت بيحصل ايه تحت..
- الناس واخداها ان هي حاجه وحشه. صبي ومش عارف ايه.
- وايه يعني صبي انا انا عندي سعاده ابقى صبي كل يوم لحد اخر يوم في عمري في اي شغلانه جديده هعملها، اقعد تحت رجلي اي حد افهم واتلقى منه العلم بصدر الراحب جدا مهما كنت واصل لحد فين؟
لاني في الحاجه اللي هو بيعملها وهو جيد فيها انا جاهل والجاهل محتاج يتعلم الجاهل دائما وابدا.. انت ما دام جاهلت بشيء محتاج تتعلمه وعشان تتعلمه عايز تصرف وقت وتركيز وانتباه وتواضع واستماع وتفهم يعني الموضوع مش بسيط.
- طيب حته الايكومرس بالتحديد مليانه انظمه كتير تمام ايه هم بقى عشان الناس يعني خليني اختصر عليك حته.. الناس بتختصر الايكوميرس في الاند يوزر ويب سايت الانترفيس او يعني شريحه كبيره مش هنقول مش عايزين نجمع بس شريحه كبيره من الناس عايز يعمل موقع ايكومرس موقع زي نون زي امازون يلا بينا منتجات اد تو كارت خلاص الخمس ست صفحات اللي بره.. دول مش تقليلا منهم بس احنا بنتكلم عايزين نفوكس على الجانب الاخر اللي هو الاكبر الباك اوفيس مرعبه في الايكومرس. فايه انواع الانظمه او الموديولز اللي موجوده جوه سيستم الايكومرس؟
كذا حاجة يعني فيه الافيليت سيستم فيه الدروب شيبنج فيه الايكومرس العادي فيه الريتيل وكل حاجه من دول..
- طب خلينا ناخد حته كده عن كل واحد، الافيليت مثلا.
- الافيليت اللي هو تسويق بالعموله انا بسوق لمواقع ثانيه حلو، دروب شيبنج انا بروح لتجار اخد منه المنتج وابدا ان انا اشتغل واسوق عليه وابعته للعميل لكن لازم نراعي فيها المنطقه الشرعيه عشان فيها حاجات لا تجوز..
عندك الايكومرس العادي ان انا بشتغل، بجيب انا المنتج وبعمل انا الميديا باينج تاجر عادي انا بدل ما انا عندي محل ببدا ان انا بقى عندي المحل بتاعي او فرع من المحلات بتاعي بقى هو الويب سايت بتاعي. وما الى ذلك.
في طبعا موديولز بتدخل على بعض في حاجات بنعمل فيها ميرج في حاجات بندخل بنشتغل جزء هنا وجزء هنا في حاجات كتير ممكن تتعمل..
- حاجه زي سيستم الشحن تمام سيستم الشحن من الحاجات اللي شويه بتبقى خلينا نقول مش سهله.
- صعبه جدا.
- شيء معقد.
- صعبه جدا وبالذات في مصر ليه بقى؟ الموضوع ليه اكتر من بعد.. اول حاجه بعد جغرافي يعني انا دايما لا القي اللوم على شركات الشحنه الا لو كانت تستحق..
لكن المشكله دائما في التوصيل مش عند شركه الشحن بس الموضوع اكبر من كده بكتير ممكن المشكله تبقى من عندي ممكن المشكله من عند العميل ممكن المشكله من شركه الشحن.
طيب تمام بنشوف محافظات في الجمهوريه نسبه التوصيل فيها سيئه. مطلقا لما اقول ان الشركه دي سيئه عشان خاطر نسبه التوصيل سيئه انا هنا كده يعني اكيد مخطأ.
- بقيم الموضوع بشكل غلط.
- لازم افهم ليه، اجابه ليه معرفه السبب حل نص المشكله فمثلا محافظه زي البحيره هي محافظه فيها مشكله عند كل الناس اللي شغاله في الايكومرس.
- ربنا يكرم اصلك.
- حبيبي طب ليه بقى لما ندرس الموضوع ما هو الماركتنج او التسويق عامه هو علم يعني قائم على دراسه الانسان والجغرافيا احنا عارفين عندنا الفور بيس البليس والبروموشن وكل الكلام اللطيف فانا دلوقتي عندي.
تعالى شوف البحيره محافظه متراميه الاطراف كبيره جدا.
- كا مساحه كبيره.
- انتشار السكان.
- قليل.
- على الرقعه كامله من اولها لاخرها؟ طب يكفيها كام هب شحن؟
- كتير دي.
- تمام كده يكفيها كام مندوب طيب، ده اول عائق.. الثاني ان انا الكالتشر بتاعه الناس عامله ازاي؟
- اه متنوعه اساسا انا بقولك انت عندك فئات مختلفه.
- تمام كده فانت بتارجت مين فيهم؟ امم ففي اكتر من حاجه.
مش هينفع يشتغل في البحيره غير مناديب من البحيره عشان زي ما قلنا التضاريس بتاعتها جغرافيا هي كبيره والمداخل والقرى مين هيفهم غير اهل القريه مش اي حد.
- ولغه التواصل.
- بالضبط كده، فاصبح ان انت هنا بتلعب في حته محدوده او حته فيها بعض المشاكل دي اول حاجه يبقى احنا التوزيع الجغرافي للمحافظات في جمهوريه مصر العربيه سبب من الاسباب لان انا مثلا النهارده المندوب عشان يدخل قريه في الصعيد ما بين كل قريه وقريه قد ايه وعشان يدخل جوه ممكن يخرج ولا لا وهيخرج ازاي وهيدخل من اني حته اه يعني هيدخل من اني شارع ويوصل لاني بيت ما هو مفيش استراكتشر هناك مفيش بنيه تحتيه الناس مفكره ان هي كلها مدن واحياء لا مش الكلام ده احنا بنتكلم في القريه البيت في البيت في البيت في البيت في البيت مفيش ارقام.. فاحنا بنسال الناس عشان نوصل.
- اه بيت الحاج فلان.
- ما هي فاهم وهي توصل يا ما توصلش، وبعدين حاجه ثاني مثلا تلاقي ست هي اللي طالبه وست هناك ما بيخرجوش بره البيت فلازم تستني الراجل فيجي يتصل يقول بيها يا استاذة انا وصلت فالحته الفلانيه بره القريه تعاليلي، فلازم الراجل هو اللي يروح طب الراجل مش موجود الاوردر ما تسلمش.
خلاص فلازم تفهم السبب، طيب حاجه ثانيه الشريحه اللي بتشتغل في شركات الشحن من المناديب امم الموضوع ده ليه بعد كبير جدا اجتماعي كبير جدا.
رقم واحد المندوب بالنسبه للناس وانا بيؤسسفني ان انا بقول الكلام ده مواطن درجه ثالثه الناس شايفاه كده، الناس بتعامله معامله اللي هو المندوب ده حتى في مثل بيقولك الحرامي لما يتوب يشتغل مندوب.
- اول مره اسمع ده.
- مثل موجود ومشهور جدا في الاندستري دي.. فهو دايما حاطط المندوب في الخانه دي فبيختار الناس اللي تشتغل في الخانه دي.
ده رقم واحد رقم اثنين مش هتلاقي مثلا قليل جدا لما تلاقي حد خريج ومخلص خلاص جامعه وحد شيك ونضيف بيشغل مندوب يقولك انا ليه انزل الف في الشوارع وليه اركب مش عارف ايه واتعامل مع الناس والحكايه والروايه.
رقم تلاته طريقه معامله الناس المندوب بتخلي المندوب اصلا يبقى هجومي هو متربص متربص انت بتقابل بقى ناس بتعاملك بشكل وحش وانت بتلف في الشمس وبتتعامل معاك معامله قذره وبيبصلك بصه مش كويسه وده يزنق عليك ودايما معاك مشكله وتطلع ل دي تقفل في وشك السكه ودي تقفل في وشك الباب فالموضوع بيكون متربص.
ام فانت هنا خاضع لنفسيه المندوب في الشوارع اساسا وانت اصلا قبلها جايب مندوب وانت حاطه في كورنر معين فهو في اوقات كتيره لما انت تحط البني ادم في الكورنر يقولك طب انا كده انا هثبتلك، انا حرامي انا حرامي وهسرق مش انا سيء انا السيء في روايه الجميع.
فاصبح ان انا بقى عندي هنا مشكله ثانيه طيب مشكله ثالثه لما نتكلم مثلا عن الاداره اصلا بتاعه الموضوع داخل شركات الشحن مش سهله خالص مش سهله اطلاقا اطلاقا اطلاقا ولذلك انا بقول دائما وابدا اللي عايز ينجح في موضوع الشحن تخصص في محافظه او اثنين لو سمحت اساسا..
تخصص في محافظه او اثنين يعني في ناس شغاله قاهره وجيزه بس ويارب يعرفوا يسدوا عليها يارب يعرفوا يسدوا عليها..
ليه لان تقريبا يعني الاحصائيات بتقول ان من 40 ل 55% بتطلع في ثلاث محافظات.. من اجمال الاوردرات بتطلع في الجمهوريه كلها.
قاهره جيزه اسكندريه فيارب تسد على القاهره والجيزه.
- انت بتتكلم في نص مصر بالنسبه للاردرات.
- والله هتشتغل يعني هتفتح قاهره وجيزه بس هتشتغل تفتح قاهره بس هتشتغل تفتح جيزه بس هتشتغل تفتح اسكندريه بس هتشتغل بحيره بس هتشتغل وهتبقى وكيل وهيجيلك اوردرات.
يعني هتشتغل لان احنا قوه شرائيه كبيره جدا احنا ما بتكلمش على حاله ماديه بس انا بتكلم على عدد بتكلم على 120 مليون بني ادم امم 120 مليون بني ادم انت سوق قوي سوق كبير وفي تنوع رهيب وفي تباين ما بين الطبقات في عندك A وA+ وB وB +وC وسي عندك لحد z وكل سيجمنت من دول ليها الاحتياجات بتاعتها فانت سوق قوي جدا انا دايما بقول ان السوق المصري سوق عظيم عكس ما الناس بتقول ان هو مش لا..
سوق عظيم هتقولي متعب ما كل الاسواق متعبه يعني.
- مفيش حاجه ببلاش.
- مفيش حاجه ببلاش يعني بس انت في المقابل سوق المصري مفيش فلوس لا في فلوس.. السوق المصري مفيش شغل لا في شغل مفيهوش فرصه في فرصه طبعا.
ولو مكانش في فرصه مكناش شفنا الجاب الكبير جدا ما بين التوظيف في الشركات اللي عندهم مشاكل والكوادر اللي موجوده وكل الكلام اللطيف ده.
فاصبح ان مشكله الشحن مش بس عند شركه الشحن وليه ابعاد ثانيه طب عندي انا.. اه عندي انا ممكن يبقى في مشكله كواليتي منتج كواليتي عميل انا اصلا مترجت غلط اي الكلام غلط عن المنتج المنتج ده رايح فيه في عيب صناعه في مشكله مش هو اساسا عندي انا عندي مشكله اهو،
في مشكله من العميل اه عادي ممكن يبقى في مبقولش العميل ملاك بجناحات ما العميل ممكن انا عميل وانت عميل وغيرنا عميل بيبقى لنا حالات ممكن ابقى انا طالب اوردر وحصل عندي ظرف ومحرج اقول للمندوب فتهربت منه بيحصل كتير جدا على فكره تمام كده ف اصبح ان بقى في هنا مشكله وهنا مشكله بس انت شطرتك تعرف السبب عرفت السبب بتبدا تعالجه عشان توقف نزيف الخساير معرفتوش ما تزعلش بقى ما ترجعش تصيح يعني هتلبس بس خلينا نعترف ان الشحن.. صعب جدا.
- وتنفيذه وتصميمه وبرمجته شيء مش سهله.
- والله صعب وعايز فلوس كتير وبيكلف كتير يعني في شركات موجوده مش عايز اذكر اسم بس في شركات دلوقتي النهارده صرفت من ملايين الملايين على السيستمز بتاعتها.
- ووصلت لحد فين السؤال اللي جاي؟
وصلت لمنطقه كويسه جدا بس ستيل ان هم احسن الوحشين وبرده يعني وصلوا لمنطقه تمام كويسه ومنطقه جلوبال كمان وبيؤدوا خدمه محترمه جدا وبيستقبلوا الاف مؤلفه من الاوردرات يوميا لكن هل هم معندهمش مشاكل؟
مينفعش هم بزنس عندهم مشاكل بيحلوا مشاكل و يعني بزنس زي اي بزنس عادي بس وصلوا حته كويسه اه وصلوا حته كويسه طبعا.
- هل دخلت على يعني سيستم موجود لقيت ان هو صعب الاستخدام؟
- طبعا انا السيستم بتاعي في الاول كان صعب الاستخدام كان مقرف.
- متقولش على نفسك كده انت حد جميل.
- لا والله بجد انا مكنتش مهتم خالص لا بالشكل ولا بالماعرفش ايه وبتاع لما اهتميت واحنا عملنا مع بعض المشروع واخدت ال UX واشتغلت عليه.
- لا بس انت معاك تيم دلوقتي ما شاء الله يعني.
- هما كملوا على شغلك على فكره عشان تبقى فاهم خدنا نفس السيكونس ونفس كل حاجه النهارده لا فرق..
السيستم كان مصدوم يعني عندي كان شكله مصدوم كان بيقرف الناس اللي شغاله.
- بص هي انا ما بشوفهاش حاجه وحشه انا اقولك حاجه دايما عندي وجهه نظر مختلفه شويه عن الناس اللي شغاله في السوفت وير والتكنولوجي نقولك ده انا النهارده عندي مشاكل في الشغل ما احنا طول شغلنا بنحل مشاكل.
فاهمني انا رايح النهارده انا مش كل مافتح شركه جديده انا كل يوم بحل بطور بحل بطور فالطبيعي، انا اكتر حاجه كانت مميزه في السيستم كانت ان هو مليان فيتشرز ما شاء الله ولكن كان فيها سنه من ان هي كتير.
- عايز اقوللك والله ان الموجود ده مش 20% من اللي انا عايزه يعني.
- ايوه بس هو عارف الكتير ده محتاج يتظبط.
- بالظبط يبقى يبقى سهل الوصول اليه واضح لاي حد داخل يفهمه، يعني انا هقولك على حاجه انا اي سيستم في الايكومرس في التشغيل في الدنيا كلها ازعم يعني ده بفضل ربنا سبحانه وتعالى ان انا ادخل اعرف المه في ثلاث اربع تيام، يعني اقعد كده جلسات متقطعه المه وافهم ايه رايح فين وجاي منين وليه.
- بس انت بخبرتك.
- ده يعني بفضل ربنا اولا خبرتي في الموضوع ثاني حاجه عشان خاطر فيه ستاندرد.
فانا لما دخلت في اول سيستم اتسوحت بس فهمت لما دخلت الثاني لقيت في تشابه كبير جدا ففهمت الثالث خلاص بقى في حاجات استاندرد ادخل عليه انا عارف ان هنا هيودي على هنا هيودي على هنا في الغالب بنسبه 90% هيبقى هو ده ده الفلو فاهمني. فلا يعني الواحد بقى كده من الممارسه.
- طيب لو شركه النهارده جايه تستشيرك انا هعتبر ان انا هفتح سيستم ايكومرس مثلا وجاي اقولك دلوقتي انفست في واحد اتنين تلاته فانت جيت قلتلي.. هل او ايه الحاجات مش انا مش هقولك حتى كاوبشنز انت ايه الحاجات اللي تخليني كشركه اعمل حاجه كويسه من الاول؟ بدايه من الاوبريشن لحد التصميم ايه الترتيب الاولويات.
- طيب هو لو حد جه فتح حاجه ولسه هيفتح حاجه ثانيه؟
- بيجهز بيبلان لسه
- بيبلان لسه انا بقى بشوف امكانياتك ايه؟ انت عندك نو هاو ولا لا؟ فاهم انت داخل على ايه ولا لا؟ عندك استعداد توصل لفين بعد قد ايه؟ عايز توصل لفين بعد قد ايه؟ عايز تعمل ايه؟ المهم عندك ايه ايه الاوبجيكتيف بتاعتك؟
لما اعرف الهدف بتاعك ابدا احدد معاك احنا هنعمل ايه يعني في حد يجيلي الهدف بتاعه يخليني اقوله مينفعش تفتح مخزن عندك تعالى خزن عندي او عند فلان تعال انا هعمللك انا عندي الاوبريشن هشيلك انا الهاسل ده..
ده مش بتاعك مينفعش تشتغل فيه لان انت هتطحن فيه جامد يا اما هتدفع فلوس عشان تجيب حد اكسبرت يشغللك الدنيا ويبنيهولك.
تمام فده مش مناسب ليك ولا امكانياتك دلوقتي امم تعالى اعمل انت نص الشغلانه وادي لحد تاني نص الشغلانه، لما تبقى شاطر في النص الاولاني ابقى جرب في النص الثاني. حلو جدا.
في حد تاني عنده امكانيات كبيره وعنده يعني المايند ست بتاعته كويسه تمام وعنده استعداد يدفع ويخسر، في بادجت موجود.
اه يعني عنده مستعد ان هو مثلا يفتح مشروع ست سبع شهور بس ان هو يبني حاجه قويه سنه ويبني حاجه قويه فده ده تعالى بقى تعال نبني مع بعض سيستم بقى كبير تعال بقى تعال يعني اوريك الاوبشنز المتاحه على حسب البادجت بتاعتك ونقعد نبلان مع بعض ونحط الاوبجكتف والكي ريزلت بتاعتنا كل الكلام اللطيف ده..
نقعد نعمله ونحطه على الورق ونشتغل عليه ويبقى عندنا هدف ونوصل ليه. فهي الفكره كلها لما حد بيجيني انا بعرف هو انت ايه؟ انت معاك ايه؟ بتعمل ايه؟ امكانياتك ايه؟ رايح فين؟ يعني لازم ان انا اقدر اوظف كل واحد في امكانياته.
ولكن اللي انا بقدر اقوله لاي حد.. حاول تعمل كل حاجه من الاول صح حتى لو بامكانيات صغيره بس ابدا على نضيف.
يعني دايما انا عايز ابني عماره ام مش هينفع خالص ان انا ابني عماره على اساس هش فهضطر اهدها وابنيها من ثاني ام وانا ابنيها على الاساس اللي انا موجود فيه دلوقتي فاهدها وابنيها من ثاني ولذلك دائما البلان محتاج حد عنده خبره مدعوك في السوق بلغه السوق كده وعنده رؤيه.
انا عارف يعني حسب ما انا قعدت مثلا مع مدير الشركه وقعدت مع صاحب البزنس وفهمت رؤيتهم عامله ازاي؟ عارف ان انا بعد المفروض عايز اوصل للنقطه دي فعشان اوصل للنقطه دي انا لازم يبقى عندي استراكتشر تحت عامل واحد انين تلاته.
لازم يبقى عندي رسمه بشكل معين طب انا امكانياتي بتقول ان انا ماقدرش اعمل ده بس اقدر اعمله بنسبه قد ايه هيديني كوالتي قد ايه طب انا هتقبل الكوالتي ده لا.. طب هنشيل وهنعمل لحد ما نوصل للمعادله اللي تخلينا نقدر نستارت بس نبقى فاهمين يعني ممكن في حاجات تتشال وعشان كده بقول ان كلام الكتب مهم جدا مهم جدا لان هو ما جاش من الهواء هو جه من خبره ناس حلو..
لكن هل يطبق 100%؟ مستحيل لبزنس صغير مستحيل بس لازم ابقى عارف ان هو ده الصح ده.
- هو اللي جاي.
- انا هعمل ده اوصل لمرحله هعمل ده طول ما انا عارف ان انا هوصل لمرحله هعمل الكلام ده اللي هو كلام كتب اللي هو البيست براكتيس اللي هو الاكسبيرينس فانا همشي صح.
- طول ما انا شايف النتيجه النهائيه اللي انا هوصلها فانا تمام.
- لكن انا هقعد اقول يا عم كلام الكتب بقى وجع الدماغ والدنيا وماعرفش ايه.
- عامه الناس اللي بتضحك على نفسها وبتهنبك دي بتقع في الاخر.
- الفهلوه والفزلكه اخرتهم ايه ما فيش بتلبس في حيطه اه بتلبس في حيطه وخساير وديون و خلاص الموضوع انتهى.
- نفترض دلوقتي ان انت يعني مش فرضا انت بتعين حد النهارده خاصه يعني في الجانب بتاع التكنولوجي ناس مبرمجين فرونت اند باك اند يو اكس الكلام ده انت مستني ايه من الشخص ده؟ ومعلش سؤال تاني امتى ممكن تقول لا انا مش جاي معايا السكه دي مش مش راكبين مع بعض في الشغل؟
- يتقي ربنا فيا بزياده حس بيا دي اول حاجه يعني او اي اي حد بيشتغل معايا انا بتمنى من الله سبحانه وتعالى ان هو يكون حد بيتقي ربنا فيه وانا حتى الان ما حدش ربنا سبحانه وتعالى ما وقعنيش في حد في التك وحش.
- ده ده ده من نعيم الدنيا انا عارف انا صاحبك بقولك لا ما بتجيش.
- الحمد لله ربنا اكرمني بالناس اللي معايا ناس محترمه شبعانه بتتقي ربنا بتعمل الحاجه ب..
- انا قبلتهم بصراحه فاشهد يعني.
- بفضل والله فضلا عند ربنا انا ولا يعني ولا لي يد في الموضوع خالص لكن مين اللي ما يجيش معايا سك انا مبحبش الشخص كثير الاعذار في ال في العموم.. واللي بيمشكلني يعني يعملي مشكله في كل حاجه كل ما اقوله على حاجه يقولي هنا في مشكله هنا في مشكله هنا في مشكله، ايه يا معلم.
- انت جاي تشتغل.
- انت يعني هي مش كده احنا في حاجه اسمها ان دي مثلا ممكن ما تعملش ما تتعملش كذا بس في طريقه ثانيه نعمل بيها كذا.
- يعني دايما هاتلي الحل وانت جاي.
- ايوه تعالى نتكلم مع بعض متجيش تقول لي في مشكله بس ما ترميهاش في وشي ما انا مش جايبك عشان تقولي ان في مشكله، انا جايبك عشان تحل مشاكلي ولما يبقى في حاجه نعديها مع بعض ونشوف الورك راوند عامل ازاي؟
طب ايه اللي ممكن ننصمه دلوقتي وايه اللي ممكن نهد ونبنيه وامتى نعمل ده وامتى نعمل ده.
- وهل ده قابل ولا لا طبق دلوقتي.
- بالضبط فاللي هو ما تمشكلنيش مش كل شويه مشاكل مشاكل ما بتقول عندي مشكله عندي مشكله عندي مشكله طب وبعدين هنحل امتى.
- انا هاخد منك المصطلح بتاع متمشكلنيش انا هاخده.
- مش كل شويه مشاكل مشاكل انا ما بحبش الشخص اللي كل شويه يقولي مشاكل ام بحب الشخص دايما اللي عنده.
- وقعت في حد كده قبل كده؟
- اه طبعا طبعا.
- يعني مشيته ازاي؟
- يعني مشي هو اتزنق مشي، انا دايما يعني في بيبقى في حاجه غلط امم في يعني انت الاوت بوت والانبوت اللي انت بتدي انبوت في ادي الاوت بوت بقى بتدي الانبوت بشكل الاوت بوت بيطلع بشكل مختلف او في حاجه غلط عكس اللي انت شرحته..
انا دايما بخلي كل حاجه دكيومنتد يعني انا لما باجي اشرح لحد حاجه بصور له على التاب وارسم له وبتاع وابعتله فيديو.
اللي هو كل حاجه معاك اتفضل انا دي الرسمه وده الفلو وانا عايز كذا والعمل بيعمل كذا من كذا لكذا وبيبقى عندي البورد بقعد ارسم له عليها واجي اقوم وانا مصور له فيديو مصور له صوت خلاص وانا موجود في اي وقت انت عايزه اسالني.
يعني انا الديفولوبرز اللي معايا مبسوطين بيا ان هم بيسالوني في اي وقت برد عليهم انا جربت في اي وقت برد عليه لان انا عارف ان وقته غالي وعارف ان هو بيبقى واقف في حته وهو واقف في وسط الكود يعني هو بيبقى فاتح اصلا الشاشه ممكن يبقى هو شغال في حاجه تقف في وشه عايز يرجعلي بسرعه ياخد مني بس ابروف على حاجه او ان انا اقوله اعمل ده او ما تعملش ده او لا خلي بالك ان في كذا لان هو عايز على حاجه بزنس وايز..
فلو انا مارضتش عليه بسرعه هيفضل عطلان خلاص ضيع وقته ووقتي وخسرك. فانا المبرمج ديفلوبر يتصل بيا يكلمني يبعتلي على الواتساب يلاقيني في التو واللحظه ارد عليه.. يعني ماكسيمم الوقت اللي انا اتاخرت فيه على حد وانا نايم. انا صاحي ديفلوبر معموله بن على طول عندي في الواتساب.
والله اول ناس الديفولبرز ارد عليهم على طول لان الحاجه اللي انا بعملها اللي هو بيعملها انا طالبها منه ومش طالبها منه اعتباطا طالبها منه عشان هتحل لي مشكله عايزه يخلصها بسرعه عايز تخلي الديفلوبر يخلص بسرعه ارسم له رسمه مظبوطه فيها تفاصيل التفاصيل..
عشان دي بس معلومه هقولها لاي حد عايز يبني سيستم.
- خلينا نقول الموضوع للديفولوب والديزاين كله.
- اي اي حد ادي بريف كامل في تفاصيل التفاصيل.. يعني المشكله في الديفلوبنج برده حاجه صغيره ان انت ممكن كيوزر او ككلاينت يتهيأ ليك او تفتكر او تتخيل ان تعديل صغير مالوش لازمه ولكن التعديل ده في الباك اند هيهد اللي انت عملته كله..
- بالظبط اللوجيك خلاص اتضرب اضرب في مقتل.
- فاصبح ان حضرتك لو سمحت وانت بتشرح للديفلوبر استفيض وقول مشاكلك انا عندي مشكله كذا وبقى متحوش معلومه يعني انت متخبيش على المحامي ولا الديفلوبر ولا المحاسب خبي على مراتك عادي..
ماتخبيش على الثلاثه دول ليه لان الديفلوبر انت لو خبيت عليه حاجه او انت ما قلتش الحاجه دي تيجي تشتغل تقوله لا ما هو في كذا هتلاقيه تنح يعني يا اما رمى الجهاز في وشك يا اما ساب الشغل ومشي ليه لان انت ضيعت عليه شقى مثلا اسبوعين.
- هو قاعد شغال في حاجة هو قاعد شغال في حاجه غلط خلاص..
- انت انت النهارده عايز تقوله أصل انا كنت فاكرها بسيطه لا مفيش حاجه اسمها كنت فاكرها.. بعد اذنك خليك يعني واضح جدا مع الديزاينر مع اليو اكس مع اي حد شغال على جهاز وبيعملك حاجه عشان يطلعلك فاينال برودكت لو سمحت اتكلم في في ادق التفاصيل والله تفصيله صغيره تفرق في المشروع كله دي حقيقه فدي حاجه مهمه مهمه لاي حد شغال وهو بيبني سيستم اتكلم مع الديفلوبر كتير واحكيله عن مشاكلك في البزنس يحلهالك.
- خلينا بقى نسيب حته الاوبريشن دي واللي جوه واللعبكه والسيستمز المعقده دي ونروح للحته الاند يوزر اللاند بيدجز والكلام ده انا عارف ان هي ليها معايير كتير وفي كونفرجنز وليله ويو اكس رايتنج والكلام ده كله وال copies والكلام ده كله ليه impact او عوامل مؤثره يعني بس انت من وجهه نظرك ايه الحاجه اللي تخلي اليوزر العادي بقى يدخل يشتري من من ويب سايت بسهوله كسايكل.
- اول حاجه يعني انا بقول دايما اليوزر هو راجل مش بالضروره يكون حد اكسبيرينس في البزنس حلو هو ممكن يكون عم محمد البسيط اللي في قريه ممكن يكون محمد باشا اللي في كومباوند ممكن يكون محمد العادي اللي في اللي في شقه عاديه بالضبط ممكن يكون في اي حد من اي سيجمنت تمام الفكره هنا انا هعمل اليو اكس واليو اي بتاع الحاجه بناء على الاوبجكتف بتاع المشروع بتاعي..
انا عايز مين يدخل يشتري المنتج ماشي يعني في اوقات بنلاقي بتوع البرفورمنس والميدي باينج والماركتنج هو بيعمل فانل معينه بداخل اللاندنج بيج او الويب سايت.
عشان ميعديش من الفانل ده غير ناس معينه ده زي فلتريشن كده.. هو عايز حد من سيجمنت معينه تمام فالحد ده لازم يكون فاهم هو من culture معينه فهيعدي الفانل.
ده عادي لان هو بيشتري من بره بيشتري من مصر وبتاع فالفانل دي معروفه خلاص هو بيأكت لايك براند فهو الشخص ده.
- هو عايز الشريحه دي بس اللي تشتري.
- اه فهو الشخص ده اصلا بيشتري من بره فهو جاب الاستاندرد اللي بره وعمله هنا اهو فالناس البسيطه او السيجمنت اللي تحت هو مش هيبقى فاهم ده هيبقى بالنسبه له تايه ام طيب في حد تاني يقولك انا تايب سي، type c ده كتر خيره ان هو بيشتري بالضبط من كل النواحي يعني سواء من قدره شرائيه او الكالتشر او وجع الدماغ وبتاع فانت ده لازم اليو اكس واليو اي يبقى يبقى بسيط وسهل ومباشر.. مباشر بشكل كبير امم يعني ما يبقاش فيه حاجات كتير لعب كتير ام خليك مباشر مع الراجل على طول ادي المنتج ادي السعر ادي الوصف ادي اسمك والعنوان ورقم التليفون سلام عليكم.
- ابعت الاوردر دن.
- سلام عليكم بقى في مرحله ثانيه بتيجي بعد كده في الاوبريشن ان انا بعمل كونفرميشن كول وابدا اتكلم واعمل اب سيلينج و سيلينج الكلام اللطيف ده كله لا ببدا ان انا اتكلم اصلا معاه يبقى انا جبت الليد ده بالنسبه لي ليد انا جبت الليد وعملت كونفرجن ان هو بقى ايه بقى بقى عميل وما الى ذلك يعني السايكل بقى الفنل اللي بيمشي فيها.
فهي الفكره كلها الحاجه المشتركه ما بين كل دول ان لازم يبقى السايت مريح للعين..
- طيب انا هسالك حته تكنيكال شويه بعيدا عن اليو اكس بس هي المفروض ان هي مفيده لاي حد شغال معاك هل انا النهارده النهارده لو بيني وبين كريم شغل هل من الضروري ان انا اقرا في الاندستري بتاعتك عشان اتمكن من الشغل معاك؟
- طبعا لازم تفهم يبقى عندك الاوت لاينز.
- هل انت بتدي مساحه بقى للناس اللي معاك انم يفهموا ده؟
- اه طبعا انا بقعد اذاكر لهم مثلا اساسا اه مش لازم افهمه يعني انا مثلا عشان كنت اغير اليو اكس واليو اي بتاعي عشان كده قلت لك انا دفعت فيه كتير مش فلوس دفعت فيه وقت ومجهود وفلوس فلوس قعدت اذاكر للناس الاول.. افهمهم انا بعمل ايه.
ما هو عشان يعمل لي الورك فلو مظبوط لازم يفهم منين رايح فين؟ ومنين بيسمع في ايه؟ هيفهم منين ويعرف ده.
ويعني احنا كنا بنتكلم في تفاصيل دقيقه جدا التفاصيل دي اللي هي ايه مثلا ان الكليك بتاعه الماوس لما تتحط في بوكس معين لازم تفضل في البوكس بسيطه اهي تفرق معايا في الانتاجيه.
- ازاي بقى.
- انا النهارده بشتغل بهاند سكانر تمام الهاند سكانر دي شغلته اللي هو بيقرا الباركود يدوس انتر..
- لوحده كده.
- فانا النهارده هو ما بقاش العامل مضطر ان هو يمسك الماوس ويبص للشاشه ويجيب الماوس تاني على البوكس فانت كده انت وفرت وقت الخطوه لكل مره فبقى العامل بيعمل ايه بيسكان بس بيسكان حته تك تك تك تك فتك دي هو بيعمل كام حته في الدقيقه.
- نص العمليه توفر كانك وفرت 200%.
- يعني انا مثلا عندي الحته ممكن اعمل لها سكان سكان كده انا كنت لسه بعمل تجربه عادي وانا شغال عادي ولا حصر نفسي ولا حاجه عملت دخلت 450 قطعه على السيستم في 25 دقيقه ام ما شاء الله فاحنا لو بنتكلم في ساعه المفروض اطلع 1000 قطعه لو حد متمرس وشغال ايده شغاله في الشغل ليه لان انا مش بص على الشاشه اصلا في عندي شاشه انا ببص بس البتاع بيضرب وخلاص وانا ماسك تك تك تك تك تك تك فماخدتش معايا وقت فهنقول ان عامل مثلا ممكن يبقى مستواه اقل انا او انا عشان ايدي في الشغل اكتر هو لسه بيتعلم هنشيل منهم 200 هنشيل 300 بقى العامل الانتاجيه بتاعته 700 700 قطعه في الدقيقه انت لو في الساعه.
- لو واحد شغال ثمان ساعات شفت ولا حاجه.
- سيدي مش هيديني الكفاءه كلها بس على الاقل هيطلع لي 3 4000 حته.
- في اليوم ده تحفه.
- بس فعامل واحد لان احنا يعني احنا ماكلمناش حته التكنيكال بتاعه الاوبريشن بس انا الاوبريشن بتاعي هي كوست ريدكشن كاستمر ساتسفاكشن انا الكوست ريدكشن انا بالنسبه لي ان انا اعلي الانتاجيه بتاعه العامل وهو برده مرتاح.
- ان نفس العامل يعمل شغل اكتر ويكون مبسوط.
- وسهل وصح دي معادله مش سهله فلازم تبقى انت فاهمها اصلا فاهم فاهم ايه اللي بيحصل.
- انت متخيل كليكايه زي دي فرقت فأوبريشن قد ايه؟
- اه كليكايه اه تخيل بقى التفاصيل الصغيره تفصيله صغيره هي حاجه كده حاجات كده صغيره حاجات صغيره حاجات صغيره بتفرق فلازم اللي شغال معايا في السوفت وير او اللي بيعملي سيستم لازم يكون فاهم انا بعمل ايه وبشتغل ازاي والعامل ده واقف قدام الكمبيوتر بيعمل ايه.
- ويكون فاهم كمان يعني في مصطلح عندنا كده اسمه البحث الميداني هي الحته اللي انت بتتكلم فيها دي ان انت تبقى عارف الشغلانه بجد بتعمل ARP المصنع روح اقف في المصنع في وسط العمال وشوف الكلام بيعمل ايه؟
- انا بقول للشباب يعني انا كنت برده في ندوه كده في كريتيفا في في محافظه من المحافظات فكان اغلب الناس اللي موجودين كانوا الشباب بتوع حسابات ومعلومات والناس اللي شغاله في البرمجه لما جم بيسالوني قلتلهم لو انتم عايزين تبقوا مبرمجين متميزين في وسط الهوجه الكبيره دي افهم بزنس.
- هو النهارده انت ماركتنج من غير بزنس ديزاين من غير بزنس اي حاجه من غير بزنس.
- افهم بزنس انت هتبقى لو فهمت بزنس قلتله هتقدر تعمل بروجكتس تكسب منها كتير بالظبط وهتبقى بسيطه أوي وتافهه بالنسبه لك تعمل حاجه بسيطه أوي حاجه صغيره خالص هي بتحل مشكله بتسد جاب تكسب منها كتير جدا جدا وبنشوف ده كتير يعني الهنود شاطرين في ده أوي الباكستانيين شاطرين في ده جدا بيعملوا حاجات حاجات تافهه لكن بتجيب فلوس كتير.
- بتحل مشكله.
- بتجيب فلوس كتير اه انا يعني انا عارف يعني انا.
- فانا بقول للشباب يا باشا انت اتعلمت برمجه شكرا افهم بزنس افهم افهم ما بقولكش ذاكر واطلعوا وبتاع دي مرحله ثانيه افهم.
- هو بس عارف الفكره اللي انا بشوفها جدليه في الديزاينرز بصراحه ان ساعات ما بيكونش فاهم ان تكلفه ده على البزنس ايه هو بالنسبه له مقترح بيقوله زرار شكله حلو وساعات بيبقى مش شايف ان الزرار ده ممكن يهد المعبد و.
- بص الموضوع متبادل.
- انا فاهم انا فاهم انا بس بقولك ايه ان ساعات دي بتاثر جدا ان الشخص اللي شغال مش فاهم اللي ورا البزنس ده ايه؟
- في كوميك كده اللي هو بيجي الديزاينر او اليو اكس عامل حاجه جامده جدا يديها بتاع الفرونت يبص له كده.
- انا عندي فيديو هبعتهولك.
- في فيديوهات كده لا فاللي هو بص مش كل حاجه حلوه في عينينا وكل حاجه بنشوفها ينفع نطبقها لان هي الكوست بتاعها بيبقى كبير ممكن ما تطبقش ما تطبقش بشكل كويس ممكن ما تنفعش البزنس حاجات راحه جايه
- ممكن ما تنفعش اللي هيستخدمها اساسا كبرسونه يعني.
- هي مش مظبوطه مش مظبوطه مع المسدج بتاعه الشركه مش مظبوطه مع الايدنتي كلها في حاجات كتيره جدا كذلك برده الموضوع من العكس من عند العميل يعني بالضبط يعني برده العميل عنده مشكله ان هو شايف ان دايما الديزاينر او الديفلوبر او اي حد شغال كده على الكمبيوتر هو شغال على الكمبيوتر انت هتعمل ايه يعني.
- بيلعب.
- يعني انت ما انت بتعمل ايه يا عم انت.
- زرار.
- والله هي الكلمه دي بتقل اه دوس اوكي تعال دوس عليه بالضبط تعال دوس، انا دايما بتبنى يعني الناس اللي شغاله ان هي انا وسط الاثنين فهي اعطي كل شيء قدره برده الديزاينر شايف دايما العميل مقرف وبتاع لا يعني برده هو العميل بيبص بزنس وايز لو انت جيت مكانه لو بدلنا الكراسي لا اشوف هو شايف ايه.
- بالضبط ده حقيقي يعني انا دايما بحاول ان انا انقل بقى للناس اللي شغاله معايا مش شايفه احنا شايفين ايه؟
انا بحطه بديله عينيا بقعد احكيله اقوله بص انا العامل عندي بيعمل واحد انا ممكن اقعد مثلا فويس خمس دقايق و10 دقايق اشرحله احنا عندنا ايه وايه المشاكل بالتفصيل والعامل بيبدا يومه ازاي بيشتغل ازاي اول ما بيجيب المنتج بيجيبه ازاي منين بيعمل ايه بيحط قدامه ازاي يعني بقعد اشرحله كل التفاصيل.
لان الموضوع اولا عشان افهمه انا بعمل ايه بالضبط واديله كل التفاصيل تاني حاجه هو ممكن يفيدني ممكن يديني اقتراح لان الديفلوبر برضه شغال مع اكتر من بروجكت فهو اشتغل مع اكتر من مايند ستيت فشاف اكتر من طريقه. فممكن اقترح عليك طريقه اسمع اسمع.
- الموضوع مليان.
- مليان جدا.
- طب بص يعني نصيحه اخيره خلينا نقول للناس اللي بتشتغل كديفلوبرز تكنولوجي ايا كان في حته الكريتيف بشكل عام ماركتنج ولو حد بيفتح بزنس بشكل عام مش لازم في الافيليت ولا في الايكومرس ولا كذا بشكل عام انت من واقع خبرتك وتجاربك انت شايف لو واحد بيتعلم حاجه هيشتغل موظف ولو واحد بيفتح بزنس.
- نسمع بعض.
- يعني ما تختزلش الكلام انا عايز منك اكتر من كده.
- هي الفكره كلها هي تختصر في دي ليه نسمع بعض ليه ما يبقاش كل واحد ينتصر ان هو انا اللي صح هو الديفلوبر شايف حاجه من وجهه نظره دي الافضل كتكنيكال وانت كبزنس انت عايز دي بس دي مش افضل ليك تكنيكال.
اسمعوا بعض بقى نتكلم مع بعض يعني انا دايما عندي الديفلوبر اللي معايا ربنا يبارك فيه يقولي احكيلي مشكلتك يقولي قولي ايه المشكله تعالوا نفكر مع بعض نعمه ببقى مبسوط جدا وانا بتناقش معاه ممكن النقاش يقعد يومين ما بنشتغلش ما بنعملش حاجه بس.
- هنوفر وقت.
- ما بنعملش حاجه يعني هو وقف خلاص ما هو بيعملش حاجه هو خلص التاسك اللي معاه وبنتكلم في التاسكايه نقعد يومين ثلاثه بنتناقش مع بعض وبعد ما نتناقش نعمل ده دكيومنتد اديله ابروف ويبدا يشتغل..
فبنسمع بعض وساعات كتيره جدا انا هو انا حافظ انا حافظ كل بوتون في السيستم عندي حرفيا كل زرار عندي في السيستم انا حافظه بيعمل ايه هو ساعات بقى يجي يقولي طب خلي بالك بقى عشان احنا لو عملنا كذا ده هيرفليكت هنا اه هو بقى هو فاهم بزنس بقى ده هو فاهم بزنس كمان يقولي هو انت ناسي ان احنا عملنا كذا كذا اللي بيعمل كذا ده كده انا لو عملت ده هيهد ده.. اقول له اه يا ابن الذينه.
- فهو بقى فاهم بزنس معاك.
- بالظبط بقى نعمه بصراحه بقى في حاجات انا بديهاله اصلا خلاص هو يعني هو بيخش يدوس يطلعها زي ما انا عايزها 100% فالنصيحه اللي انصحها لاي حد في الدنيا كلها وانت بتعامل مع طرف تاني اسمعه اسمعوا بعض.
ده رقم واحد رقم اثنين تقبل ان في نسبه خطأ انا مكنتش بتقبل ده انا بعترف انا مكنتش متقبل ده خالص بس في بقى اكشنز بتتاخد..
يعني انت مثلا في خطأ حصل اوكي بنتكلم كلم وبتاع ده حصل ليه يا جماعه؟ في بقى مشكله هنا ان اول ما بيتسال سؤال ليه؟ تلاقي الطرف الثاني تحفز..
- اه اللي هو انت بتهاجبني انت بتغلط فيا؟
- انا عايز اعرف ليه ليه ليه مشكله ايوه ليه؟ ليه ما عملتش ده فهمني؟ اشرحلي الموضوع اللي انت هتشرحه هيفيدني عشان اعرف اقفلهولك. فاهم بس مش ليه اللي هو… كده.
هو انت عايز بني ادم انسان ألي لا يا معلم مش عايز انسان ألي انا عايز افهم ليه؟
يعني ده سؤال مش حرام قولي ليه فتلاقيه بيرد رد تاني يا عم قولي ليه؟
- فيه تحفظ.
- فدي مشكله فلا يعني لما نسال نجاوب عادي ايه المشكله مفيش مشكله نتكلم مع بعض يعني عادي وفي نسبه اخطاء اه في نسبه اخطاء بس احنا دايما يعني دايما بعمل انا بعمل حركه دايما بتعامل بيها ان انا ببين قدام ان انا مش عايز غلط خلاص لكن في الخلفيه انا متقبل تمام انا عادي ما عنديش مشكله بس لازم برده ابقى انا اللي هو ايه انت غلطت ليه ايه اللي حصل كذا كذا كذا طب ليه احنا مش قايلين واحد اتنين تلاتة احنا مش متفقين على كذا كذا..
فاللي هو لا لازم تعرف ان الخطا ليه حساب لكن في نفس الوقت انت لازم تكون متقبل ان في خطأ، لازم احنا بني ادمين واي حاجه فيها تدخل بشري لازم يحصل فيها غلط كل ابن أدم خطأ مفيش حد في الدنيا كلها مش هيغلط انا بغلط وغيري بيغلط كلنا بنغلط يعني فهي.
- حته حلوه دي والله بص انا يعني انا انا مكنتش بقبل الغلط من حد وكنت بهاجم اي حد ينتقدني.
- اولا لصحتك ولمصلحتك كبزنس اونر عشان بس نبقى واضحين انك تتقبل لانك لو ما تقبلتش برده الغلط وقع وحرقت دمك وحصلت وحرقت دمك.
- احنا عايزين نحلها بقى.
- اه وضغطك علي ومش هتركز ومش هتعرف تحل المشكله وعبال ما تهدى وتحل المشكله يكون فات وقت فخسرت زياده شوف بقى لكن لا ا تمام هو حصل غلط في انت حاطط رولز للموضوع تمام وقع الجزه وتعالى شوف بقى المشكله دي هعرف اتجاوز عن الجزا والموضوع مش مش مؤذي اعرف ليه قفلته خلاص الموضوع..
انت اصل لازم اتقبل ان هو بني ادم وبيغلط يعني ما انا بغلط انت مش بتغلط كلنا وانا بغلط وكلنا بنغلط انا حتى لما باجي اشتغل بايديا ساعات بغلط عادي ايه المشكله اطلع حاجه غلط.
ما كلنا كده ف الموضوع ما فيه ان انا النهارده لازم اتقبل يبقى في خطا ولكن حاجه برده في طبيعه النفس البشريه ان اللي قدامك لو حاسس ان انت متساهل في الخطا هيفضل يخطأ يخطأ على طول من أمن العقاب اساء الأدب.
فبرضه لازم يبقى في سياسه الثواب والعقاب وتبقى عارف اللي قدامك لا انا ما ينفعش اغلط لان انا في عندي سيستم وفي نظام لكن انت داخليا انا دايما وانا بعمل بزنس واحنا بنحط ميزانيه واحنا بنعمل اي حاجه في نسبه هالك.
- طبعا في نسبه خساير في هدر.
- في كل حاجه بس فانت كده كده بتعمل حسابها بتحاول تقللها عشان ده يبقى بروفيت بالنسبه لك زياده والكلام اللطيف ده بس لازم انت تتقبل لنفسيتك حتى مع العلاقات الشخصيه يعني انت دايما النبي صلى الله عليه وسلم كان يقول التمس لاخيك بيضعا وسبعون عذرا تخيل الواحد بس تلتمزله حاجه و 70 حاجه و 70 عذر ده كبير على فكره ده عدد كبير جدا ان انت التمس لحد فالنبي صلى الله عليه وسلم يقولك حاجه زي كده ده لمصلحتك انت على فكره مش مصلحه الشخص الثاني مصلحتك انت عشان خاطر نفسيتك تبقى انت لما بتدي العذر ده ما تديهلوليش هو مش شايفك.
-دي حاجه حلوه نختم بيها والله.
- بتديه لنفسك اه دي دي دي فلما تدي العذر لنفسك انت بتهدا فالشيطان ما يعرفش بقى ونفسك تقعد بقى ايه ازاي ويلا انت اللي بتاكل في نفسك يا حبيبي مش هو هو اصلا ما يعرفش هو عمل ايه.
- بالظبط بالظبط.
- هو ما يعرفش حاجه انت مرحتش كلمته اصلا فهو ما يعرفش هو عمل ايه انت اللي قاعد بتاكل في نفسك فانت لو اديت العذر قفلت الباب فريحت فلا هتعرف تفكر تعرف تحل المشكله وهكذا وبعدين يعني اخر حاجه هقولها يعني حاول دايما دايما دايما ادي كل حاجه يعني في مثل بلدي دي بنقوله دايما في السوق ادي العيش لخبازه ولو اكل نصه انا مش هقبل طبعا ان هو ياكل نصه بس ادي العيش لخبازه.
يعني اللي بيعرف يخبز اديله يخبز مش لازم تبقى انت خلاص تنط فيها تبقى انت الخباز خلاص عايز تبقى خباز ما عنديش مانع والله روح اتعلم ما تنظرش.
روح اتعلم روح اقف في الفرن صبي ماشي واتعلم تخبز ازاي عشان تبقى انت واقف بتخبز انت وتبقى برنس وتبقى انت المعلم معاك تدفع حق الرحله دي من وقتك مش هقولك فلوس..
انت هنا هتبذل مجهود وقت من مثلث بتاع هو في مثلث النجاح كده اللي هو وقت مجهود فلوس انا في اللي انا هعمله ده انا هدفع وقت ومجهود معاك طلعهم وادفع معكش ارجوك اديها لمختص واديله فلوس اشتري وقته واشتري مجهوده واكسب انت.
هو كسب فلوس خد الفلوس اللي هو اخدها دي على التاسك اللي هو بيعملها حضرتك اختصرت وقت ومجهود عملت حاجه محترمه جدا وخلاص الموضوع انتهى خلصت.
يعني بنشوف كتير في السوق اللي هو ايه ده فيه فلان يعملها بخمسه، انا عارف خليه يعملها انا كنت كده زمان كان برده امكانياتي بص انا من ضمن الاعذار اللي بنحطها للناس انا كانت برده امكانياتي في الاول ضعيفه جدا وما زلت يعني برده بنخبط بس الحمد لله ربنا اكرم شويه فالاول برده كنت بدور على الارخص.
- الارخص مش الكواليتي.
- اه بدور على ارخص ان معي فلوس انا عايز اعمل دي بس حاجه كده بس اكتشفت مؤخرا ان انا بدفع الاضعاف.
- اللي هو من الاول على مراحل.
- يعني انا مثلا في الاول المفروض ادفع فيها مثلا ا 50,000 جنيه امم تمام مش معايا دلوقتي.. بدفع 100000 جنيه على مدار سنه او على مدار ست شهور فاصبح ان انا دفعت دفعت الضعف ممكن يبقوا 150 كمان امم لكن لو انا عندي يعني شويه في النجوشيشن وتفاوض وبتاع ممكن اخد نفس الديل بسعر اغلى شويه اغلى شويه وادفعه على مدار سنه برده او على مدار 6 شهور
- اه وبجوده اللي انا محتاجها وبالجوده اللي انا عايزها ام فانا لو انا معيش ال 50000 جنيه كاش طيب بص انا عايز اشتغل معاك بس انا عندي مشكله في الكاش فلو فممكن نبدا اه ممكن نبدا على مايل ستونز وكل مايل ستون يبقى فيه دفعه بالظبط فبدل ما انا هخلصها في شهر يا سيدي خلصها لي في اربع شهور واديك انا في اربع شهور خمس شهور بالضبط كده اهو وانا كل ما تخلص نعمل مايل ستونز وكل ما نخلص مايلتون هديك دفعه خلص مايلستون هديك دفعه خلصنا الريكوايرمنت والكي بي اي بتاعتها تمام خلاص..
تسكايتي اتعملت خلاص اصبح ان انا عملت الشيء بالجوده اللي انا محتاجها ومن شخص اديته حقه وزياده كمان وفي نفس الوقت ما جاش على امكانيات بس يعني.
- خلينا نقول ان الخبره لها ثمن طبعا الخبره.
- ما احنا اتعلمنا ده لما احنا عملنا الغلط بقى فده طبيعي جدا بس احنا يعني بقول دايما اللي وقع في حاجه ارجوك علم غيرك يعني هو مش هياخد من رزقك حاجه ده رقم واحد رقم اتنين صدقني المنافسه بتبقى صحيه جدا
- ده شيء منطقي سوي..
- المنافسه صحيه اه يعني ما فيش ما فيش ابدا اي حاجه تقول ان انت لما تبقى لوحدك في السوق ده صحي لا ليك ولا للعميل لا ليك عشان انت مش هتطور في نفسك ما فيش حد بينافسك فعايز تبقى في كومبتيشن كده.
- في حاجه احسن ونطور ونكبر ونعمل حاجه مع بعض.
- وانت بتنافسني فهتاخد مني ماركت شير وانا هاخد فانت اخدت مني جزء النهارده زي مرسيدس وبي ام زي مش عارف مين ومين حاجه كويسه جدا وفي نفس الوقت الشركه اسمها بيكبر بتطور لكن النهارده انا لو اذكى واحد في الاوضه انا مش هطور من نفسي لان انا الاذكى اوريدي لكن لما ابقى في اوضه كلها اذكياء لا اكيد طور كلنا بنطور نفسنا وكلنا بنقرا زياده وكلنا بنفكر زياده وبنشوف نبهر نبهر العملاء بتاعتنا ازاي ونوصل لحاجه ومرتبه اعلى ازاي وكل ده في الاخر عشان خاطر يحقق الهدف الاخير بتاعي ان احنا كنا بنشتغل عشان ام انا عايز اكسب فلوس عايز يبقى الربحيه عندي زياده فالربحيه هتبقى زياده ازاي بالشكل ده هتقولي وانا لوحدي الربحيه هتبقى زياده.
مش لازم في شركات كانت لوحدها في السوق و واندثرت مجرد بس ما طلع منافس اول ما طلع منافس ليها وقعت كانت مستنيننا محدش هيطلع لان هي مكانتش عامله حسابها اصلا ف يعني لا المنافسه في السوق صحيه لو في مكان في اكتر من سوبر ماركت دي حاجه كويسه جدا..
لما بيبقى في سوق فبالتالي كميه الناس اللي هتيجي على المكان ده اكتر بكتير لو في واحد اكبر ففرصه ان يدخل لي زبائن المحل بتاعتي اعلى ففرصه المبيعات تزيد اكتر.
فهنتنافس مع بعض بقى بكود اخلاقي طبعا ده المفروض لازم يكون موجود نتنافس مع بعض فبالتالي انت مبيعاتك تزيد وانا وانت وكلنا فالموضوع بيفرق فلا يعني تقبل ان يبقى في منافس.
وبعدين تقبل ان انت ممكن في وقت من الاوقات تطلع منافس يعني انا بفضل الله اللهم لك الحمد والشكر شكرا يا رب دي حاجه انا يعني مبسوط بيها جدا ان انا في طلعت منافسين ليا في السوق ما شاء الله في نفس الاندستري وهم بيقولوا كده وانا مبسوط بده جدا وانا كنت مبسوط وانا بخدمهم ومبسوط ان انا بسببورت معاهم حتى الناس اللي شغاله لغايه دلوقتي انا بسببورت معاهم..
حاجه زي كده مبسوط بيها جدا اولا فتحت باب رزق في ميزان حسناتي طول ما هو شغال والناس اللي فيه شغاله.
ثانيا الناس دي النهارده بقوا سبورت ليا ما هو لما كبر النهارده ده بقى سبورت ليه في اي حاجه ام وبقى بيرجع لي وبقى واخدني ان انا الكبير بتاعه ولما يبقى في مصلحه ممكن يكلمني فيها امم فاصبح ان انا النهارده كسبت حد في ضهري ساندني بيجيب سيرتي بالخير في ضهري لو في حاجه اكبر من حجمه بيجيبها لي
فاهمني وكذلك الامر انا لو عايزه حد بيتمنى لك الخير حد بيتمنى لي الخير لان انا ساعدته بالضبط.
فسمعتك في السوق بتبقى وسط المنافسين بتوعك محترمه وكويسه جدا حتى مع العملاء فلما يجي العميل يسمع من منافس بيتكلم عنك بشكل كويس التراست بتعلى اكتر بالضبط.
فدي حتى على المستوى مستوى السوق ومستوى البزنس حاجه قويه جدا فلا اللي عايز يطلع عايز يذاكر عايز تساعده ساعده الناس مش هاخد من رزقك حاجه ده اولا ثانيا دي حاجه صحيه.
- شكرا يا كريم.
- العفو حبيبي انا جايلك منافس قريب .
-ده يا نهار ابيض ده انت تنور تنور الدنيا والله.
- ربنا يبارك فيك والله مبسوط جدا
- يعني انا بعدين عن الجو انا انا مبسوط والله بجد ا فكره ان دايما اللي بيتكلم يبقى حد جاي من الاوبريشن او جاي من الصنعه بايده واشتغل فيها بتبقى حاجه كويسه ويمكن دي اول مره اتكلم بره ان انا تعال نعمل ديزاين تعال نتكلم يو اكس تعال نتكلم كذا ف فانا كنت حابب ابدا سلسله زي كده معاك انت حقيقي سعيد جدا وانا اتشرفت بيك وانا شاهدتي فيك مجروحه.
بعيدا عن اي حاجه يعني اتمنى ان يكون وصل للحته دي يعني يبقى يعني ان شاء الله تكون مبسوط معانا في الجزئيه دي وتكون نوعيه الحلقات دي باذن الله تكون مختلفه عن الحلقات اللي فاتت ولو وصلت لحد هنا فشكرا ليك ونشوفكم على خير ان شاء الله.
الحلقة #17
مع Marwan Ramadan
الحلقة #2
مع احمد فارس
الحلقة #12
مع بيشوي أسعد